如果唐唐做﹔
1)基本上同而家無乜大變化
2)佢開咗咁多支票,總會係民生問題兌現幾張
3)佢啲智商肯定久不久提供金句娛樂下大家
4)如果佢當選係要靠泛民支持,香港政府運作應該有幾年比較和諧順暢啲

如果狼英做﹕
1)民生支票也會兌現幾張
2)一如薄少唱紅打黑,既得利益集團大洗牌.舉一例子其一關係分支(狼英->口水熊->鑊剷坤)各位不妨做些假設聯想.又試看昨日已經有兩個中資地產商高价投到地啦!時間上係咪真係咁啱得咁橋?不妨想多一想
3)言論自由全失,-我敢寫包單肥佬黎旗下無啖好食官司纏身.煙仔何初期可能會有磨合期但估計最後都會傾掂數一定唔會硬撼.其他傳媒就更加好易被河蟹. 到時候再有紅山半島事件你唔會知,謝霆瘋撞車禽獸成一個電話搞掂.村屋豪宅潛建就無事(輿論都河蟹咯你又點會知?)我地啲奴才就拉人兼封艇.
我估狼英任內一定會整頓網上秩序,唔好話政冶敏感或批評政府/中央會被規範,到時連師傅,七少睇怕要寫信先可以同大家分享風月,仲係首當其衝.打着道德旗幟入手一定無人敢反對,然後魔爪再向各方伸展

總括而論,邊個做開始時民生一定會明顯有小陽春.但各位不要忽略唐唐背後的傳統利益集團起碼仲有底綫,不會太離譜.但狼英背後的新興利益集團則近似無法無天,唔係危言聳聽,大家諗深一層狼英嘅終極目標係用国內模式管治香港,而我爸是李剛,三鹿奶粉豆腐渣工程高鐵事故是此模式的必然副產品.所以話如果唐唐做應該整體上比而家會好少少.但始終窮既始終係窮,但仲有自由.仲有机會. 狼英做就會窮既始終係窮,但無埋自由.机會歸邊(俾哂啲紅色香港人二代).

以上全屬假設或廢話(我怕清算)

又如果係一人一票選上台﹐同家下又有咩分別？

你呢個問題嘅前提係今日全民皆可參選特首,類似立法會選舉. 如果咁都係選到猪狼其一,我想無乜人會反對亦都反無可反..最后命運無乜分別,只在於"心深不忿"和"心甘命抵"但可知此中差異何止於鴻毛泰山?.