成個通天教係得老天尊叫做較為似樣, 其餘果 d 大部份都係窩囊廢到爆...你地睇下...石黑龍一條友都可以抽 6 個, 如果佢好似金羅漢有 11 關的話, 通天教有一半人都會俾佢打死...

引用:

原帖由 ruger 於 2010-7-18 08:24 發表


舊住入面金庫之戰都唔知幾精彩,新著.....唉
唔計主力戰,淨係傲雲vs火狐,翼龍vs刀煞都好過而家多多聲
蚩尤一出場就收刀煞皮,跟手踩爆大休個頭,撞爆道閘衝入去都唔知幾有氣勢
而家仲要淪落到同小虎2抽1,堂堂 ...

仲有一樣頂唔順就係龍貫天 d 道經成日都可以將人地 d 攻擊力轉嫁落地面, 鑊鑊都係卸得十之八九...呢條陷家產永遠就好似打唔死咁, 次次都係咁卸來卸去...

好精彩o既一期...

老妖好耐無打, 非常期待...下期仲出埋閻羅殺, 希望可以一舉重創龍貫天呢個仆街啦...

哎, 可憐的老妖, 其實我都有呢個預感, 閻羅殺係老妖最勁果招, 出完應該都無晒氣力, 無以為繼, 好容易俾龍貫天, 或者姓鐵果班死剷執佢死雞, 小虎兄弟又唔得閒照顧佢老人家...哎, 真係危危乎...

幽冥會在舊著其實都唔算係 d 咩重要角色, 個大佬最後仲要俾豬油監生打死. 今次又安排佢地出場, 其實都係多 9 魚 !

新著安排上比舊著公平, 少左好多一面倒, 屈機唔夠打的情況. 就好似今期老天尊咁, 書中經常標榜佢如何神級功力, 結果都係搞到狼狽收場.

其實老天尊實力係有, 不過就衰過份自信, 所有強者都有著呢個通病, 勇哥哥同東方無敵都唔例行.