連電光毒龍鑽都無辦法將金如來重創，小虎而家又傷成咁，寄望佢踢出霹靂狂龍o既機會似乎都好渺茫 lu。

哈，金羅漢今期真係好搞笑，睇黎佢今鋪真係會變返個好人，遲 d 仲可能會為正義而戰死。

嘩, 今期打得十分慘烈, 拳拳到肉, 好有舊著時代果種感覺.  

估唔到金如來咁快就 game over, 玉兒果一指實在居功不少, 睇佢今期既表現, 估計佢功力起碼有金鐘 8 關或以上, 因為睇佢擊退個巨鼎時真係毫不費力咁樣.

3 皇功力重新大執位, 估計都應該係小虎排第一位, 黑龍如無意外應該升到第 9 關, 但其實小龍都唔弱, 九陰 7 章 + 金童寶典, 論實力都無理由會差過 9 關, 所以我都唔知應該點排法...

應該無機會再睇到金羅漢 vs 金如來 lu, 原先諗住等金羅漢練成 11 關後再同金如來打鑊勁, 家下金如來都變左盲佬, 仲點夠金羅漢打丫？

勇哥一方面走去捉玉兒，另一方面又話人地參幫唔俾面佢，無邀請佢出席參幫爭霸戰，話要親自去踩場咁樣。咁樣兩頭走，佢其實做得邊樣？又話要對付龍虎門o既？

我覺得金羅漢將會升硬 11 關，如果唔升關，應該唔會舖排洗髓經出場。

引用:

下期預告話有人指點金羅柚..果個又應該係老鬼(達摩).~~

同意，我都覺得果個 short short 地o既老鬼就係達摩祖師。

因為預告話金鐘罩修為比金羅漢仲要高o既人，除左達摩之外，應該無第二個掛？

幾鐘意今期勇哥同玉兒果場文戲，可以睇到勇哥比較仁慈o既一面，平時真係好少會見到佢咁o既樣。

洪東都算威，可以同勇哥過招，就算係打輸都雖敗猶榮。而且唔打唔知，原來洪東 level 係有黑級初階，果然係堅 !  

下期叫 "九霄驚天變"，似乎韋陀將會有突破咁喎，唔通黎個九霄 9 章頂級？

我諗韋陀唔會咁快就領飯盒掛？

響我心目中，韋哥係龍虎門 Big 5 黎架喎，話晒都九霄 9 章，唔係個個都可以輕易打得嬴佢o既。

今期勇哥件大褸都幾搞野，成個叮噹八寶袋咁，裝住個面具之餘，仲可以裝埋部 i-Phone，神奇都爆。

今期老黃真係有 d 欺騙讀者之嫌，特登搵韋哥做封面。我一路都覺得韋哥係龍虎 Big 5，對佢一路都好有期望，好想睇佢九霄真經威番鋪，同阿勇哥或者無敵打番場，結果遲遲都總係未能實現。

家下仲成日搞埋 d 科幻野，咩時空穿梭，咁就叫九霄驚天變架喇？勇哥家下都好忙囉，玩時空穿梭之餘，又要搵玉兒傾計，又話要去參幫踩場，又話要諗計對付王小虎佢地，到底佢做得邊樣。若果論做大事o既能力，我覺得無敵會好好多，起碼佢唔會搞埋咁多無謂野，加上佢又性無能，唔會諗女人，會專心 d...

達摩，張三豐先後出現，下一個會係王重陽嗎？

係啦，家下連白仇都去到紅日訣喇，黑龍真係要加把勁，快趣 d 升到 9 關喇。

下期又話出個新人物係同老祖宗有關，越搞越亂，唉。。。

係呀，金羅漢升 11 關，而黑龍就 10 關，個個都有得 upgrade，皆大歡喜。

係喇, 今期的確無咩特別, 主要交代番戒仔被密宗活佛捉走左, 普陀法王將會搵勇哥要人, 睇黎佢地都會黎一場比試.

另外華九公到左龍虎門, 睇個樣似乎會對韋哥不利.  

睇黎今期外傳果邊都會係無哩頭內容一大堆, 睇預告似乎會講金如來生前 d 故事, 我覺得真係好搵笨柒, 人地都死左喇, 咪算囉, 又要整幾頁紙去講佢以前 d 野, 好心唔該顧及下讀者感受啦, 有無考慮到底我地想唔想睇呢 d 內容 ? 快快趣趣講金羅漢順利升到 11 關, 救出風雷, 二人聯手血戰通天教群邪咁咪仲好睇...

韋哥現時功力起碼都有 10 關半或以上, 全力一擊的話應該唔止可以拆橋咁簡單, 哈哈...

另外韋哥個樣同王無忌的確好似, 大家後面 d 頭髮都係長長地, 連武功都係同一樣名.

[ 本帖最後由 天下無敵老祖宗 於 2008-11-14 10:48 編輯 ]

金羅漢終於都升上 11 關，但未知威力如何，有 d 期待。。。估計呢個角色應該都仲有排玩，無理由咁辛苦升關，之後兩下就俾人打死掛 ?

上個禮拜誤會左華九公，原來佢真係黎幫阿韋哥提升功力，家下韋哥一下子升到等同於黑級初階o既兩極歸元 level，而華九公就功力耗盡，好彩都無生命危險。

好奇怪，原本聽日至有o既外傳，頭先已經見到有得賣，當然順便買本睇下。下期劇情應該會精彩返少少，因為會有無敵 vs 老天尊。

引用:

係囉,今個星期就左日出,唔知丫老天尊可以捱到聖上幾多招呢

家下無敵o既功力已經誇張到可以用黎當噴射引擎咁用，從而增加戰鬥機飛行速度，仲要係萬丈高空，穩如泰山地企響高速飛行中o既戰機上面 (老祖宗 level)。相比之下，老天尊只係單手接住架直升機，完全係差幾條街。

引用:

究竟邪神有用心何在呢？？　

我諗勇哥真係悶得滯，又無女溝，所以搵阿韋哥黎消遣下。

其實佢咁想搵人比武，直接 d，去參幫爭霸戰咪算囉，淨係一個無敵已經夠佢打足 1000 回合喇。

韋哥今期非常有型，氣勢迫人，行出黎已經成個一教之尊咁，龍虎門 Big 5 點可以無佢？

密宗老魔都係時候收檔，被勁過佢o既韋哥打死，都算係合理喇，況且佢都無乜戲份可言。但果陣時好似介紹過，話密宗老魔之上仲有一個更加勁o既高手，係咩黑教個首領，應該會接住出場，定還是係我記錯左呢？

下期封面係勇哥呈現一間黑級戰紋，莫非講勇哥順利突破至黑級高階？

另外風雷果邊預告都好精彩咁，話將會有 3 組高手對決，金羅漢 vs 豬油，風雷 vs 王苦海，無敵 vs 老天尊，非常期待。

韋哥今期真係似番個超強武者，特別係從半空上急衝落隻躉船再爆開佢果下野，氣勢上拍得住之前小龍九陰降龍掌打斷大橋。

密宗老魔真係幾變態，咁樣俾韋哥打到七孔流血都仲未死，唔知佢之後會唔會遇到密宗活佛，跟住俾佢執死雞打死埋？因為活佛其實都唔想同老魔分享天佛掌秘岌。

引用:

乜戒仔講左天彿掌既秘笈比老魔知咩??

其實密宗活佛的確有理由會殺死老魔架。第一，佢曾經被老魔發現想獨吞天佛掌秘笈。第二就係活佛如果殺死老魔的話，以為就唔需要擔心老魔再會同佢爭秘笈啦。

聖火門之前幾次出場時都係雷聲大，雨點小，好似神火，怒火，甚至乎最強o既烈火祖師都係，初初打時就懶係勁，結果通通都係衰收尾。所以對於今次拜火 5 使都無咩特別期望，咁就想殺小虎，難囉 !

仲有，之前介紹過話聖火神功最高o既層次就係焚天境界，而家又話烈火金身先係至高 level，連烈火祖師都未能練成，真係一時一樣。

可以理解o既，家下龍虎門 d 人個個都咁勁，閒閒地都有 9 關 level 或以上，d 奸角唔夠勁的話就無睇頭架啦。

各位大哥有無玩風雷比武競猜遊戲呀？

我咁樣買法：

無敵 win 老天尊
金羅漢 和 豬油
風雷 win 王苦海

引用:

赛事好似不设和局的啵？

哈哈，我呢條過關欖已經無錢收啦，估唔到無敵會專登輸俾老天尊，無野好講，或者無敵自己買左好多錢外圍買自己輸掛，即係打假波。

講開又講，金羅漢 11 關已經可以頂得住老天尊 39 層天o既鬼神辟易，他日如果佢有機會去到 12 關，威力真係難以想像。

我估 25 仔可能係陳奪或者陳傲雲，如果係真的話，佢地之前特登去拜訪洪東佢地似乎係想一探群英o既虛實。

銅猩都跟左洪東一段日子，應該多少都會學到 d 野掛？自保應該唔係問題，要救其餘果 3 位師傅就難 d 囉，唯有寄望戒仔都可以快 d 出黎幫下手。哎，可惜王伏虎失蹤左啦，如果佢響度，起碼都可以應付到銅，鐵或者石使。

下期火爆做封面，驟眼睇仲以為係王風雷添。

大家講得好o岩呀，銅猩今期真係交足貨，以一敵二都仲有咁o既戰果，算係好難得囉。希望老黃唔好咁快整死佢啦，佢功力已經提升唔少，可以幫到群英架。

睇老黃o既說話，似乎金羅漢都應該會幾長命。其實真係幾鐘意見到佢改邪歸正，感覺上比老妖成功，因為老妖自從做返好人後，表現一直都麻麻地，成日都係捱打，好慘 !

我都唔希望韋陀會咁快死，最希望今次結局會係勇哥同韋陀都係 win win 局面。韋陀繼續 keep 住太極歸宗 level，而勇哥就 upgrade 到黑級高階 level，因為睇情形無敵好大機會上得到 10 陽功力，如果勇哥唔 upgrade 的話，就會無得同無敵對抗。

希望勇哥唔好咁快死住，好想睇佢o既黑級高階同無敵o既終極十陽比試一下 (相信老黃佢地遲 d 會製造一個理由令到無敵可以正常地運用十陽而唔會自焚)。

[ 本帖最後由 天下無敵老祖宗 於 2009-3-6 09:05 編輯 ]