蔡素玉呢位民意代表都算特別
選幾次都係累倒第一名的
先有程介南,之後就係馬力
然後兩次補選都係泛民取而代之
今次曾鈺成排第一
大把想佢死之餘,更加想泛民在補選奪其議席
所以蔡素玉再選
泛民一定最開心
最唔開心呢?
當然係因為佢而選唔到者
包括何秀蘭,當年馬丁告急,慘敗玉姐之下
另一位
就係鍾樹根
命運慘過葉國謙,次次玉姐入到佢都入唔到,仲試過想攪退黨
呢次又排第三,只能陪跑,一世做死地區仔

引用:

原帖由 auriga00 於 2008-7-22 03:35 發表
今次多左舊孽瘤，曾鈺成又霸左個頭位想借用佢既票源送自己入立法會，恐怕蔡菜子今次未必有得當選

咁你將曾鈺成睇得太低喇
曾鈺成呢次空降港島
眾所周知,計過哂度過哂
1.港島席位較九西多,機會自然大,選舉招數自然可以多.
2.要李慧瓊接佢原本個位,如果佢留九西,自己排第二,就算多好多票,都只係送到李慧瓊,自己就落車,做唔到皆大歡喜.
3.港島鐵票可以送兩人入去,過去程介南出事,鐵票盡出,結果兩個都上到位.之後馬力更加唔駛講.
4.幫葉劉助選,知道葉劉市場及位置,只要鐵票不失,兩席就必然是民建聯.
5.曾鈺成做過黨主席,又夠中產味,可以越區挑戰.就算輸第二位蔡素玉,都不失前黨主席面子.
6.西九鐵票,一般情況下只有一人中選,第二位必然陪跑,而鍾港武係「區議會主席」,係一支夠力既樁腳,如有意外益民建聯,鍾港武可以坐埋霸王車入會,成為區主席及立會議員,分分鍾之後可以問埋特首之位.