引用:

原帖由 JoyceLyr 於 2011-5-22 20:13 發表
我好想拍拖啊~！以前都不會咁想，現在忽然很想……
-煩惱中-

真正嘅〔拍拖〕唔係話想拍就有得拍，因為妳揀 人，(妳會唔會係人，妳都拍吖？) 人地亦 會揀妳，妳希望穩嘅係白馬王子，人地亦希望穩個白雪公主。真正嘅拍拖係要講機緣巧合，絕對唔可以強求。絕對唔係〔我好想飲杯凍可樂啊！〕咁簡單。

引用:

原帖由 james3504 於 2011-6-23 09:30 發表

仲惠所講既情況，樓主應該都好清楚，如果咁容易就可以搵到人拍拖，樓主都唔使講話好想啦！

拍拖好似一杷双刃劍，有利嘅一邊，亦有害嘅一邊，水可載舟，亦可覆舟。佢可以令人容光煥發，信心無比，好似擁有咗全個世界。相反，佢亦會令妳/你容顏失色，信心全失，整個世界都好似突然唔見咗。天空海闊，任人行，想乜都無問題，千祈唔好勉強，我相信緣〔順其自然〕，隨緣啦！

Uncle James 嘅人生經驗好豐富，多D請教吓佢，一定令妳獲益良多。

引用:

原帖由 james3504 於 2011-6-27 21:57 發表
其實講到拍拖我真係冇乜經驗，我雖然老，但我只拍過一次拖，就係而家既老婆
結婚係戀愛既墳墓係人都知道，但人人都爭住入去 其實兩個人相處真係一門好高深既學問，最主要係互相忍讓、體諒

在下極之佩服閣下，淨係拍一次拖就可成家立室，可謂一矢中的。在下不才，試用幾個一字為首嘅成語，俗語，用係閣下果道，但係唔通就唔好見笑，好似後面噉；初見尊夫人-----一見傾心，之後就-----一心一意， 繼而-----一往情深，然後就-----一諾千金，迎聚尊夫人番嚟，直到而家都係-----一言九鼎，從前講嘅嘢完遵守兌現。

講返兩個人相處真係一門好高深嘅學問，而且仲係冇學校，無得讀嘅課程，當然最主要忍讓同諒，中國人個忍字好有意思；心字上面一把刀呀！

引用:

原帖由 james3504 於 2011-6-29 10:39 發表

仲惠用呢幾個一字成語黎形容我由認識到婚後對我太太既心態都好貼切，閣下果然博學多才。
但唔係話你用咁既態度對人就會成功，兩個人相處係相向，對方對你冇意思，你用多百倍咁既心態對人都係冇用。最緊要做人勤力 ...

在下絕對相信個緣字，人夾人緣，唔好話做夫妻吖，做朋友都要講夾唔夾，夾果D就係酒逢知己喇。係(豬頭丙)都冇所謂，最緊要兩個人係夾，我地有句俗語；〔冤豬頭都有盟鼻菩薩〕。阿甲同你好夾，阿乙冇咁好，阿丙絕對唔夾，而且重係對頭人添，俗語又有；[曹操都有知心友，關公都有對頭人 ]。在下講 嘅嘢好老土，不過，事實上現今社會，的確係有噉嘅現像 。

引用:

原帖由 JoyceLyr 於 2011-5-27 12:40 發表


真是遇得返你喔~
哈哈哈哈....
咁我想拍香港人嘛，不得咩

JoyceLyr小姐，

閣下自從 27th May 在這裡出現之後，迄今未見芳踪，未知是否學業繁忙，或是蜜運正濃，竟忘掉這裡一群網友。謹祝閣下心想〔拍拖〕事成！

81tkhk

引用:

原帖由 sexyvivi214 於 2011-7-12 08:53 發表
咁咪識返個囉

閣下講得好輕鬆，最好加埋( 求其)兩個字上去，咁就變成年晚煎堆，人有佢有。

引用:

原帖由 james3504 於 2011-7-15 21:55 發表
男人找女朋友可以求其，但女人找男朋友就不可以求其

真係金石良言，擲地有聲，放諸四海皆準。

引用:

原帖由 qwer` 於 2011-7-27 03:56 發表
稳个岩心水嘎啦~

揾！話咁昜咩？唔該閣下睇吓本版貼＃22、23同埋24裡面嘅嘢.

引用:

原帖由 81tkhk 於 2011-7-7 06:28 發表



JoyceLyr小姐，

閣下自從 27th May 在這裡出現之後，迄今未見芳踪，未知是否學業繁忙，或是蜜運正濃，竟忘掉這裡一群網友。謹祝閣下心想〔拍拖〕事成！

81tkhk

JoyceLyr小姐，


妳好嗎？很久沒有見妳來這裡，最近忙些什麼？學校是不是正在放暑假？照道理應該沒有那麼忙碌，如有空請到這裡來聊聊天好嗎？

祝妳學業進步身體健康！



81tkhk