我唔覺得苦喎。苦唔苦，睇你點睇啫。真係咁苦的話，又何需講生唔生仔，直頭可以自行了斷啦。

其實唔想生，無咩問題，至少對我嚟講，你唔生，咁我生多幾個，咁將來我的子孫統治地球的機會就會大啲。

個別例子啫。

香港地，有幾多bb早夭先得ka？起碼你同我，同係度發過言的人都唔止在世九日啦.....而如果大部份bb都早夭，咁反而應該要生多d tim....理由，請考慮微生物的繁殖方式。

至於生仔係咪自私，生仔就一定係自私kala....因為生仔的先決行為，造愛，本身都係自私個喎，除非你的造愛對像好「利他」，係人都同佢造啦.....再上一步，(唔係純為肉慾的造愛，而係考慮為生仔而造的愛)，你選擇拍拖/結婚的對象，由產生好感/追/追到手/上床/結婚/生仔 (後3個次序因人而異，並非一定順序)，整個過程都係自私的，因為你無，亦唔應該利他。否則，個個靚女都有多過一個人追，係咪一有人追，你就「利他」，俾人追咗去呢？

但係自私係咪就有問題，就唔好呢？你肚餓，去買個包食，哩個行為本身有幾唔自私呢？肚餓/想食嘢/買包/食完，整個過程完全無利他，亦無需要利他，因為到最後，你係生物，有生物需要，要解決，唔解決會死，就係咁簡單。要複雜少少的話，假設戰爭期間，得一個包，一係你食，一係一個三唔識七的人食，邊個食咗就可以頂多一日，一日後就有援助，唔食就頂唔到，而且個包唔可以分，分咗大家都係頂半日，都係等唔到援助，咁你由肚餓/想食嘢/搶包/食完的過程中，唯二(因為你思想複雜所以有唯二，換咗我就只有唯一)要諗的係，要唔要利他？唔利他的話，有咩辦法搶到個包？

所以，我覺得認為生存為苦而不生仔的人，尤其是獨生(九代單傳者)，真係對唔住祖宗。祖宗要幾多努力，尤其近代中國，先可以生到你出來？而你竟然因為思想太複雜(其實係混亂)而決定將祖宗的dna在你手上中斷。

如果無死，如果無一d可以致死的生存挑戰存在(係致死，而唔係一d好虛的所謂苦，致死比一般的心理上的苦為甚)，根本無需繁殖，無需要有你。

所以，人活著，就是為了繁衍。如果，有人因為心理(非生理能力/？)而不生仔，我估：大概係佢知道自己的後代無法面對生存挑戰。

佢自己唔教都未夠，仲要質疑教佢嗰個.....