已解決!關閉主題!

引用:

原帖由 Mart3333 於 2008-12-23 02:28 發表
22 Dec, 2008

隔離個女仔幾靚喎!
有無brother知道佢個名呢?

[轉載][2009-05-07][第1002期-香港壹週刊]八 卦 陣

爆 房 鴛 鴦 有 咩 下 場 ？
壹 仔 上 兩 期 爆 咗 「 小 飛 俠 」 林 燕 玲 同 龔 耀 輝 秘 密 爆 房 後 ， 各 方 八 卦 友 好 「 關 心 」 男 女 主 角 有 咩 下 場 ！ 齊 百 通 聽 聞 ， 單 料 出 咗 嚟 當 晚 ， 龔 氏 兩 公 婆 鬧 大 交 ， 第 二 日 就 即 刻 協 議 分 居 。 仲 有 老 友 報 料 ， 話 原 來 男 女 主 角 一 早 暗 生 情 愫 ， 上 年 男 方 選 立 法 會 會 計 界 別 嗰 陣 ， 小 飛 俠 親 身 上 過 競 選 總 部 ， 幫 手 打 電 話 拉 票 ， 但 無 耐 因 為 有 事 要 走 人 ， 龔 耀 輝 就 好 有 風 度 咁 送 佢 出 門 口 ， 點 知 一 送 就 去 咗 個 幾 鐘 先 返 ， 明 眼 人 都 睇 得 出 係 咩 事 啦 ！
男 嘅 婚 姻 亮 紅 燈 ， 女 嘅 就 前 途 凍 過 水 ！ 雖 然 小 飛 俠 而 家 避 風 頭 放 緊 三 個 星 期 大 假 ， 但 聽 講 now 高 層 可 能 會 繼 續 雪 藏 佢 。 事 關 小 飛 俠 本 來 主 持 緊 一 個 live 嘅 財 經 節 目 ， 俾 觀 眾 打 電 話 上 嚟 問 吓 「 冧 巴 」 咁 ， 如 果 佢 復 出 後 ， 有 人 打 上 嚟 嗌 佢 新 花 名 「 狐 燕 玲 」 ， 或 者 好 似 對 待 阿 嬌 咁 打 去 廣 管 局 投 訴 ， now 堂 堂 一 個 電 視 台 ， 又 顏 面 何 存 呢 ？ now 更 出 咗 份 新 員 工 守 則 ， 提 醒 員 工 要 避 免 買 股 票 引 起 嘅 利 益 衝 突 ， 有 需 要 時 向 上 司 申 報 等 老 生 常 談 ， 不 過 睇 到 後 面 幾 項 ， 突 然 有 一 條 提 醒 記 者 同 嘉 賓 或 消 息 人 士 私 下 會 面 ， 要 先 向 採 訪 主 任 申 報 ， 唔 可 以 單 獨 赴 會 ！ 點 解 無 啦 啦 多 咗 嚿 魚 ， 心 中 有 數 啦 ！ 不 過 同 人 食 餐 飯 都 搞 到 咁 麻 煩 ， 好 多 記 者 都 寧 願 避 吓 風 頭 ， 做 住 獨 家 村 先 囉 ！

爆 房 新 聞 出 街 之 後 ， 龔 耀 輝 同 老 婆 炒 大 鑊 ， 第 二 日 即 刻 協 議 分 居 ， 而 小 飛 俠 就 被 公 司 雪 藏 ， 唔 知 幾 時 先 可 以 再 見 觀 眾 囉 。

http://hk.apple.nextmedia.com/template/apple/art_main.php?iss_id=20090623&sec_id=4104&subsec_id=15333&art_id=12909120&cat_id=45&coln_id=20

[轉載]蘋果日報 2009-06-23

隔牆有耳：小飛俠復工要「隔離」


綽號「小飛俠」嘅 now新聞女主播林燕玲上個月被《壹週刊》踢爆同龔耀輝（筆名方卓如）爆房後，即時放長假，八方聽聞小飛俠噚日已低調復工，不過暫時唔會出鏡報新聞，亦唔會做主持，上司安排佢退居幕後做編輯工作。
呢段「隔離」期幾長， now中人都話唔知道，但估計 fans短期內冇機會在螢幕前欣賞小飛俠風采；另有消息指雖然小飛俠鬧出緋聞，不過仍然獲上頭器重，所以雖然不做女主播，但都唔使減人工或受到處分，話唔定待事件平息，就可以再同觀眾見面。至於男主角龔耀輝，繼續在《信報》寫專欄，有傳佢已同太太分居，會否同小飛俠開花結果，當事人心中有數。

觀眾想睇林燕玲報道新聞，仲要等吓。

近日發覺本主題既討論已離題,
反而成為某網友,
攻擊某主播私人感情生活既留言區!
而最近亦沒有該主播既新消息或相關報導!
所以本版主決定暫時關閉此主題,
待有新消息再重開!

[ 本帖最後由 fredng 於 2009-7-6 14:54 編輯 ]

Are the photos taken by yourself?
or from other sources?

 [attach]1070008[/attach]
復工班救兵
本月 2日，林燕玲放工乘的士離開灣仔 now總部電訊大廈，當小飛俠發現記者後，立即龜形瑟縮於後座上，全身向下滑幾乎瞓落車底，動作純熟絕對係經過特別訓練，下一步小飛俠猛打電話 call救兵幫手。

真面目  

爆房臭史入雪櫃　失寵小飛俠做阿四

2009年07月15日 now財經台靚女主播、有小飛俠之稱嘅林燕玲，早前被踢爆同有婦之夫、曾經參加過去年立法會會計界工能組別選舉的龔耀輝爆房，偷情事件熱爆財金界。
台柱忽變第三者，據知 now為免影響電視台形象，急將小飛俠雪藏 3星期，更將她燉冬菇，由首席主播調到外電部做一腳踢編輯工作，冇得出鏡，連由她主持的節目《港股今日睇》都俾人食埋。
小飛俠雖然失寵，但早前本刊追訪復工的林燕玲，她竟急 call新聞部突發組同事到場反拍記者，更要當值同事護送她返屋企，已淪為阿四的小飛俠，好彩仲有觀音兵聽佢使。
小飛俠林燕玲今年 5月被影到搭上會計師兼財金界紅人龔耀輝（專欄筆名方卓如），龔更接載林燕玲到位於數碼港的艾美酒店，歡聚兩個小時疑似爆房。
[attach]1070007[/attach]
瞓身車底


[attach]1070004[/attach]

[attach]1070009[/attach]

司機出口
避唔到鏡頭，林燕玲才坐起身，等候救兵增援；而接載她那位的士司機護花心切，大大聲問本刊記者：「想點呀？」

調外電部

雖然二人一直對爆房報道三緘其口，但偷食曝光後，有傳龔耀輝已跟太太分居，而一向深得 now財經台首席副總裁羅燦重用的林燕玲亦被急凍，連她擔大旗逢週一至週五晚主持的 phone in節目《港股今日睇》，亦由其他女主播頂替。
據小飛俠身邊好友透露：「燦哥（羅燦）搵 Ruby（林燕玲）傾過，擔心佢影響財經台形象，又驚啲觀眾打入嚟問 Ruby嘅緋聞，但 Ruby覺得公司唔應該管佢私事，雙方傾得唔係幾開心， Ruby返屋企喊咗幾日添。最後佢放咗 3個星期大假，上個月先返工。」
羅燦早在無綫年代已對小飛俠寵愛有加， 05年籌組 now財經台班底時，更力邀小飛俠離開無綫過檔 now，即使小飛俠有做第三者之嫌形象受損，羅燦仍希望保住愛將，未有將小飛俠炒魷或降職減薪，只將她調到新聞部的外電部做幕後編輯工作，企圖待爆房事件淡化後再幫愛將收復形象。目前小飛俠每日要從過萬段的外電新聞片揀取有用題材，分發畀記者跟進，總之乜都一腳踢。

[attach]1069998[/attach]
2個月前，有週刊踢爆林燕玲約會已婚會計師龔耀輝到黃埔花園的美心酒樓午膳，之後再送林到灣仔 now總部上班。《壹週刊》圖片

[attach]1069999[/attach]
到晚上近 11點，已婚男再接林燕玲放工，龔耀輝揸住佢架 Audi跑車飛馳到數碼港，二人進入艾美酒店私會兩小時，傳出爆房緋聞。《壹週刊》圖片

報警拖馬

[attach]1070010[/attach]
約十多分鐘後， now新聞突發採訪車突然出現，車上更跳出攝影師拿着部大 cam勁影本刊記者，的士司機則召警（箭嘴）求助，小飛俠就一直匿喺的士冇出過聲。

新聞車護花
擾攘十多分鐘，小飛俠落的士，轉乘採訪車，上車前向同事取走剛才拍攝的錄影帶（紅圈）。採訪車送小飛俠返回觀塘住所後，再到將軍澳拍攝火警，可見是當值期間，飛去「營救」小飛俠。
[attach]1070014[/attach]
[attach]1070013[/attach]


調職降呢

[attach]1070011[/attach]
林燕玲（紅圈）被調到新聞部後，每日只同幾個編輯及記者午膳，唔似以前可以黐實總主播徐蕙儀食飯吹水。

放風跳槽
小飛俠好友續稱：「 Ruby同龔耀輝仲 keep住來往，感情冇受影響。好彩新聞部班同事對佢幾好冇排斥佢，仲教佢用新電腦系統添。 Ruby好想做番主播，佢亦有向其他電視台放風，但冇消息囉。」
本刊記者本月初在 now位於灣仔的電訊大廈等候小飛俠，晚上 7時許她放工乘的士離開時，不願上鏡的林燕玲一直瑟縮於的士後座，其後又急 call新聞部同事反拍記者謀甩身，對於被公司禁出鏡，本刊曾致電羅燦，但至截稿前仍未回覆。而小飛俠緋聞男友龔耀輝電話則駁至秘書接聽，他秘書說：「龔生唔得閒，佢有時間會覆番你哋。」但至截稿前仍未回覆。

頂上
[attach]1070003[/attach]
黃凱迪
林燕玲主持的節目《港股今日睇》已從 6月 25日起由黃凱迪頂上。黃 00年加入有線做主播，主持過《香港刺針》等節目， 07年轉投 now，升為首席主播，跟林燕玲職位一樣。

神奇小飛俠
30歲的林燕玲， 03年初做主播時清純外形夠靚女，加上額前留有一撮頭髮，似足小飛俠阿童木，因而被網友冠以「小飛俠」稱號，成為當年熱爆的主播小花。
[attach]1070000[/attach]

電視圖片

'03空姐變主播
小飛俠 02年於科大生物化學系畢業，做過公關顧問及港龍港姐， 03年加入銀河衛視新聞頻道做主播，後轉到無綫新聞部，受到當時仍為無綫新聞資訊部總監的羅燦重用，擔正無綫晨早新聞主播一職。


[attach]1070001[/attach]
李澤楷（圖左）、小飛俠（圖右）

'05跳槽升呢
05年羅燦過檔李澤楷旗下的 now財經台，力邀愛將小飛俠加盟，與當時另一無綫新聞之花趙海珠同樣人氣高企。

[attach]1070005[/attach]
電視圖片

'07財經台一姐
07年，入行只有 4年嘅小飛俠擢升為財經台首席主播，但被當時入行 13年「新聞王子」李臻的 fans批評年資短，冇資格升職。

師妹爬頭
[attach]1070012[/attach]

林燕玲喺 now失寵，連喺討論區的最受歡迎主播排行榜中，都俾無綫周嘉儀同有線曾美華霸咗頭 1、 2位，跌到落第三位咋，陰功。

周嘉儀威晒
[attach]1070002[/attach]
網友至愛（電視圖片）
05年出道的無綫新聞主播，是繼林燕玲、趙海珠後，第三位同時擔任《香港早晨》、《午間新聞》、《晚間新聞》的主播。

曾美華釣金龜
[attach]1070006[/attach]

理工大學畢業，做過兼職模特兒，又拍過楊千嬅 MV， 04年轉型成為有線新聞主播，有報道指她與「壹傳媒」集團主席黎智英二仔黎耀恩拍拖，隨時上岸唔使撈。
撰文、攝影：娛樂組

[ 本帖最後由 fredng 於 2009-7-15 13:57 編輯 ]

引用:

原帖由 Mart3333 於 2009-7-21 19:39 發表
21 July, 2009

(因原post鎖左, 出新post)

unlock

unlock!