呢兩期 d 打鬥好睇左好多，一招一式都畫得細膩過以前，加埋貨櫃碼頭做場景，幾吸引，值得一讚。

有無人估到最後果頁果個人係邊個？會唔會係龍貫天？

今期通天三仙 d 做型真係好普通，個款勁似 2 打 6，其中一個又係練咩雷霆魔功，真係無咩新意可言。

下期叫邪拳回歸，唔知會唔會係講風雷回歸龍虎門呢？

引用:

小棍妖, 新 2 打 6個個十關以上, 王小虎九陽連個六騎士都秒殺唔到! 麻生落台...........點兜落去?

呢個就係 3 皇功力升得太快o既後果, 邪派同樣地要 upgrade 返相對 level, 如果唔係就一面倒無得打, 無人會再追睇落去. 不過小棍妖呢 part 真係無乜說服力, 之前明明係好迂腐, 家下又會突然間勁過佢老豆 ? 仲有果件萬雷魔君, 之前介紹好似話最多都係 9 關多少少實力, 家下走黎單挑風雷, 肯定又唔止呢個級數. 因為風雷家下都勁左好多, 無 11 關 level 都應該對佢無咩影響.

引用:

三仙是四龍部下,個款似2打6也算正常,冇理由勁過上司,雷震子可能是雷神師兄弟
風雷回來是不會再走,定友情客串呢?

希望風雷快 d 回歸, 想快 d 睇 Big 4 聯手混戰通天教...

引用:

睇嚟黑龍第十關都捱唔到蚩尤幾多拳

要同豬油以硬拼硬, 相信起碼都要好似金羅漢 11 關 level 先至有嬴面

[ 本帖最後由 天下無敵老祖宗 於 2009-9-4 13:52 編輯 ]

小棍妖呢 part 真係越寫越離譜，支棍斷左，跟住又話以易筋經白級功力去凝聚支氣勁棍，然後插穿金鐘罩 10 關。佢 d 白級仲要係九死邪功夾硬谷上去果隻，真係好離譜。

其實金鐘罩 10 關防禦力已經係超強，邊有可能咁容易輸俾易筋經白級？除非係老邪神或者勇哥駛出o既白級，否則都無理由咁輕易打得嬴 10 關金鐘罩。。。

今期專欄介紹冰火七重天，竟然話佢o既攻擊同抵抗能力都不遜於易筋經同金鐘罩。真係佢講晒, 當日風雷都係七重天，結果俾金羅漢 10 關金鐘罩打到嘔晒血。仲有王海蛟，佢七重天近乎無敵，結果都要輸俾未練九陽神功o既小虎，真係非常唔合理呀 !

我開始有 d 頂唔順外傳果邊 d 故事 + 劇情。

就今期討論，以無敵呢種級數，對住涅盤老妖竟然好似無晒辦法一樣，無晒還擊之力，仲要金羅漢同風雷出手先可以叫做話迫走呢個老妖。

空我好討厭，明知金鵬呢個人係心術不正，仲要幫佢練成陽世奇經最終章，好似想間接利用佢黎打壓群英咁，呢 d 行為簡直就係不可理喻。

另外，勇哥下期應該會再次登場，真係唔知將會點樣安排。搵群英報仇再打多鑊嗎？

純粹預測，無敵好可能將會修練無相神功，因為佢實在太鐘意扮鬼扮馬。睇番通天教故事 d 預告，佢無啦啦可以出現響通天教叛亂裡面，混水摸魚，跟住失驚無神一野打落文殊天尊度。。。

小龍今期表現大勇，交足功課，高手風範盡現。只可惜係呢個 pk 都靈上人 d 武功實在過分屈機，打極都仲可以起返身，或者因為佢係新登場卦，唔好意思話佢一下子就被小龍 pk 左。

希望下期小龍只係受微創，大反擊打番都靈轉頭，一係就逃走，千祈唔好被條 pk 屈到重傷。

都靈果 d 爛鬼化鴨神功都可以同小龍o既第九章拼個平手，講真就有 d "汶水"，唯有解釋係都靈年紀大過小龍好多，功力深厚，可以彌補返功力差距。

勇哥哥復出，好似變左另一個人咁，無以前咁好勇鬥狠，如果唔係風雷 "撩" 佢，佢可能真係做咁走左去。

我都覺得其實以小龍現時o既第 9 章功力, 係可以穩嬴都靈上人.

論功力, 可能大家差無幾, 但論招式, 小龍肯定 sure win, 降龍掌 + 打狗棒, 變化莫測. 反觀都靈係完全無招式可言, 其實只要小龍唔好輕敵, 集中火力不斷係咁打都靈個頭, 都靈好快就會爆頭而死 (好似今期都靈個頭其實都已經爆開左) !

引用:

今期小龍真係好低能 !

竟然咁輕易就相信一個路人, 仲要個路人包到成個忍者咁實, 正常人又點會咁.......

可能小龍感覺到銀玲係個靚女...所以無晒戒心...

今期白無涯o既表現似乎過份托大同自信, 低估左四龍o既實力, o岩o岩開波就已經被人打到咁, 再打落去真係驚佢會被人打死...

元始門響泰國都應該有好線眼, 無理由會唔知今次廣法堂被通天教攻打, 我覺得豬油最後應該會出現, 助白無涯一把.

二線高手 d 打鬥好似無咩睇頭, 完全係一面倒o既局面, 廣法堂完全無 chance !

反而一線打鬥都仲 ok, 白無涯谷出最高功力, 有 d 料到. 仲有豬油 + 小虎, 希望佢地聯手盡快打爆活閻王條 PK !

有無搞錯呀？連四龍都有 38 層天？哎, 真係好監硬黎, 唔 make sense, 已經兩個打一個架啦, 設定到咁高把鬼咩？家下白無涯仲俾人暗算左一刀, 無啦, 呢鋪睇怕佢都幾難可以翻到身, 就算唔死都可能會被廢武功 !

今期小虎好慘呀, 俾陳傲雲搞到雞毛鴨血, 無晒戰鬥力, 下期可能豬油真係會駕到, 拯救廣法堂.

另外果邊風雷變到好恐怖, 去到 7 重天的話, 仲駛打o既？

頭先行過報攤, 見到新春孖寶號原來已經出左, 今年又會快成咁o既？

龍虎門o既世界裡面, 只要個頭仲係同身體連接著都唔可以算係死左, 好似勇哥哥就係最佳例子...

話時話, 風雷見到老邪神 and 東方無敵時, 點解唔順便同佢地單聲, 勇哥哥其實仲未死, 遲早都會出黎搵返佢地...

[ 本帖最後由 天下無敵老祖宗 於 2010-2-13 09:19 編輯 ]

睇到金羅漢駛出 "逆練金鐘罩", 真係無野好講. 乜野內功都話可以逆練, 無走火入魔之餘仲可以功力大進, 真係佢講晒 lu ~

Super 悶的一期, 唔睇都唔會係損失, d 圖又大幅 !

老天尊最後果個樣好似電影 "神奇 4 俠" (Fantastic Four) 裡面果個銀魔咁...

哎, 五郎被吸走體內 d 車厘子後, 即時成個洩氣皮球一樣, 仲話想同豬油鬥？佢老豆就一定得...我估王小虎或者小龍都可以打嬴五郎 !

今期花左 10 幾頁去講黑龍同元始門係點樣結怨, 坦白講有 d 悶...

活閻王咁就死左, 都幾突然...係咪老祖宗殺o既呢 ？

外傳果邊節奏比較明快, 但就唔多 make sense.

金聖老話晒都曾經可以同老邪神打個半斤八兩, 估唔到兩下手勢就俾準神武天皇收拾左, 莫非真係拳怕少壯？

另外尼古拉伯爵到底係乜傢伙？除左識得逍遙三絕之外, 仲識得玄劫o既天地大法, 而且真正身份係一隻人狼 / 吸血殭屍？黐線架...

最後, 小鷹 upgrade 功力呢段都算合理, 因為小鷹如果再唔 upgrade 的話, 恐怕以後都無咩戲份做.

[ 本帖最後由 天下無敵老祖宗 於 2010-4-25 15:33 編輯 ]

小龍之前同都靈上人打都只係平手, 龍貫天點睇都應該勁過都靈, 所以如果單打獨鬥的話, 龍貫天應該係會打嬴小龍o既...

風雷快將回歸新龍, 真係非常期待, 而家通天教實在太勁, 多個人幫手絕對係好事.

近排真係好睇左, 劇情同節奏方面都係.

舊著時二郎神就係死於金庫之戰, 唔知今次係咪會歷史重演？

我想風雷正式回歸龍虎門, 同 3 皇一齊作戰, 唔該唔好再寫埋 d 乜野風雷傳 3 喇, 拜託 !