上週去了銅鑼灣一家中上價桑拿，
遇到一件趣事。
我按完後到休息間坐坐、吃點東西。
此時有兩個年輕人（客）走埋黎我側邊坐，
其中一個拿住一大叠影印紙，
我初時諗，係咪做sales，
拿住D 文件同客落黎傾生意呢？
點知我瞄多兩眼，
咦？似學生哥D「碌史」多喎。
轉頭經理埋黎，學生哥開始問長問短：
「可唔以唔做全身按摩，轉按腳架？」
『唔得喎！基本費用包左，無得轉架。』
「咁呀……我按一個鐘身、一個鐘腳，
佢（身邊的同學仔）按兩個鐘。」
『好丫！咁有冇相熟技師？』
「無呀。」
『受唔受力丫？』
「……一般啦！」
『咁我搵兩個「中亭」力架……幾時度入房？』
「我想按左腳先，佢入去先，我按完腳入去。」
『……？即係你地想各自一間房？』
「唔係！個SITUATION 係（嘩！仲講英文添！）：
我先按一個鐘腳，佢入去按全身。
一個鐘後我按完腳就入房按全身，同一間房。」
『哦……咁十分鐘後入房？』
「好呀！」
『』
「」
『』
「」
『』
「」
『』
「」
『』
「」
『』
「」
『』
「」

……未完待續……
（按錯掣！未打完就SEND 鬼左出黎添！）

唔好意思……現在繼續！
「唔該……冷氣好凍，可唔可以閂細D呀？」
（我坐佢隔籬，一D都唔覺凍）
『唔好意思呀，中央架……一閂全部無晒。不如我畀多條毛
巾你呀！』
（好明顯係敷衍你啦！學生哥！）
「哦！」
（過了一會……主任再走埋黎。）
『呀生，你朋友可以入房先喇！』
（如是，佢老友入房先，阿學生哥繼續攬住叠「碌屎」）
「可唔可以按腳先呀？我想夾返D時間。」
『可以！』
（一分鐘後）
腳師女：『老細，按腳下話？』
「我想搵男人喎……」
（下？）
『下？哦……你想搵男師傅呀？』
「……係……係呀！」
『X主任，想要男師傅按腳呀！』
（此腳師女仍很有禮貌，值得一讚！）
『未有男師傅喎，要等二十分鐘左右。』
「咁我等下先啦！」
（車！又話要夾返時間入房？）
『哦……』
主任經過我前面，望一望我，
見我努力忍笑個樣，佢擰擰頭回以嫣然一笑。

過多一陣我就走人，去沖身。
不過經過主任個位時，
見幾個主任、經理陰陰咀笑咁傾偈，
我估係講緊學生哥。

其實，講呢段野出黎唔係話乜野。
我響第二個場都見過有個老豆老母帶埋個仔（未夠十歲）入場，
老豆老母入房（分別）做全身按摩，
個仔就響休息室睇雜誌，打機。

不過，呢兩位學生哥（應該大學生）咁樣又好似糜爛左少少。
呢輪應該係考試季節，
你攬住D 碌屎去揼骨，
人地唔會話你勤力。
相反，你好似專登話畀人聽你係學生，
享樂不忘溫習；
又或者自己係大學生，
高人一等咁。

你係去享受的話，放低D「碌屎」啦！
個零兩個鐘，又沖涼又按身，
你溫到D咩入腦丫？
唔通你放D 碌屎響床底，按背個陣用電筒照住黎溫咩？
發瘟！

何況，我睇住你入休息室，坐低，做晒我以上講的所有野，再飲埋個湯，
份碌屎只係響你手上「叠齊」過一次，完全無睇過。
稍有空閒，你都係望住座位的小電視響度轉台。

如果你有申請grant loan 又批左，我真係要代全港納稅人多謝你。

而我，交左咁多年稅，真係好想X你。

「大学生大骨癮有乜问题」
長毛兄：
絕對無！當年我好似佢地咁高咁大，
未識去按摩，但做D野仲厲害/過份。
不過，我總無話拿住大叠碌史去做畀人睇之嘛。

「你都好留意住佢喎」
大佬，你又有無見過人攬住叠碌史入休息室架？
仲要坐響我隔籬，
點唔留意住呀？
（另：謝！）