之前事忙,無時間睇呢套戲
尤其是佢上到第二個星期
好多戲院得番幾場播
....香港電影既悲哀

一出碟,即買.....
遊乃海....一個跟杜琪峰韋家輝好多年既編劇
話係第一套導演作品,
(以我印象,以前有套癈柴同盟好似見過佢個名,
有網友知道,請更正)
全片都係用返杜韋既風格
甚至比杜既執行導演(羅永昌)更似
不過咁樣唔知係好事定係壞事

睇完第一個感覺....(預左又比人話)

香港電影垃圾,擺到明係講既人唔比機會人
無腦再加埋聽乜就講乜

唔係一級製作,但睇得出心機同做左好多資料搜集
劇情都係照返佢自己之前既風格
但係少左杜睇住,就少左一份神秘感,同埋露左小小
好似用側寫小角式...
第一次比人打,(呢個可以令觀眾明白狗仔唔可以幫手)
第二次拖狗籠,(呢個...我就覺得露左d)
第三次為再遇梁家輝做伏線...(用作世事巧合...)

看到佢第二次,而且用獨立境頭
又看慣杜既電影...就知道一定同破案有關
如果再隱小小表達同埋對結局有更大影響就更妙
(果然呢d都係雞蛋入面挑骨頭)

演員方面

梁家輝就係好容易搶人風頭,呢套係繼黑社會後,再一次夾住任達華
用叉拮住黎耀祥果場,表情個人覺得重勁過秋生望千葉真一果次
但平時角式係平凡人,心思細密,真係做得出色,對比起佢以前既攪笑片
我覺得佢既既演戲能力....比周潤發更強,可否觀眾緣就差好多

任達華都做得好好, 一個慈祥長輩加老差骨,低調但係響可以搶戲既地方
亦用盡功力,如果金像獎再輸,就真係既生瑜,何生亮

徐子珊唔知係咪第一套戲,如果係我真係覺得最佳新人獎應該比佢
做得輕鬆自在(唔知係關之前有演藝經驗,定係導演功力呢)
做全套戲最需要有感情起伏既一個角色...前途我就好睇好
尤其是香港無乜女星既呢個年代

再加二件雞蛋骨頭
1. 如果邵美琪真係講粗係...唔係qq聲,一定生色不少(可惜香港唔得)
2. 比我撞到徐子珊咁既女仔.....第二次一定記得...哈哈

收得幾百萬......有乜計

外國片萬歲.....香港人萬歲........

引用:

原帖由 Dr.Evil 於 2007-8-10 21:33 發表



癈柴同盟導演係游達志

講返跟蹤,呢套戲我果時o係電影節時睇,覺得驕陽終於都有套好既投資喇,可以得到好既票房,點知知個票房會差成咁真係好唔明........

thanks.....杜琪峰呢對左右手......我成日記錯

引用:

原帖由 KMY89 於 2007-8-22 11:24 發表


Kenny, 有時又唔怪得人 ...

KMY這種老鬼重有幾耐玩，X那媽，有D港產片真係離晒譜, likely 醒獅。

跟踪係好片，要丙，丙果D爛片王。

那個國家無出過爛片.

我覺得最重要係心態問題,唔係話要睇高港產片,只要平常心入場,己經好好

重有好多人覺得,睇西片係高一級,港片留住mk仔睇...

p.s. 如果要重拾以前既成績,本土人支持係重緊要既,韓片每年拍得比港片多,睇到都令人覺得心傷.....

引用:

原帖由 火山孝子 於 2007-8-24 13:01 發表


咪就係！好似火山呢種窮鬼仲有幾多錢睇戲，X那星，有D外語片真係離晒譜, likely 太陽倒數。

呢個就係你講的心態問題!

唔知點解香港人會覺得睇多些特技至叫回到本?

其實在年初農曆新年檔期的那套最賣 ...

TIMWAY D 人睇到又話你係電影人既架啦...

我唯一幫電影人既人,多D人睇戲,先至會有多D電影,我講過幾次,唔係有成龍既戲收錢,,嘉禾邊會開胭脂扣..

無人願做蝕本生意,而家香港全部娛樂都碰到呢個問題....人地外國剩係當你係一個海外巿場,平D買比你都得...

如果想重有香港電影睇,就睇多D戲啦.....

引用:

原帖由 KMY89 於 2007-9-10 11:33 發表
誰比誰更爛更低級?

到底係有爛片先吖,定係有爛觀眾先呢?

不過我想,香港還是有著不少識貨之人,好電影始終會有人懂得欣賞的!

要丙，丙果D爛?

================================

究竟，港產片 ...

我覺得主要係翻版,歧視,再加上明星效應破滅

我有一點唔同意火山版主的,如果觀眾覺好笑,咪笑0羅....屎尿屁都可以笑架,果part戲甚至係果部戲,都係sell男主角加特技

周星馳以前仆門框仆左十年,我地都笑左十年啦.

引用:

原帖由 KMY89 於 2007-9-10 16:49 發表
我覺得主要係翻版,?
==========================

(1) 淨係老翻港產片？

(2) 不是歧視，而係無信心；

(3) 仍有明星效應 wor ... 王晶既戲你睇唔睇？Al Pacino 的睇唔睇？

KMY認為港產片死在爛，傷了很 ...

1.\ 西片亦都受到影響,不過人地當你係衛星巿場,買到幾多錢比你都得....你睇下die hard4, rush hour收幾多錢...

2.\ 歧視同埋無信心係兩個唔同既層面,我仍然見到聽到好多人話睇港產片等於cheap既....(大部份出自港女....)

3.\ 點解唔睇王晶?劉德華企到咁耐,票房一直都壓住梁朝偉就係因為好多人會因為劉華入場,以前直到有一份list,搵邊個明星,大約就可以收幾多咁添喎...而家...搵邊個都無用...al pacino...我覺得同csi入面果幾個男主角一樣,做乜角色最緊要係"型".....所以麻麻地

引用:

原帖由 KMY89 於 2007-9-10 17:52 發表


講真句，KMY如果當年貪得意，也可能入左電影圈，當年，Kenny01可能未出世or好細个果時，幫吳宇森拍了套戲 ... .

咁而家好似好好多喎......電影圈揾到飯開既已經係叻仔0黎架啦.....