引用:

原帖由 ngtungsee 於 2007-3-14 13:29 發表
忠言逆耳.民生不保何以保民主.經濟差就冇工開,冇工開就冇錢開飯,冇飯開就等餓死.人都死咗重講什麼民主?唔知民生緊要定係民主緊要?

英美意法德日．．．個個國家都搞咗咁多年民主，不過中國就唔玩呢味野。咁係唔係在近代史中，全世界第一經濟大國一直為中國？

之不過咁，家陣我偉大祖國終於都有領導層明明確確咁同我地香港人講：

拿！你地有工既就好死返去做，有飯就好食！呢度係我地中央睇既，唔好再諗住第日可以有得搾乜野主意！你地再想要乜野話事權的話，信唔信我再唔俾飯過你地食，掉你地埋一邊到時餓死晒你地班友仔！


奉勸泛民陣營一眾集體撤出香港，移居外地，所屬政黨一律即時解散。立法會淨返民建聯同自由黨兩幫爭著數！最後取消任何選舉，所有立法會及特區行政首長席位一律改回委任制。從此香港就再冇任何政制爭議！

咁好未？？？？？？