引用:

原帖由 prettysin 於 2013-1-26 22:22 發表

新鮮熱辣,今天發行的蛇年FDC到手了。照片拍得不好,大家將就看看

其實仙妺妳呢亭細路女未知世途險惡, 呢個世界太多壞人, 大有大呃, 細有細呃!

我之所以拒絕再玩首日封呢亭老襯嘢, 皆由於被burn過。

那些年契媽夥同港英殖民地偽政府, 出埋哂啲毫無記念價值之所謂首日封, 明掠水, 家陣驀然回首, 自嘆老襯不已。

就讓我放上一啲仲比雲斯頓雪茄佬更冇記念價值之所謂首日封給妳看看, 濫發到不得了, 好明顯係棍騙喇!

引用:

原帖由 蕉園仔 於 2013-1-28 09:44 發表


筆學長，港英偽政府確是不對，呃左學長咁多年，學弟捱義氣，把這些東西全部接收，免學長睇到眼怨，OK。

No problem, but the trouble is, 呢啲物件全部有案, 暫時不可郁動喔!

稍後我會學人揸住叠軍票問倭寇攞番錢咁, 攞佢嚟作呈堂證物, 問契媽索償那些年法西斯政權刮我民脂民膏!

引用:

原帖由 蕉園仔 於 2013-1-28 11:07 發表

各位街坑可否幫個忙，當年華人酒樓正確位置在那裡呢？謝謝街坑。

呢嚿嘢咁awkward 會否是華人酒樓個厨房?

引用:

原帖由 蕉園仔 於 2013-1-28 10:28 發表

探訪小學母校大坑東官立小學，我從協同中學旁邊的梯級行上去的，隔別母校 50 年，別有一番滋味在心頭。

啊, 母校啊, 你育我成發財, 等大話英pat pat痛落台我上後, 我立法列妳為國家一級歷史文物, 冇人敢郁妳拆妳, 直到永遠, 阿們!

大家睇吓牆上畢加索大師幅畫就夠值錢啦!

引用:

原帖由 mtpen 於 2013-1-27 19:55 發表

其實仙妺妳呢亭細路女未知世途險惡, 呢個世界太多壞人, 大有大呃, 細有細呃!  ...

我大督筆有重要驚天大陰謀事件要揭露公諸於世!  

原來契媽同8964有景轟嘅, 仲可能係幕後策劃主謀。

經我筆史學家多年查究, 大家睇吓8964前之26年出嘅呢個勸儂挽基運動就可見端倪。係人都知我國以農立國, 咁仲唔係衝着強國而來?

為咗追查真相, 我剛去完方五十郎岳丈大人生前跟班AO friends出沒之London大英機密檔案局睇過呢個有着現代啟示錄之首日封原稿, 駭然發現頭尾原本有兩個字, i.e. 「GET」& 「STRIKE」! 即全句本應係咁嘅「GET FREEDOM FROM HUNGER STRIKE」叫學生以絕食求自由之謀反策略總指示!

最詭弔仲係一早明示暗示作反日期, 清楚落實除咗於4th JUNE外, 策動年份是於26年之後, 即2+6=8; 而63年出此首日封, 即6+3=9。

我有理由相信契媽那些年早已夥同國內外反黨反革命逆賊暨國際反華集團以香港為反共基地, 聯手泡制篡黨滅國圖謀, 並已定案8964當日裡應外合起義!

呢亭魔鬼在字行裡之玄機, 一如林賊個仔Bill Junior當年想刺殺我恩師用上「571」代替「武裝起義」同一隱喻手法。又或响果幅「你追我趕」畫中傳遞暗號作反。

引用:

原帖由 prettysin 於 2013-1-28 15:33 發表

補上女俠照片

乜咁似仙妺妳嘅? 善哉! 善哉!  

引用:

原帖由 蕉園仔 於 2013-1-28 10:53 發表

火車捐山窿啦，還否記得當年牙菜坑旁那條沙田火車隧道的山窿入口嗎？

跟住果句: 「跚窗呀」!

非常感謝蕉兄不辭勞苦將我兒時之管轄區再次呈現眼前!

江山依舊; 人面全非。不竟已是50多年前之城南舊事了!

引用:

原帖由 小師弟 於 2013-1-26 22:42 發表

回筆師兄；介紹的兩式，昨晚臨睡之前有做練習，期待其他式子不日上傳分享，謝謝！

小師弟, 現放上最後兩招:

第五招: 即俗稱拱橋, 緩上緩落。

第六招: 屈起及貼合雙腿, 兩邊各輪流貼地擺平hold 10 seconds。

我叫此筆鐵罩六招十二式乃誇張而已, 其實應只有六招十式, 因第四及五招乃單式, 不用分左右腿做。

每天都要抽半小時左右完成此六招十式, 不可偷懶, 一定要堅持及有信心。三個月後定見初效, 六個月定必竟全功。

筆嬸當年曾問那物理治療師以下too simple, sometimes naïve questions:

Q:「When can I stop doing these exercises?」;
A:「You need to do them for the rest of your life!」。

Q: 「Everyday?」;
A: 「Yes, everyday!」。

佢唔信鏡, 試過有一排唔鬼做, 隻脚即刻發軟蹄冇力。我亦試過冇做一排, 又痛番。算啦, 咪當做瑜珈, 做運動囉! 好過痛到死吖!

引用:

原帖由 蕉園仔 於 2013-1-28 11:02 發表

各位九龍仔大坑東街坑，有否入過這個石峽尾警署呢？哈唔入好過入，生不入官門嘛，50 年前曾經過這裡，不知再過 50年警署是否仍在呢？

嗱, 呢两個砲台犀飛利喇, 埋親去都死呀!  

經我父兄講述, 1956年49大夫之福國旅港同鄉發動羣眾衝擊此警處, 幸得呢啲特殊設計, 武警可從上發射毒氣瓦斯阻止進發。

福鄉里在久攻不下, 轉回大坑東七層大厦徙置區將寮仔部區長室啲file掟哂出街一把火燒清光。之後好多單位突然多咗啲聲稱叔伯兄弟同住, 冇色認, 吹乎?

引用:

原帖由 Tarocake 於 2013-1-29 02:23 發表

老大，收到，馬上加番個「代」。謹向筆代史學家致歉

今次就漏咗個「近」字!

做咩呀? 避諱呀?  

咁都算你襟撈, 等我提名你做番個前海後補正怯吖嗱!

引用:

原帖由 小師弟 於 2013-1-28 21:59 發表

多謝，筆師兄！

小師弟不用客氣嘛!

其實呢六招之發招次序可悉隨尊便的, 以我習慣是3, 4, 5, 6; 之後用cushion墊好腰間虛位才一併做那1 & 2 招。

我最喜歡一落場做第三式, 皆由於壓腰之後很舒服的!

記着當hold住那few seconds靜止時, relax, 將重力下沉, 你會有一種超comfortable之感覺, 尤其是被壓及受力那部位。

初初做這些招式或會感到是苦事, 惟一年半載後, 你會唔做唔開心呢, 信焉?  

引用:

原帖由 Tarocake 於 2013-1-29 02:29 發表

非也，華人酒樓在紅圈背後，剛巧被天橋遮蓋，廚房向大坑西村

我想訪問一吓芋食神暨當代厨神你, 既然九龍仔都有華人之類酒家, 老兄那些年又何必跨區遠征去到東頭邨咁山長水遠學藝呢? 貪車費平呀?


莫非厨聖當年大隱隱於斯?

引用:

原帖由 Tarocake 於 2013-1-29 02:25 發表


話時話，你離開大不列癲時C2C面世未？

2004年我棄暗投明離開大不了癲時已有c2c, 惟大多仍沿用National Express之名運作。

引用:

原帖由 1149 於 2013-1-28 15:27 發表

2.28有假期,可是旅遊團都滿了,唉,只能繼續上班,現在要找4月清明節旅行團,

何必多見復多求!


去少陣使死咩! 我投誠咗我深愛嘅龍獅公國之後有近九年至今從冇外訪過都係咁喇!

[ 本帖最後由 mtpen 於 2013-1-29 14:22 編輯 ]

引用:

原帖由 Tarocake 於 2013-1-29 02:25 發表

大督爺，我見德、法、日等國加埋寶島的高鐵都對當地交通及經濟發展都有正面效益，為何你老家就唔掂呢？

芋兄問得好, 別國能, 為何我哎吔祖家不能?

老兄不如問, 因乜解究「日不落國」會搞到成為「日衰落國」仲好!

不同國家有着不同文化、民情, 真的不可以一本通書睇到老。除却我先前提到之人民習俗興自駕遊及英國公路網太過完善之外, 政治因素亦有着深層次之影響。

英人從來不信賴公共交通公具之可靠性, 而政府亦並不積極令人民過份依賴之。故多年來因政治因素而花了大量公帑修建四通八達之公路網。無他嘅, 因國民曾深深地被燒傷過。

那些年, 戴婆娘未登基之前, 有段長時期人民普遍患有左傾思想幼稚病, 工黨權傾朝野, 工棍當道、工賊橫行, 民不聊生!

試想行不得也哥哥之苦, 三日一小罷、十日一大罷, 每日損失之生產力天文數字, 卒之冚國富貴。要是人民集中靠哂鐵路等交通工具, 日後左派回朝咪用之練住國家條喉?

我哋Croydon之有今日能打造成為Greater London內之一個冇地鐵而又可變為Outer London一個極之成功的商業及自駕購物中心, 皆因好多全國性大機構厭倦了當年無止境之火車、地鐵、巴士聯合大罷工, 齊齊將Central London之Headquarters搬此而成。

引用:

原帖由 1149 於 2013-1-29 15:19 發表

PEN兄,若有機會芋兄帶我去常平,

我一定葉問2,打十個,(不要讓老婆知道)

...

請問49大夫因乜解究鍾意要做葉問2唧?

我則堅持做到1咁直。2喎, 物似數字形, 搞到攣哂, 把鬼!

引用:

原帖由 x215137 於 2013-1-29 20:48 發表


老何兄/各位街坊能夠拜讀各位朋友的傑作和無私的分享 ,令我能完成九龍塘的前世今生的環節,除了多謝外 ,同時亦感到榮幸,亦獲益良多......

歡迎…歡迎…小弟謹代表各街坊熱烈歡迎x兄大駕光臨!

請老闆多多上嚟捧場, 遲啲有兄弟招呼老細你去常平巡視當地業務喔!

引用:

原帖由 1149 於 2013-1-29 15:19 發表

這個月台大有兩名主任級醫師心肌梗塞,才不到50歲,

所以要及時行樂呀,

...

愈怕死, 愈快死! 自我實現預言係有根據的!

我有幾個退咗休嘅friends, 成日噏好似大夫話嘅乜鬼嘢及時行樂之類殘廢說話。嘿, 冇使幾耐一個二個窩哂河又或中咗風!

其中瓜咗果個, 佢曾講自已最收尾果幾年, 在家日子不及在旅途上多。不知他自己已有先兆抑或甚麼的!   

鬼咩, 我就話已一把年紀, 仲成日舟車勞動, 食無定時, 以為世界末日, 日日食最後的晚餐, 暴飲暴食!

成日話有得食就食, 有得行就行。做人點可以咁冇節制㗎! 開行哂個Turbo, 副計咪卒之提早玩殘囉!

引用:

原帖由 Tarocake 於 2013-1-29 23:24 發表

大督爺有所不知，當年小學剛畢業要芋媽托鄉里幫忙才能在東頭村茶餐廳安排一份part time 童工。之後開始長大，老板就transfer我去佢家族另一茶樓做。之後做熟左又無想過轉。不過在F.6時，曾經有位舊師父叫我到山東 ...

其實你老闆吖, 即係厨聖佢, 有否知道當日差啲親手毀滅咗當今一位曠世商業奇才呢!  

响你那次經puppy love失戀後憤而自宮重創, 搞到一褲都係, 血, 佢都唔俾你放假去睇醫生。試想一個唔該流血不止失救, 又或者耐咗令齊口腐爛駁唔番, 你話點算好?



最惨林公公果行家陣已冇市場, 搞成咁都唔知要你嚟做乜好?   



好彩上天有好生之德啫, 亦都好彩九龍仔風水好啫, 加上當時力度冇稍為加大咗少少啫, 否則, you know….?

引用:

原帖由 chungyong 於 2013-1-29 22:40 發表

上次佢梨花帶雨咁低泣，話佢自幼就喜愛九龍仔嘅芋頭，貪佢有豐厚嘅內涵，擺落口重回味無窮，但只恨天南地北，

假亦真時真亦假!

你倆老襟啲乜嘢數睇怕都要找出當事人冇漢小姐四口六面三方對質才可解決矣!

怕只怕大家响黑麻麻兼場面極之混亂嘅情況下, 連醒來問君貴姓名之機會也欠奉喔!

引用:

原帖由 x215137 於 2013-1-29 20:48 發表


老何兄/各位街坊

能夠拜讀各位朋友的傑作和無私的分享 ,令我能完成九龍塘的前世今生的環節,除了多謝外 ,同時亦感到榮幸,亦獲益良多....

最後,送上一份小禮物,以表寸心....茶餘飯後,你們又能否說明. ...

非常感謝x兄放上嚟呢張咁珍貴嘅九龍仔史前高空俯瞰圖!

確實犀飛利, 我見到好多嘢呀!

引用:

原帖由 mtpen 於 2013-1-30 11:05 發表


非常感謝x兄放上嚟呢張咁珍貴嘅九龍仔史前高空俯瞰圖! 確實犀飛利, 我見到好多嘢呀!  

係咪即係咁?

Please correct me if I’m wrong, okay?

引用:

原帖由 1149 於 2013-1-31 11:43 發表

問,,在香港結婚,是不是就可拿身分證,用香港身分來台容易

多了.

...

答49大夫:

絕對可以, 連那漂亮弟婦之妹妺都可以, the trouble is, 大夫你要跟49大嫂搞定…you know, and then你娶咗佢細妺, okay?

引用:

原帖由 Tarocake 於 2013-2-1 00:23 發表


老大，請問你點知49大夫弟婦有個細妹呢？你言下之意是否鼓勵49大夫重婚？ ...

冇呀, 正所謂�戔苳H打仔, 莫教人分妻。

我都係想獻計大夫做善事��! 我只想佢幫手搞佢弟婦個妺咁��, 幫佢棄暗投明來福國一齊人享福嘛!

即係咁, 49大夫跟49大嫂假離婚先, 之後跟佢哎�麉憧J假結婚。為求迫真, 做戲做全套, 可住埋一齊, 以免移民局�齯H懷疑, 做樣都要共處一房, 時不仲要行來行去扮��!

[ 本帖最後由 mtpen 於 2013-2-1 09:47 編輯 ]

引用:

原帖由 Tarocake 於 2013-2-1 00:23 發表

By the way, 辦左年貨未？會否同筆嫂蒸番幾底蘿蔔糕，年糕等招呼我地呢班街坊？...

筆嬸蒸生瓜, 啲嘢唔拎得出嚟㗎, 盞獻醜啦!

不如芋兄你呢位芋頭厨神整底年糕、蘿蔔糕, 以至芋頭糕放上嚟請街坊食吖!