引用:

原帖由 無神論狂徒 於 2010-7-15 17:44 發表

唔係冇人講最低工資，只係之前已經有題講過∼∼
我都有立題吹呢件事
其實立法唔係唔好，其實好睇佢點樣立，如果三十三銀一個鐘，以大家樂時薪計，加人工成四成，雖然實際都係加千多元左右，好似好少，但實際加四 ...

錯誤了......狂徒兄！
一間食物連鎖店其最大成本係租金及上層人工,
例如,
在一般燒臘茶餐廳食個叉燒飯送凍飲,約需24-28,(外賣18-24)
其時薪工作人員约26-30圓一小時。
但在大家樂叫一個叉燒飯要28蚊(一般份量會少過茶餐廳),另飲品加5蚊,(外賣同價)
其時薪員工約19-24圓一小時。
其食物又貴左,人工又少左.....咁中間 D 差價去左邊呀？

就係租金及一層一層的高級員工.....動不動幾萬蚊一個..
(分店經理~細分區經理~大分區經理(例:19區,中西區)~總區經理(例:港島區)~總經理)
各級經理,均有寫字樓用(又要租金,又要office員工)
同時各級大廚也一樣,有數級分區,又有寫子樓...(全都要錢養的).../.

咁阿狂徒兄你慢慢計下啦！

做得過就做,做唔過就唔做...
你唔做,自有人做..
呢句同樣適合商人的...

唔做商人咪出黎打工囉......有乜問題呀？(我都係其中一個)
我現時不知幾自由自在,叫我再開業都咪攪我！
記得幾年前由朝做到晚,無假期年终無休,所有心力腦力體力,諗交租,諗出糧,諗餐牌...樣樣到達極點..
真係前世......

任何政策都唔會有好似果 D上面 執 政人仕話的双贏三贏的局面,
現立法只在要幫到一班弱勢人仕為目的,因為是首次常試,如在其執行間若碰到有其它問題....應可作修正改善為之上策。