引用:

原帖由 ngtungsee 於 2008-6-19 13:40 發表
一單商業糾紛卻顯現出政府官員的無能,毫無危機應變能力.商務及經濟發展局,民政事務總署,香港旅遊發展局真係不知所謂,把旅客當成露宿者...真係天大的笑話.真係天大的笑話.香港旅遊發展局用億元去催谷旅遊,卻不願花三幾萬為受影響的旅客即時安排入住其他酒店 ...

條數唔係呾計喎！花億元推廣旅遊，其中包括一眾人員飛去世界各地周遊列國既食住使費，兼且仲會出席大小場合，就算冇演講都至少同各地人士碰下杯攀談幾句。

俾幾萬蚊人地住酒店．．．旅發局會話：「關我地乜事？」

引用:

原帖由 ngtungsee 於 2008-6-20 09:17 發表


又唔係咁講.一眾人員飛去世界各地周遊列國推介香港旅遊點好點好都唔及啲遊客口碑.啲遊客返鄉後對啲鄉親話係香港租咗酒店都可以隨時變為瞓街....咁係唔係一大巴掌打落香港旅遊發 ...

呢個係結果。

而旅發局打工既同好多公營機構員工都一樣，只重視個過程，因為好多時實際成效係睇唔到（正如以上例子，人地返到鄉下向同鄉講過乜係唔會傳返入旅發局員工既耳）。以（佢地認為）唯一既指標就係做左幾多野，而最容易衡量做過幾多野既指標就係使左幾多錢。

所以錢係要越使越多先至叫勤力，尤其如果之前批落預算用唔晒，即係做唔足野；相反用突即係加左班，兼且今年用突左下年先有得加經費。