引用:

今期小龍大發神威，打到瘋妖重傷跌落海！

但有點不滿就是寫到小龍勁得很誇張！竟然可以一招「飛龍在天」打斷條天橋！

另外今期[惡魔的噩夢]果然貼題，真係寫金羅漢發惡夢！

P.S.下期伊賀飛仙登場！

勁勁勁 ! 今期小龍型到爆，結尾一句 "討厭我最好，只怕你喜歡我 !" 。寸到爆但的確佢又真係寸得起 !

講返武打場面，各位有無發覺？九陰真經 7 章o既破壞力已經有東方無敵 / 火雲邪神o既影子。假與時日小龍練得成終極第 9 章的話，真係成座山都打得爆。    

可惜啦，之前打金羅漢時，又唔見小龍會勁成咁o既？

小龍而家著緊果件背心，係咪就係甄子丹果件？因為好相似呀。

老黃話金羅漢將會遭受到大懲罰，恐怕佢o既金鐘罩 11 關美夢都難以成真啦。最終可能仲會死得好慘 !  

引用:

小弟雖然係小龍迷，但以事論事，龍虎門應該是達到九霄九章ge韋陀功力最高。教主級內功喎，就算小龍7陰加打狗降龍，應該都唔係韋陀個皮，而且韋陀本身外功招式都唔弱，鷹爪加詠春加截脈寸勁，配合頂級內功，小龍應該唔夠打，不過若果安排這場比試，相信會很好睇...

而呢個亦係點韋陀雪左年幾ge原因之一，因為新龍要開始加重小龍ge份量來配合電龍，純綷商業考量。

真係好，原來呢度好多人都係 support 小龍。其實小龍身為龍虎三皇之一，武功 / 際遇等各方面真係唔可以安排得太差。

千萬唔好好似舊著咁，活脫脫就係一個悲劇人物。武功永遠被雙皇拋離，毀容，親眼望住條女被人老強，最後仲要中伏慘死。以前見到小龍收場咁慘淡，真係好鬼難過架。   

再講，而家風雷，韋陀都各自練成本身武功o既最頂峰，小龍身為主角，資質又唔係話好差，所以真係無理由佢會屎過其他角色囉。  

討論一下韋陀，我都同意幾位龍虎 fans 意見，佢的確係龍虎群英中最勁果個。之前曾經介紹過，九霄真經練到第 9 章的話，其實就已經相等於易筋經黑級境界。雖然韋陀只係達到第 9 章初階，但理論上已經等於易筋黑級初階。  

論實力，韋陀應該更勝韋驚世 (白級頂峰)，東方無忌 (八陽)，再加上詠春拳同神鷹九奪，真係內外都咁勁囉。我唔知大家同唔同意我咁講。。。

其實老黃都應該考慮下 upgrade 風雷。冰火 7 重天實在無理由咁屎 ! 王海蛟可以一野震爆晒成間鍊鋼廠，王風雷就算無工廠俾佢震爆，都可以用其他方式去表達 7 重天o既威力 ! 最起碼唔好被金鐘 10 關打到夾住尾巴走，真係好鬼羞家 !   

擁有相等於 9 關功力或以上o既高手其實都仲有好多。例如 :

蚩尤 (估計應該有 10 關或以上)

老邪神 (呢個唔需要多作介紹啦)

劍妖 (先打敗玄劫，繼而曾經同金羅漢打成平手，所以應該都係 10 關高手)

金鵬 (應該有掛？)

刀痴，棍痴 (應該都有)

白骨丞相 (有可能，老黃未正式披露)

飛仙，刀仙，一律假設都會係呢個級數或以上，如果唔係好難做一派之尊。

個人絕對唔希望見到老祖宗咁快出場。因為唔想見到幾拳就打低老天尊呢種離晒大譜情節。

[ 本帖最後由 天下無敵老祖宗 於 2006-9-22 05:22 PM 編輯 ]

引用:

而家D功力Setting以經好離譜,尤其係化灰情節.......小虎幾多陽話? 點解中咁多招都冇事!!

東方無敵用 9 陽功力將天長老化灰，勉強都仲可以接受，因為佢係東方無敵嘛。

但韋驚世易筋經白級都可以一掌就將東衛化灰，真係有 d 那個。

引用:

上次公海決戰東照宮主持講過, 只有九陽霹靂神掌及降龍十八掌能打敗金如來之天佛掌, 推斷降龍十八掌跟九陽霹靂神掌不相伯仲, 但目前內力東方無敵遠勝小龍, 上次東方無敵打出大霹靂之所以周圍環境沒有被太大破壞, 全因大霹靂九成力量被火雲邪神用黑級浮屠硬受, 上次王伏虎用小霹靂打老邪神, 老邪神避開, 結果小霹靂把整座建築物打破, 可想而知如果大霹靂是直打在任何建築物也一定完全破壞

九陽霹靂掌同降龍十八掌都係驚世絕學。九陽大，小霹靂都需要以九陽神功輔助打出先至夠破壞力。

但其實降龍十八掌又應該以邊套內功黎輔助先至係最勁呢？係咪一定要九陰真經呢？如果換上九霄真經，金鐘罩，或者日月神鑑咁又 work 唔 work 呢？

老邪神武功係全本書最多元化o既角色。佢如果練成降龍十八掌，以易筋黑級浮圖內力輔助，相信東方無敵要打嬴佢仲難過打火雲邪神呀 !

今期透過白就同瘋妖過招，了解左白就 d 武功路數，同埋去到咩野 level。

白就功力大致上同瘋妖不相伯仲，即係話白就係勁過夜梟o既易筋經藍級，而且輕功仲要係同飛妖差唔多，的確幾犀利。

佢最恐怖o既絕招就係無影刀，因為已經有飛仙 6 成修為，好 easy 地就將瘋妖個頭斬左落黎，真係估佢唔到。如果由飛仙使出無影刀，恐怕群英裡面有人會死呀。

P.S. 飛仙係白就個祖父 !

老黃話就快出通天教百年大典，講到好似好精彩咁。希望佢唔好成日都係得把口講啦。

[ 本帖最後由 天下無敵老祖宗 於 2006-9-28 03:01 PM 編輯 ]

引用:

咁講法，同係"仙"字輩傳人，白鷲比真弓強多了，甲伊賀兩派未決戰，嫡系傳人既比較，伊賀已先勝了甲賀一回合。

Agree !

白就能夠同瘋妖過招，而真弓就只能夠同瘋妖個徒弟打。雖然大家都係"仙"字輩傳人，明顯地 level 已經大有不同。

可能老黃覺得真弓始終都係女性，武功方面實在唔應該太強 (老黃本身係大男人，傾向睇低女性？)。

或者可能安排真弓做小龍個暫時女友，調和一下小龍 d 怨氣，等佢唔好成日都咁火爆。    其實真弓到底鐘意小龍，定係青天，似乎都仲未有交代。但我就覺得佢對兩個都有興趣。

新著呢個白就真係同舊著果個好唔同。除左個樣靚仔過以前好多，連武功都完全唔同，初初真係估唔到佢會係一個忍者出身。我覺得佢好似翻版藍浪一樣，兩個都係咁奸，心腸惡毒。  

有個癲佬發神經地進行洗版, 踩場 !

冰河兄, 你係時候出手啦.  

無錯, 以當日王海蛟果個無敵狀態, 就算係兩個日聖使聯手都唔會夠佢打.  

當日就只有東方無敵, 火雲邪神, 金羅漢或者王伏虎先配做佢對手.

引用:

講起王海蛟...你地睇佢o個陣覺唔覺佢心口痛????我就唔多覺..
因為後尾風雷鍊到七重天...小龍(唔記得係唔係..好似係佢啦)話佢一上七重天o個陣..個心會有事...仲話王海蛟係因為咁而死..唔係比小虎打死...
我唔多覺囉~~~

同意.

我相信係 d 編劇失憶, 王海蛟根本就無咩心口痛毛病. 只係話當年同東方無敵決鬥時, 曾經被大陽劍射穿心坎穴, 所以心臟因此就成為佢個人弱點而已.

由此推論, 心口痛同冰火 7 重天根本就無任何直接關係.

老黃不如直接話王風雷本身有心臟病咪仲合理. 無謂拖埋王海蛟同 7 重天呢套武功落水丫, 真係貶低晒佢地呀 !   

引用:

王風雷既七重天係小龍運轉陰柔既九陰真氣，溶匯滯留風雷體內既金鵬陽火內經而成，同王海蛟搵條命搏得黎既七重天真係差好遠，一個係人弟幫拖，一個係搵命搏，威力有差應可接受，但同小龍或金鵬合擊都打唔過十關金鐘罩似乎真係有D講唔通。

老黃其實應該要後悔咁早就整死王海蛟.

老黃大可以安排佢繼續同群英週旋, 另一方面亦可以俾佢發揮一個以邪制邪o既作用. 例如可以俾王海蛟獨闖白蓮教, 然後由王伏虎, 劍魔, 或者四大聖老是但一個出去同佢惡戰一番. 但可惜佢地最終都不敵王o既 7 重天邪威.

最後要勞動到東方無敵親自出手黎收拾佢, 而最終王海蛟亦不敵九陽大霹靂而戰死白蓮.

我相信如果王海蛟係死於無敵手上, 大家都會無意見, 而且覺得合理.

但死於只有降龍伏虎氣 + 食左春藥o既王小虎手上, 簡直就係荒天下之大謬同浪費角色啦.  

今期無乜武打場面，但文戲方面都 okay，算係可以收貨。

以下劇情令人安慰：

1, 老邪神終於醒返。
2, 黑龍同四龍元帥惺惺相惜，黑龍暫時肯定無生命危險，可能遲 d 仲會有著數 (純粹覺得係)。
3, 蚩尤有戲份，好鐘意睇佢打，希望佢可以教訓下星宿島果班仆街 !  

引用:

係呀! 蚩尤出手真係好興奮; 老王係預告話仲話蚩尤會同老仙揪......超期待!!

論功力，蚩尤仲勁過金羅漢，應該大約等於王海蛟級數，同星宿老仙打係絕對唔成問題。

但果條老仙陰濕又衰格，肯定會出好多毒辣招數，真係替蚩尤擔心呀。

引用:

青元老原來練到易筋經白級, 示弱只係唔想得罪星宿老仙.

下期標題---最強聯盟剿通天

唉~~~~~點解要打通天先呢?
係我就滅左白蓮先la

的確有 d 估青元老唔到，原來佢都係超級高手黎，同韋驚世 same level，而且仲勁過舊著年代添。

羅剎教，元始門，再加上星宿派齊齊去打通天教，感覺上勝算都唔高。因為通天教實在太多勁人，老天尊父子，加埋 6 部各階層高手，能夠順利救得出老邪神都已經係好難得，想全身而退就比較難矣。

但若果白骨丞相提早搞叛變，內憂 + 外患同時發生的話，哈，咁就精彩囉。

[ 本帖最後由 天下無敵老祖宗 於 2006-10-12 03:50 PM 編輯 ]

大家正討論群英邊個會率先壯烈犧牲，其實我曾經都誤以為以下群英成員係會死的：

老妖 and 飛妖

- 蓋世堡一戰，有一期叫咩叛徒下場，雙妖災難。真係以為佢兩個會被老邪神打死 (好彩最後都無事)。

王小鷹

- 打擂台時以為佢會被星宿派毒殺。

阿柴

- 無特定情況 ! 總係覺得阿柴而家都無咩戲份同發揮機會。覺得佢隨時會落去見佢師傅咁。  

[ 本帖最後由 天下無敵老祖宗 於 2006-10-13 03:47 PM 編輯 ]

哈，你講得好o岩喎。冷恨同萬劫都仲健在，真係有排都未輪到小鷹同埋老妖佢地啦。

阿柴有 8 關金鐘罩，群英裡面都已經算係勁過好多人，照計死都唔應該係死佢先。

睇完今期，感覺上唔睇都唔會係咩損失。

今期主要係講二郎神份人有幾衰格，明明就係自己衰，仲要放狗咬自己 d 教眾，仲要係咬死人，真係衰格到無人有。

另外就係佢連親兄弟都打。四龍係佢親細佬，但二郎神就假公濟私，借 d 意利用公事去報私仇，真係賤到暈。希望呢個角色唔好生存太耐，因為實在好討厭，唔係好想見到。

反而四龍就越睇越 okay，唔多似壞人，仲要係好有義氣同豪邁果隻，性格上同蚩尤有 d 相似。

老黃最好盡量將故事節奏加快，再係咁拖落去，到今個聖誕都唔況會有得睇通天百年大典啦？？？

老黃話二郎神功力只係稍高黑龍半籌，咁咪即係連 9 關功力都無？大約 8.5 關左右，咁小龍同風雷都可以打嬴佢啦。  

今期好睇過之前，因為黑龍同二郎神有打戲，似返 d 樣，棍影翻飛咁，叫做有 d 野睇下，無咁悶。

Oh，我唔想老妖咁快就死呀，老黃可唔可以手下留情？俾老妖多 d 戲份，同 d 似樣高手打鑊甘，然後先壯烈犧牲呀？唔好浪費呢個角色啦。

今期

1.藍浪賣自己patpat比魔鬼黨修羅男爵以換取合作機會
再和醉魔聯手擊殺老妖證明實力

真係勢估唔到藍浪竟然會賣籮柚，俾個屎忽任人玩。   今後佢同大寶太監可以有共同話題啦。  

3.老妖其實未死 尚存一絲心脈

老妖應該有得救，好快就會無事。嚇得我丫。

4.文殊在通天教仍未掌握實權

五郎遲早都會同老天尊反面，好似舊著 d 舖排一樣。

下期標題---陰陽雙修 日月合壁

終於都可以見識到日月神鑑啦。

引用:

其實係藍浪擊殺老妖算幾合理, 因為佢要討好紅使者幫佢報當日被捉之仇, 但係四眼明話:"如果唔係佢地查知老妖去處, 及時趕到, 老妖已被大卸八塊"????? 四小將武功幾時變得咁勁? 連醉魔都嚇得走?
藍浪雖然成功當上白蓮相位, 但係根住下來手尾好長好長, 而家連洪東都出埋黎, 龍虎門實力真係強得好勁, 頂級既有洪東, 王伏虎, 金童(老妖之死主因係救佢師弟鐵將軍而得罪紅使者, 佢責無旁貸), 魔鬼黨有咩高手未知, 但白蓮教除左聖上同金聖老真係無人頂得住佢三個, 次一級高手重有飛妖, 王風雷, 王小龍, 阿柴, 石鐵.
王小龍已証實過白蓮四神級唔係佢對手, 五魔中劍魔叛教, 獸魔斷手, 只剩其餘三魔稍有睇頭, 加個醉魔都好似保唔住藍浪!!!!!

老妖o既閻羅勁可能已經令佢本身進入左假死狀態，就好似九死邪功咁，先死而後生，話唔定老妖遲 d 醒番之後，功能會突破至 20 層天都未定。

洪東功力應該同佢師弟唐恨差唔多，兩個人遲早都會打鑊甘。我會買洪東險勝，因為降龍十八掌始終都係蓋世絕學。  

洪東出場至今 d 曝光率都唔係話十分高，投閒置散咁，唯一功勞好似就係傳授小龍正宗o既降龍 18 掌，同埋令銅猩變返做好人。希望佢可以有多 d 表現機會，例如好似金童咁，做一個帶領住龍虎門o既前輩角色。

有關日月神鑑問題：

1, 金鵬同劍妖都無日月神鑑秘訣，單純地以陰世，陽世奇經合壁，威力會如何？呢種武功又叫咩野名？係咪叫陰陽奇經？

2, 陰陽合璧後會唔會令劍妖清醒返，回復本來面貌？

3, 金鵬，劍妖各自都仲差一章，一訣先去到陽世，陰世頂級功力，咁樣o既情況下去練陰陽合璧，威力又會如何？

4, 日月神鑑威力係咪仲勁過易筋經，九陽神功，九陰真經？

我睇另一個龍虎門討論區，有人話老妖將會因禍得福，閻羅勁功力將會突破到 19 重天？？？唔知係咪堅o既呢？  

如果真的話，群英實力咪好勁？19 重天功力恐怕已經超越金鐘 10 關架啦。

新著最大o既特色就係可以見到一 d 舊著時代見唔到o既人物對戰。好似今期有風雷 vs 電王兩師徒，老妖 vs 火神。

建議老黃可以將呢個對戰組合作咁樣安排。老妖大可以同電王打，因為老妖功力比銅聖老高，要收拾電王應該唔太困難。而風雷則可以以一敵二，火神同電神都唔係太勁，風雷話晒都有 7 重天，應該十幾頁紙內可以將兩神打敗，甚至格殺。

下期小龍又有得發威，真係好。

引用:

好耐都冇試過像今期由頭打到落尾！正！！！

不過雙皇同風雷就輪落到要做茄喱啡，在場邊打氣！

「亢龍有悔」果然係由洪東使出！

下期老黃透路洪東會大敗電王喎！

另外蚩尤和星宿派終於有所行動，找上四龍元帥！

一招就已經可以將電王重創，洪東真係勁得誇張。不過都好，電王呢 d 人渣，早死早著啦 (個名仲要鬼死咁核突 - 刁大雄)。

電王一旦玩完，其餘電神，火神都係凶多吉少居多。

龍虎群英同東方無敵o既仇恨正式展開啦。

[ 本帖最後由 天下無敵老祖宗 於 2006-11-23 02:50 PM 編輯 ]