你都算好彩個關員都冇乜點玩你.
我有個朋友係過關時被個關員係佢個背包內見到份東方日報.個關員話唔可以帶東方日報入境,要佢擺低.個朋友問個關員:係羅湖都有東方日報賣啦,點解唔可以拎入去?結果,個關員叫咗佢入房,全身搜查後,仲攞埋佢張回鄉証出房.....個朋友係房度坐咗兩個幾鐘後個關員返來話:你知唔知唔可以帶報紙入境呀?今次唔罰你帶違禁品入境,你走啦!(跟手畀番張回鄉証佢).
個朋友一早聽個關員講放低份報紙咪好啦,唔使被個關員玩.無端端坐咗兩個幾鐘...

引用:

原帖由 coke818 於 2008-5-2 10:00 發表
大陸人成日都用把口話自己係「文明」，其實係邊個有權未邊個最「文明」囉！講咩鬼奧運精神、體育精神吖！

全世界都係邊個有權未邊個最「文明」啦.
又唔明奧運精神、體育精神同文明有何關係??唔通唔文明就冇體育運動??