1. 国际共产主义运动就是政治不成熟的产物
何謂 "政治成熟", 唔該, 定義一下.

2. 和平的推动中国的政治民主化进程.
和平, 詳叫 "和平"?, 唔該, 定義一下.

3. 中共能否启动中国的政治体制改革…, …而且必然给人类社会造成极大灾难！
這一段課本書生式對政治的紙上談兵理解, 好有老毛共產黨宣傳機器既feel.  但係就欠缺左老毛最重要既 "鬥爭哲學”

4. … … 越是不成熟的民族，越是容易被时髦的政治主张所蛊惑！越是容易被极端激进的口号所煽动！

姑勿論閣下篇幅其他既假設, 前提和推論.  如果大家對 ”成熟” 的定義係一致,呢句說法, 我係同意.
話時話, 依家有咩 "政治主張" 係最 "時髦"? 有咩, "口號" 係最 "極端激進"?

就當下, 美歐大國任意魚肉搶奪小國, 然後走出主張,  "民主", 就眼底當下, 夠唔夠“時髦”?

明明活在優勝劣敗, 適者生存既生存既世界.  劉翔110m, 12秒95, 閣下呢? 走出來講, “全人類所有人都係平等”. 夠唔夠 "極端激進" ?

引用:

原帖由 keung77 於 2011-9-20 08:56 發表
仁者见仁，智者见智

呢d說話唔使講咁長, 一句 "見仁見智" 就夠.

引用:

原帖由 yezilieshou 於 2011-10-5 07:57 發表
中国人传统意识的问题！家天下！对于专制，大多数人是羡慕。大多数人讨厌的不是权力，而是自己没有权力！

中國人傳統意識的問題?... ... 如果閣下對中國人傳統意識有興趣, 相信都有讀過和明白, " 大道之行也, 與三代之英, 丘未之逮也, 而有志焉. 大道之行也, 天下為公, 選賢與能, 講信修睦."

我唔清楚閣下 "家天下" 的定義. 但係如果把 "家天下" 大槪定義為權力把國家私有化.  咁, "家天下" 就唔係中國人傳統意識的問題. 而係世界歷史都有的社會現象.
有趣既係, 此社會現象何以形成同演變因素, 得閒研究同思考下.

權力?... ... 羡慕或討厭? 大多數人跟本唔明白權力是什麼一回事.  而最可卑, 可笑, 就係睇住一d無能力, 無眼光, 無大志, 既小丑去爭奪權力.

概念唔清楚, 接連既思考唔清楚. 結論又會唔清唔楚, 呢個亦都可以係一種社會現象.

引用:

原帖由 xingxingnai 於 2011-10-9 03:24 發表
... 唔通系西方行唔通嘅主義系中國就行得通？ ...

"行得通?!" ok喎.

跟一d好聽到不得了既 "真理" (例如:民主,人權,平等) 相比, 用 "行得通" 來思維政制, 有意思得多.

李世民, 路不拾遺, 外戶不閉, 雖則係帝王家天下主義, 但係算唔算 "行得通" ?

日本個民主首相日日不同, d政策都未推到, 就換人. "行得通" 嗎?

蘇格拉底既希臘民主, 希臘債務危機到要破產, 政府減人工, 開支, 成千上萬的希臘人罷工, 示威. 又"行得通"嗎?

美國既民主就唔同, 國民缺乏生產競爭力, 揾唔到食. 國家出兵, 打扙搶劫, 印銀紙. 其他人既問題與美國無關. 一般中產繳納40%既入息為稅款, 唔係開玩笑, 呢個民主政制 "行得通".

不同時代, 有不同挑戰, 社會和科技既改變, 固有政制模式跟本解決唔到社會變遷中既問題.

一個社會需要一個"行得通"既政制.  當然, 如果要定義 "行得通", 國民必須首先睇清楚和明白社會, 世界現象和問題.

盲目推行民主主義, 跟盲目接受共產主義, 都係好盲既一回事.

其實支持民主都可以幾好, 好似希臘, 政府派錢, 示威好過睇老細臉色, 其他問題同其他人講, 與我無關.