巴蜀風/其他好多食店都係，加價好快之餘，碟頭又細咗。
上一次食巴蜀風都有成4-5個月了，我之前個零月左右就幫襯一次，但上次之後，未來應該少去好多(甚至唔再去)了。(我係一個價格敏感度好高的人，一向覺得巴蜀風係扺食的。)
另外，有一間東北人，應該唔算咩高檔嘢，上星期喺東門附近嗰間食，又係最後一次。理由又係加得厲害而且碟頭細。

上星期深圳之行，忽然發覺食店的侍應生少咗好多。以前佢地同客人的比例一定比香港細，拿著菜牌等你點菜，幾年前仲會自動幫你"jump"茶，當時service/價格比真係好高。但現在可能因為無咩人去深圳打工掛?己經同你樓下的茶餐廳/街坊茶樓差唔多，"jump"茶? 連你洗完碗筷都要等10分鐘，叫佢先至有人攞個大碗俾你倒水.....唔係一間係咁，係一日之內我食咗兩間都係咁....

加上人仔升，以前上去無無聊聊食一餐的事都唔會再發生喺我身上了，留港消費都係有加價，不過慳返交通時間/衛生安全好好多(係哩期唔知係咪老鼠年，周圍都有老鼠)，係就係食唔到地道少少的川/湘菜了，香港點做都係改到本地化....不過如果你細心計一計，通漲加人仔升值之後，用餐價格上深圳己經等於香港的了。由兩年前18-28 rmb 加至今日 38-48rmb 一個餸，乘返1.1，同香港真係差唔多。

講開湘菜，兩三年前一定走唔開"挅椒魚頭"，當時d魚頭比e+至少大50%，都係2x-3x人仔。e+，68/斤。俱往矣。

補充一下巴蜀風口水雞的縮水歷史:

兩三年前同其他川菜館比，都係有d偷雞。例如人地寫明口水雞(半只)，佢無寫，咁有時都有半只，有時就1/3。

上一次食，1/4左右啦。佢地將d雞肉切到變雞絲咁滯，以前你係由外表可以知道哩個係雞胸/雞肶。e+係唔q會知的。面頭的花生/芫茜(可以堆得好q高)，同碟底的配菜越來越多，d竹筍真係等同雞肉咁滯，夾兩次度啦，你就己經可以感受到，d雞肉同筍喺嗰碗汁入面暢泳的。