尋日睇左葉問, 總括來說我會比七十五分

先唔響度講劇情, 因為所有野同電視書,一週刊入面既仲紹無乜分別
但想講下入面既人同埋事

甄子丹, 發現原來佢自己唔做武指, 出來效果更好, 今次佢好努力咁去演葉問, 儘管d人覺得佢從來都係唔懂得演, 但今次我覺得佢做得好好....真係show到一代宗師既感覺, 除了自己努力, 我諗佢要多謝編劇, 令佢個角色加入人氣, 唔係一個純英雄, 上次部霍元甲就做唔到啦

熊小姐, 無機會發揮, 但係以一個第一次做戲既人來說, 已經交到功課, 佢柔情似, 但兇起上來仲似, 城城真係要小心啦

范少皇, 林家楝, 任達華今次好安心咁去做配角, 而且都做得好好, 幫戲生色不少

葉偉信, 今次似乎自主性強左好多, 三部前作品, 殺破狼,龍虎門,盜火線都係比甄子丹控制曬,個人特色被壓制, 特別係"盜", 更令我諗起陳嘉上拍成龍, 今次洪金寶做指導, 令佢能量得以釋放, 細路踩單車果一幕, 真係好正, 好有吳字森既放白鴿feel

洪金寶, 今次d武術設計得勁正, 好多人鐘以上次甄響"盜"既mma設計, 但我覺得唔係咁實,因為上次評論都講過, 任何一招都可致人死地,跟本無人可以捱幾招, 今次就實好多, 令人相信入面係實戰,令外當然要讚...甄子丹表演到既快(特別係快拳果幕),我見唔到而家有第二個演員可以做得到

最後有點美中不足既係, 部戲仇恨心好重, 我諗係因為主力是國內巿場的原因吧, 如果大家搵李連杰既精武英雄比一比, 就明白我講什麼....
當然我有咁既諗法係因為我唔係果個年代既人, 我只係諗到, 再不斷灌輸呢d思想, 比沒有思想自由既大眾人們, 其實係好危險既做法, 現代文明響二次世界大戰後成熟起來, 戰爭減少了, 沒有了,那我們的仇限到底還要留多久呢

唔好話又我唔係中國人, 我就係睇完都有熱血感覺, 所以反思才更覺危險
上一代既黃飛鴻最後一定係寬恕, 是否不在留傳到這個年代嗎

其實我最唔鐘意就係呢part, 仇恨到底要幾多年先可以放低呢
還是餓死幾千萬人果d唔拍得, 所以我地認識歷史都要有選擇性呢