今期的確係超級好睇，劇情緊湊而且好有舊著果個大結局 feel，構圖亦值得一讚。

洪東o既遭遇實在太慘，希望佢會無事啦，唔想見到佢咁快就走呀。

引用:

其實我都唔明陳傲雲,做乜咁開心,個套咁既「頂天立地」神功,佢老爸只不過勝三郎一籌,看來高極有限.

完全同意你咁講。好似果個陳傲天，練到乜野頂天立地最高心法，但就連三郎o既 22 重天都頂唔住，真係抵阿三郎鬧佢係廢柴。

老妖係我最喜歡的角色之一，見到佢今期大發神威，一舉消滅晒所有廢柴忍者，再將白獅呢條人渣埋單，睇到真係非常興奮，希望老妖繼續發威，最好快 d 搞掂埋翻江蛟呢條契弟。

引用:

翻江蛟亦係其中一個黑人憎歹角，好想佢快�囍滿I

翻江狗o既角色本質同陳傲雲好近似，都係搞搞震無幫襯果類，而睇走勢老黃最近開始 promote 緊 Owen Chan，翻江狗變相戲份少左，所以倒不如早死早著好過。

無敵響韓國果邊忙到七彩，分身不暇，真係唔明佢點樣可以傳功俾小虎？

唉，陳傲雲呢隻禽獸，連親生老豆都殺得落手。睇黎舊著o既歷史將會重演。

下期小龍終於爭取到機會提升功力啦，真係戥佢開心呀。

[ 本帖最後由 天下無敵老祖宗 於 2009-5-7 23:20 編輯 ]

引用:

宗兄, 未真係睇到內頁都唔好咁老定, 小心封面騙人...

哈哈，小龍都係時候提昇功力到九陰 8 章啦起碼，佢個好細佬都去到第九陽，而黑龍o既 9.5 關隨時都會升到 10，我希望小龍唔好落後班兄弟太多啦。

引用:

九陰共有幾多章?

如上述兄弟所講，九陰真經只有九章。

最好就唔好搞咩十陰，又或者暗黑九陰，因為個名真係好難聽。

引用:

唔使太複雜，好似易筋經分上、中、下咪咯！

哈哈，終極九陰，主要劃分三大層次，下陰，中陰，上陰。

小龍練成九陰九章，唔知會唔會安排佢有戰紋出現面上呢？

另外九陰真經除左配合九陰白骨爪之外, 唔知仲有無其他專用o既招式呢？好似九陽五絕咁, 會唔會又有九陰五絕呢？

咪係，堂堂九陰真經第九章功力都只係配同 d 爛銅爛鐵過招，簡直係侮辱緊呢套武功呀。

我覺得今期唔錯，雖然小龍o既對手只係爛銅爛鐵，睇落比較 "削"，而小龍肯定係未盡全力，見招拆招，一招一式演繹得清脆俐落，嬴得十分精彩。

但係，我唔係好喜歡下期果個封面，令我勾起舊著時小龍被激光射到全身穿晒窿果個慘死樣，希望唔好再整死小龍就好喇。

引用:

宗兄淡定, 下期係 "封面殺手", 內容唔會同封面相同啦...

Kevin 老弟, 諗深一層, 其實都應該唔駛為小龍過份擔心, 小龍而家已經身負九陰真經頂級功力, 無理由連個 disco 波波都打唔爆, 所謂今非昔比, 舊著小龍無論內功同掌法都同而家小龍差成九里遠...

再講，之前老黃好似曾經話好後悔以前整死小龍, 睇怕佢今次會特別恩待佢先係...

其實九陽同九陰頂峰係咪應該勁過金鐘罩 10 關 ？如果咁計，黑龍o既排位應該跌到第 4 位 (Big 4 計) ？

足球大哥，多謝你詳細講解左今期個劇情。

估唔到今次係由媚娘去被激光射, 你估佢會唔會死呀？

小龍今期表現好好，九陰真經第九章支持到咁多下激光射擊已經算係好叻，當然，如果被困響密室果個係無敵的話，相信佢只需一下大陽劍，成個 disco 波波都會應聲爆碎喇.  

老祖宗唔會出現響新龍？哈，暫時聽住先喇，恐怕遲 d 又會改變主意。一係咁囉，佢地繼續係咁出 d 外傳，等老祖宗一路都響果邊出場囉。其實只要劇情合理，出下場又有乜所謂，好似今次佢都被凶星打到黐肺喇，算係幫舊著時o既凶星平反吧。

勇哥哥一條友力戰三皇 + 普陀法王 + 戒仔，5 位功力都有返咁上下 level，勇哥就算係打輸都合情合理喇，非戰之罪。

我覺得今期最精彩就係小龍 + 大水牛同時打出絕招攻向勇哥果下。。。感覺好似睇緊舊著一樣。

引用:

其實我幾buy大水牛呢一段,話哂佢都係個頂級高手,點都要寫佢幫下手既,可能第一品留低係佢個意識中呢

其實大水牛真係幾勁，分分鐘可以打嬴豬油同埋金羅漢。但可惜在無任何招式配合佢o既超霸道內功，一味淨係識得出拳，打起上黎會好蝕底。

引用:

實整第一品應該點出招??? 有咩實際內容可以說服讀者呢招比排第二既 "千軍萬馬" 勁??? 齋出一對拳頭??? 可能小龍傳有講, 但無咩印像...有邊位大哥指點迷津???

哈哈，直至呢個 moment 我都無法理解 "君臨天下" 呢招係點樣打出。淨係知道大水牛每次出招時身後都會見到至尊魔王個影像，估計呢招應該係無咩花巧，做咁用兩個拳頭攻向對方。如果真係咁，千軍萬馬呢招似乎仲勁喎，起碼氣勢上都嬴晒喇。

另外，如果大水牛一早就識得用 "君臨天下"，之前同金如來打就應該出喇。

[ 本帖最後由 天下無敵老祖宗 於 2009-7-12 11:26 編輯 ]

勇哥哥連中 4 大絕招 (九陰大霹靂, 君臨天下, 霹靂狂龍, 九子連環), 就算輸都係合理, 非戰之罪. 不過佢畢竟都有一間戰紋黑級, 最後連一個人都殺唔到, 實在有 d 意外. 我估佢應該未死, 不過今鋪睇怕都要被雪藏好耐.

仲有, 無敵一時響韓國, 一時就走左去日本, 時空交錯, 睇到人亂晒籠. 連服裝都唔同埋, 之前著大褸打 tie 咪幾有型, 無厘頭又要著返件龍袍, 好心喇, 要優化就唔該有頭有尾, 咪一時一樣, 睇到好混亂, 咁金羅漢, 王風雷又幾時先返日本呀 ?

引用:

佢地仲要凶人�儦�! 你老人家今次唔夠凶星打......本�牁轛線架!

勇哥落敗最大原因-------------屈機, 屈腦殘, 次次比人圍, 單挑三邪個個輸左又返生圍愀................. 大俠 死得好慘..
玉兒呢件婊子比Laser射都唔死啦!!! 真係好難再忍呢本野落去

十足狀態之下，老祖宗又點會輸俾凶星丫？你信唔信？歷史將會重演，凶星遲 d 會死得好慘。。。

引用:

宗兄, 你唔係想小龍再"壯烈犧牲"�儮�???

唔係，我都好鐘意小龍，點捨得佢又死多次丫？我只係奇怪o者，勇哥一間戰紋，但就連製造多少威脅，或者壓力俾群英都欠奉，俾人圍毆至死。其實再打落去都係無意思，功力設定肯定遲早又再次失控。勇哥咁勁，成本書能夠同佢單打獨鬥估計都只係得兩個人 (老祖宗 and 無敵)，但而家連佢都跌倒左。咁就算他日老天尊練成道經，相信 level 都係同一間戰紋差唔多，相信對群英都唔會做成咩威脅。

無敵 d 十陽功力去左邊樹？

九陽合一硬拼 3 皇都搞到自己嘔血？哎，非常失望。

文殊天尊就更加不值一提喇，完全係可有可無。

引用:

今期書完全係廢，可以唔使睇都得
為左補完果本濕九外傳，監硬要黑龍做羅剎教主，重畫番晒外傳內容一次，浪費讀者金錢！
要無敵o黎踩場，將以往為無敵塑造o既型像破壞晒，失敗！
又俾多次機會龍虎群邪表現出佢地係幾咁忘恩負義，無敵過往點幫佢地，佢地都可以反轉豬肚，失敗中o既失敗！
黑龍做教主在任期間o既事提都唔提，出幾隻字話「一年後」就算x數，水過鴨背當冇事發生，超級失x敗！

你講得好o岩，小虎之所以能夠咁快練成九陽，都係全靠無敵幫佢，就算無敵真係利用佢黎對付勇哥，佢都唔駛咁野蠻，郁 d 就話喊打喊殺，俾我感覺係群英家下仲惡過晒 d 所謂反派，傾唔埋欄就講都費事講，一腳踢埋去就算....

無敵又係好奇怪，明明之前已經去到十陽邊緣，又自創一招五絕合一，家下竟然俾人打到嘔血，連少少壓倒性形勢都無法子出現，正如我之前講，打落去都無咩意思，一係出老祖宗啦，跟住全部人一起上，車輪戰打死晒去，跟住大結局算數吧。

另外果邊又係好能 on 9, 風雷同 3 皇，大家都係曾經出生入死好兄弟。咁耐無見，風雷話自己做左月聖使，佢地都應該問下箇中原因下話？問都唔能問，即刻就話要喊打喊殺，咁算係咩兄弟先？王伏虎以前都係月聖使喇，又唔見 3 皇話要打死佢？