[原創] 荃灣滿天星82號幾好骨功

隔左差唔多兩個月,又出動去荃灣滿天星,又因為呢輪轉天氣就快似病咁,想去乾濕蒸同浸池,順便再'才泵'番次老正.
其實都幾鍾意呢度locker的服務同擺位,locker仔跟到足,鞋又可以放開擺,唔使擺入櫃度'up'住,沖完涼又換過一對新拖鞋,唔使著濕鞋.
跟住就乾濕蒸一輪,個鼻都通番好多,轉過去乾蒸,落少少水已經出好多熱氣,好快已經出晒汗,最後就浸熱水池,再沖涼.
入休息室,飲湯,呢日係菜乾豬骨湯,清清地唔太鹹,都幾多料.
入房,介紹我做82,印象中好似無做過,件女都無乜印象,在豬肉檯舖毛巾,然後撳背,d力都幾勻循,撳幾分鐘就踩背,踩得幾舒服,好準,有響骨.到踩腳時,唔知係咩原因,我好似想抽筋咁,可能係隻左腳太疲,82見到咁即刻落返o黎,用手同我撳,咁就無想抽筋,佢用手撳完再用薄荷膏同我推,抽晒成隻腳,d筋位推番鬆晒.
最後係推頸同膊頭,有d位唔係咁慣,會有d唔自然,有d位又會覺得痕,82就叫我放鬆d,唔好縮同唔好同佢鬥力,結果呢個位又鬆番d.
整體真係好dup得,有水準,對腳落地都鬆番好多,都值90分以上.
再沖涼,沖番走d油,再乾蒸過,沖多次熱水涼就埋單走人.
$328加$100代支,再加兩草野locker貼士,算合理.