國貨公司

身為大埔原居民, 都要提下已結業o既"長江國貨公司"

"長江國貨公司"隔離就係"好年華酒樓"

以前呀媽帶我去呢間酒樓飲茶又好, 飲喜宴又好, 都興奮都跳跳紮.

因為我必定走去長江最頂層, 玩當時覺得最先進, 最新奇o既機動遊戲.

真係好鬼開心, 重記得呀媽只會俾兩蚊, 我就可以玩到樂而忘返.

重有個度o既文具部, 由小學至初中, 買信紙都係長江買, 一來平, 二來個種紙質係墨水筆寫下, 的字係特別靚, 最緊要係多款式!! 初中女朋友們都係靠書信呃返黎

重有頂層o既快餐店, 唔知點解, 好鍾意飲個度o既提子汁, 大過左都知係汽水, 但總係飲唔返個種味道, 可能人大左, 唔飲甜野啦.

過年過節前又會同屋企人行"長江", 一來買棉襖, 二來買玩具呀嘛!!!

不得不提, 移民多年o既契爺都係國貨公司o既員工, 佢好錫我....

[ 本帖最後由 細摩 於 2007-10-25 10:02 編輯 ]