大家見到今期韋陀表現走下坡都非常失望。我都係一樣咁失望。

烈火祖師係新登場人物，老黃為左唔想令大家覺得老烈火係廢柴，對龍虎門產生唔到任何壓迫感，因此就選擇左犧牲韋陀，俾佢威得一期書就無以為繼。

情況就有 d 似上次冰火 7 重天 + 九陰 7 章都要輸俾金羅漢一樣，完全係監硬黎，真係無乜說服力可言。  

今期有 d 地方其實唔係好認同，但老黃係要咁樣設定，所以都無佢辦法。

例如話烈火祖師功力係王伏虎之上，介乎於 8 陽同 9 陽之間。仲有就係 8 陽功力無法打出小霹靂等等。基於老黃係經常性失憶，所以都無謂爭坳，佢話係咪係囉。

但佢唔應該寫到王伏虎內心好似怕左老烈火咁，搞到要作大黎拋窒阿老烈火，好似無左以前果種高手大無畏精神咁。唔通無左第 9 陽功力就要怕老烈火嗎？

另外今期真係死得人多，雷火，出左幾期，完全無表現下就死左啦。仲有霹靂火，死得都幾求其。接落黎就係龍一，被老烈火虐殺。

下期青天又話要死，點解呀？點解王老鷹同小鷹無事，反而青天就話要死？好似好夾硬咁。俾我感覺青天將會死得好隨便，你地話係咪？今期都無出過，下期一出又話要死。一出即死，真係超級求其 !  

可憐的青天，咁辛苦先練成鐵沙綿掌，而且又未曾溝到女，咁快又話要去 join 佢老豆，慘慘慘 !  

老烈火正一井底蛙，除左東方無敵，王伏虎識得九陽神劍之外，另外仲有個東方無忌嘛。

[ 本帖最後由 天下無敵老祖宗 於 2007-5-17 23:09 編輯 ]

引用:

佢未必知有月聖使的存在, 可能誤以為王伏虎係東方無忌.......

哈哈，老烈火只係條鄉下佬，有勇無謀果隻。

其實始終都唔覺得佢係勁過 8 陽，亦唔覺得佢勁過金羅漢，俾到盡都只係平手。

大家如果睇返王伏虎之前同參聖，銀聖老打果一場，肯定會發覺王伏虎係勁過老烈火好多。仲有就係 8 陽都已經可以打出小霹靂啦，駛鬼去到 9 陽咩？咁當然，大霹靂就另計啦。

我希望老烈火遲 d 會俾東方無敵打死 !  

係啦，龍一竟然奇蹟地生還，只係變成殘廢，真係有 d 意外。

今期都算係打得好激烈，斷手，斷腳，插盲眼，夠晒暴力，唔再係兒童樂園的意景。

老烈火就算殺得死青天，佢自己亦肯定難逃一死啦。斷手，盲眼，肋骨倒插入內臟，真係有命返羅剎教，火雲邪神都會嫌佢阻訂，幫佢埋單。

老黃話金如來有 11 關級數喎，咁咪同金聖老差唔多，都唔知係咪吹水o既。

引用:

天佛掌(如來神掌)同降龍十八掌, 霹靂神掌同級!! 達摩神掌較次!!
但論功力,邪神贏哂!!  

係呀，普陀法王上次都講過，論掌法，只有丐幫o既降龍十八掌 and 無敵o既九陽霹靂掌先至有能力打敗天佛掌。

唔駛講，老烈火下期一定 die hard ! 佢出完果招灰飛煙滅，全身功力一定消耗得七七八八。佢殺死青天，王伏虎，小鷹，石鐵，韋陀佢地成班怒不可遏，一窩蜂咁衝埋去將老烈火碎屍萬段啦 !  

睇到王伏虎越來越退步，的確有 d 不快。

都係果句，當日佢一條友同時面對參聖 + 銀聖老都毫無處於下風跡象。但家下只係面對老烈火，斷估老烈火都無可能勁得過參聖 + 銀聖老掛？何況仲要有韋陀佢地壓陣，都竟然可以搞成咁樣。到底老黃係咪要刻意 draw 低王伏虎同韋陀真正實力，來去配合犧牲青天o既合理性呢？

一個老烈火都搞到群英手忙腳亂，遲 d 更強o既金如來殺到，相信群英會有更多犧牲者 lu !  

我對如來神掌唔係好熟悉，其實離火玄冰功係咪類似冰火 7 重天果類內功，邊冷邊熱咁樣？

引用:

下期王伏虎應該用九陽神劍同老烈火收皮!  

我係王伏虎的話，唔駛講野，一定會用十成功力雙陽劍監生射爆老烈火個柒頭。

引用:

無錯~佢同冰火七重天一樣係一邊火一邊冰
離火玄冰功係佛祖用o既內功 用黎配合如來神掌

咁照計大家都係差唔多 level ! 因為老黃曾經話過，冰火 7 重天係有 11 關 level 架，類似王海蛟使出果種威力。

[ 本帖最後由 天下無敵老祖宗 於 2007-5-25 14:29 編輯 ]

引用:

但係佢受左傷, 未必有10成功力, 不過都要用雙陽劍救青天!  

無 10 成功力都唔緊要，實行有幾多就用幾多。老烈火已身受重傷，強弩之末，反觀王伏虎只係受左點皮外傷，功力無損，絕對仲有能力將老烈火碎屍萬段 !   

引用:

照道理計, 離火玄冰功應該勁龍虎門內所有內功,
如來神掌入面, 阿豬阿狗練都可以練到開山劈石,
但係金如來竟然練到得十一關功力, 不愧係洪東口中o既"武學奇才"!

離火玄冰功原來咁勁架？真係大有來頭喎。咁易筋，九陽，九霄，九陰，金鐘罩，軒轅驚天訣等等。。。係咪都要行埋一邊呀？  

引用:

係! 完全唔同級數!
下面張圖已經係漫畫初期o既場面, 後期o個d.................

嘩，我無估計錯的話，佛動山河好似只係如來神掌初頭果幾招黎，配合離火玄冰功打出，威力似乎仲誇張過九陽大霹靂喎，十足地震一樣呀。

引用:

無計,俾兩個坐底有十關(韋佗、王伏虎)既人輪住玩,加上王伏虎玩心理戰,其實烈火祖師已經打得好好架啦

如果金羅漢打老烈火，我估老烈火晨早就死左啦。老金 10 關金鐘罩已經可以抵抗得到猛火入侵，老烈火護身氣勁又唔夠金羅漢勁，所以實死無生 !  

一句到尾，老烈火都係得個款，銀樣蠟頭槍果隻。無錯，佢係可以制得住易筋經白級，但邪神如果一出黑級的話，佢就完全處於被動狀態，無晒嬴面可言。

所以，論排位，老烈火應該仲差過劍妖，金羅漢佢地。因為佢地都唔會被黑級功力一招就可以制服得到。

引用:

晨早行過報檔，見龍虎門已到
街風吹起頭幾頁，只見一幕青天化為灰燼
風簫簫兮，似為青天送路
A Minute of Silence ，阿們！

唔係嘛？乜真係咁慘呀？可憐的青天呀。。。嗚嗚。。。

引用:

新龍的老烈火？
前後先出的5期貨仔左后，龍虎門班人都唔使群抽，係0甘依玩下車輪，就可以打到佢走夾唔投！
如果唔係個仔香左要報仇，連搵青天來陪葬都冇份。

同意。舊烈火的確係勁過新烈火好多，even 佢以前果兩個仔 - 霹靂火同鬼火都絕對唔係弱野，武功一個剛猛，一個陰柔，就連當時 8 關金鐘罩黑龍都係險勝鬼火架咋。

引用:

邪神同劍妖打﹐個劍妖博晒命先至可以響邪神只手背流低一劃傷口。我唸老烈火應該可以傷邪神多Do既。

若果將以前o既劍妖同老烈火比較，劍妖可能真係會比下去。但如今劍妖兼修 "正版" 陽世奇經後，實力已經超越 10 關，相信已經同金如來有得揮，而家老烈火就更加唔係佢手腳啦。

[ 本帖最後由 天下無敵老祖宗 於 2007-5-31 11:15 編輯 ]

哎，實在難以理解，老黃做咩野無啦啦又要整死埋胡琴，好似好夾硬，搵戲黎做咁樣。

就係單純為左製造機會俾風雷同劍妖打一場？論功力，劍妖應該稍勝風雷，但風雷而家大受刺激，應該可以打高兩班掛。

另外，老烈火同青天結果都係同歸於盡，青天死得都頗冤枉。如果佢上期果掌係打落烈火個頭度，一切都會改寫喇。

引用:

火爆同神火逃脫....
酒精話會出手!!

酒精有陽世 11 章功力，加埋風雷 7 重天，劍妖都應該頂唔順，maybe 會死添。不過我估酒精響報仇過程中都應該會死。我希望金鵬今次可以醒覺，做返個好人，聯同風雷一齊，消滅劍妖呢隻怪物。如果唔係他日真係俾佢練成日月神鑑，到時都幾難可以殺得到佢。

引用:

無端端整死胡琴, 要風雷同劍妖打.
都唔知係唔係玉郎為左要掩蓋七重天lee個大bug
所以要"殺人滅口"

我都唔係咁喜歡老黃咁樣整死胡琴，唔係咁 feel good ! 死得好唔合理，無 sense !

引用:

酒精有陽世 11 章功力有鬼用咩,...月聖使當日都一個打佢地三個,...你睇月聖使今時今日幾廢,.....陽世 11 章功力都唔知有冇第六關...

哎，你覺得最後o既戰果會係點呀？酒精會唔會死呀？佢地又能唔能夠順利消滅劍妖呢？

引用:

宗兄，話唔定老黃想將練成日月神鑑既金鵬推上去做另一個教主級奸角(新一代參幫話事人)，取代火雲邪神同昔日戰友既龍記群英反目成仇咁呢?!

哈哈，可能睇慣左邪神 and 無敵做一線反派，覺得佢地好有教主氣派。如果真係將金鵬 upgrade 做教主 level，會有 d 睇唔慣，希望金鵬都係繼續做返二線算啦。

仲有，金鵬功力應該勁過金羅漢啦掛？練左陰世奇經都一段日子啦喎。。。

引用:

講真，睇到而家真係除左佢地２個似一線既反派（邪神 and 無敵），最多加多個老邪，其他好似ｏ加喱啡咁

哈哈，除左邪神 and 無敵，老邪神都 okay o既，而且自從佢同黑龍 friend 左之後，仲覺得佢唔多似個反派角色添。

另外，老天尊其實都似樣o既，論功力絕對係教主 level，而且好有 power，話晒事果隻。

但佢個仔阿五郎就認真失威，成日行行企企，又無表現。白骨都仲似樣過佢。

同大家講下今期，風雷表現非常好，搏晒老命，劍妖功力唔止 10 關，但怒火彌補實力差距大前提之下，劍妖隻右手被打斷，最慘就連 jer jer 都斷埋，風雷總算同胡琴報左大仇。

睇怕以後劍妖想用劍都有困難，因為佢右手斷左，除非改用左手啦。

優化後o既龍虎門，好多人物o既面相都同之前大有分別。好似今期風雷咁，有幾幅個樣畫得有 d 似無敵。另外馬小靈的確係靚左好多，well done !

引用:

老祖宗兄..
咁生離同死別分別有咩意思?
唔係劍妖同jerjer既死別掛

哈哈，老黃用左生離同死別黎描述小虎同小靈果段感情戲。不過其實套用落劍妖身上都 okay 架。

引用:

點解劍妖功力唔止10關??
睇表現佢應該冇喎!!
風雷真係一招醉螳螂都冇用過....

其實都係純粹推斷架咋。因為之前佢曾經同金羅漢打成平手，果陣時佢都仲係練緊九陽神功。

但而家練返正宗陽世奇經，陰陽合璧，上次有期書都話佢同金鵬都功力大進，所以我先估計佢現時應該已經超越 10 關功力掛？

或者風雷癲晒咁打，真係打高兩班都唔定啦。

如果王風雷o既 7 重天威力等同於當日王海蛟的話，劍妖晨早就死左啦。7 重天真正威力，再加上怒火推動，威力相信會非常恐怖。

老黃對風雷完全唔 fair 囉。

引用:

從今期「虎躍龍門」所講,老天尊可能及不上邪神和聖上!

舍利子?唔通又玩飛昇?不過多數都係話,可以提高功力個種功效.仲要勁過九陽丹N倍

老黃到底搞邊科呢？點解佢會話老天尊功力唔及邪神同埋無敵？真係好奇怪。當日老天尊初出場，為左把震乾坤，就同邪神鬥內力。邪神當時已經用到黑級，但老天尊完全係紋風不動，後來仲要話，論內力修為，老天尊比邪神仲要高一線。

但而家又完全改晒口供，都唔知佢想點囉。

今期雖然只係齋 talking，但好似大家咁講，d 畫格細左，內容亦因此變得豐富，睇完肯定無以前咁呻笨。

火雲邪神臨尾響直昇機飛落黎果下野真係超級有氣勢同霸氣，遺憾在無敵並無出席今次百年大典，只係派出藍浪做代表。試想想如果無敵突然間又響另一邊飛埋出黎，相信劇情會更加緊湊。

但係，火雲邪神得一條友就黎單挑鐵家父子，似乎又唔多夠打喎。

引用:

無敵會否又重施故技，假扮藍浪？

無敵玩易容玩上癮？

其實唔爭在叫埋金聖老一齊黎，起碼打起上黎都著數 d !