短評文雀

杜琪峰...一個令人又愛又恨既名字, 可以有槍火既精彩,但又可以整套蝴蝶飛比你嘆
今次既文雀, 無失望但係亦無驚喜, 今次個主題唔係扒手, 而係香港情懷,
我諗好0岩外國人睇, 我係香港旅發區局, 就一定貼錢比佢響歐美上畫

故事性相對係弱, 你可以感覺到呢套係一套有劇情既王家衛作品
年代響故事入面變得唔重要, 情節同埋扭橋都不再出現, 如果話呢套戲真係拍左三年
最主要既原因, 亦響套戲入面出現左, 就係對情節既失控, 有人睇到一半就走左,因為套戲根本分唔到戲種

任逹華就無得講, 保左d兄弟再返轉頭果場戲, 充滿神來之筆
三個兄弟就無乜發揮機會, 有時真係覺得林家楝好唔抵, 黑社會出曬位, 第二集就無位做戲
鉄三角做得幾好, 但係成套戲又唔好, 神探比人搶曬風頭, 文雀就邊個做都得
盧海鵬無野講, 呢個角色我諗香港無乜幾多個做得好, 老粗得來又有人會同情...掂
女主角林小姐, 就真係成也風雲, 敗也風雲, 你覺得佢"得", 成個故事就得, 你覺得佢唔"得", 就主線難以令人信服
我就剩係覺得佢慘, 導演擺明係玩佢, 場場都係著三吋高跟鞋跑步.....