係囉。

如果無需神的參與，咁要神做咩？

你又有d豆奶喎........

不過，我的參與證明了我的存在.....

而...又有咩證明神的存在呢？

引用:

原帖由 jacky. 於 2006-12-27 03:04 PM 發表


起碼比證明「進化論」/「演化論」來得輕鬆

輕鬆....同其求....都真係...無分別。

非也。

不過，講真，物種起源只係睇咗一半。

而且，係你以輕鬆為理由/解釋/道理/講法...去「講」有咩證明神的存在。

奇喎。

你同時懷疑有/無，而又兩者都不是包袱。

如果換咗係我，同時懷疑某樣嘢有/無，唔係發緊神經，就係好大的包袱。

例如，如果每當我飲水/食飯，我都要懷疑佢有毒又同時懷疑佢無毒的話.....

發咗神經，係因為我懷疑而不證實，驚到唔知食唔食好。

好大包袱，係因為我每次都要攞去驗一大輪先食得。

e~~~哩句嘢好似係屈個喎，李天命話。

另，一個盲的人係可以知道有光的存在，盲的人只係「見」唔到光啫。除非全世界的人都係盲的。否則，唔係盲的人係可以講俾盲人知，世上係有光的存在，光子可以推動物質，太陽能亦可轉變為聲能，動能。

但另一方面，有幾多人親眼見過神呢？有幾多人有天眼通呢？

正喎~~~~~

咁睇嚟，人要食碳水化合物/蛋白質/脂肪/維生素，而唔應該食屎，都係少數服從多數喇.....

咁...唔知你平日食咩呢？又唔知你一邊食的時候，又有無同時懷疑有咩無咩咁呢？

引用:

原帖由 jacky. 於 2007-1-2 01:42 AM 發表


牽強類比

勁正喎......

以盲人不能「見」光，比喻為無「天眼通/天線/心眼/x感知器官」者不能「見」神，又唔「牽強類比」乎？

還是，你的「牽強類比」有選擇性？又或者你對某事是否「牽強類比」亦經常同時懷疑有又懷疑無？

如果以現時人類科學仍「盲」為由，咁何以又有d人會認為有上帝？佢地又係唔係「盲」？如果都係「盲」豈不是一齊瞎子摸象？所有人所講的上帝都唔係「真的上帝」？如果佢地唔係「盲」，其實咁係非常好的，請問佢地可唔可以證明上帝的存在？正如我可以利用太陽能換成聲能，俾盲人感受到光？

即咁，如果講愛的話，愛本身又真係證明唔到的，因為「愛」相對於「愛你的人」係比較抽象，摸唔到的。

但係，愛哩樣嘢，假設係人同人之間，咁你feel唔feel到，係一回事，起碼有兩個人同時存在先吖？係咪......

存在/不存在，非此即彼，證明唔到，只係feel的話，我覺得有少少似....d賣化妝品的sales....嗱，小姐，你用咗哩隻產品之後，feel唔feel到自己靚咗呀....之類

至於，所謂唔搵就質疑人地搵到未，亦係唔科學。(咁當然，可以係神學啦)，因為如果有人搵到，見過，大可以攞/講出嚟，如果根本唔知某物存唔存在，又何必花時間去「搵」一d，無人親眼見過的嘢？

重要的是，基督教的神，神格在舊約/新約迴異，有部份矛盾，我覺得都幾結構性，例如三為一體呀....

最後，我係返過兩年半教會，一開始信，係唔難，但實在說服唔到自己，去接受一個殺人如麻的舊約的上帝，同時又係捨身救人的新約的耶穌。

引用:

原帖由 Obi-Shady 於 2007-1-2 03:43 PM 發表


你可以利用太陽能換成聲能，俾盲人感受到光...咁俾你利用嘅太陽又係點嚟嘅呢？

太陽能咪由太陽度嚟囉....太陽之所以發出能量，咪因為氫被擠壓囉...但如果你想由此推出....有上帝造宇宙，又係會落入超級上帝的結論...

甚至，有一個老套比喻，「手錶/造錶/錶匠---->人類/造物者」

咁我又諗喎，我屋企部電腦，精密過手錶喎，咁部電腦，由設計到生產...嘩，無一千幾百人都造唔出嚟啦，都未計要推動到部電腦的電力，運送到我屋企的物流過程......咁，一個比電腦複雜的宇宙，咪有成億上兆的上帝分工合作先得囉？

引用:

唔知某物存唔存在就唔搵？如果人人咁諗，我諗我而家都唔可以喺Internet度Post嘢俾你睇喇...

發明/發現，係一個....小學程度的詞語運用。

愛迪生發明了電燈。哥倫布發現了新大陸。

發明，即本來沒有，經人的智力/努力/經驗/運氣/改良，創造出來的。

發現，即本來己經存在，只是一直沒有人有能力「看/接觸」到，例如以前唔知有病毒。

而internet，唔係發現，係發明。

以你的比喻，即神，像internet一樣，只要肯「搵」就會被發明出來嗎？

引用:

我講緊嘅神唔一定係基督教、天主教...

哦...咁即係你唔係基督徒？

引用:

原帖由 victory999 於 2007-1-2 05:28 PM 發表


有冇諗過將解釋權搶過來.

其實，己經搶過來。

引用:

原帖由 jacky. 於 2007-1-3 02:18 AM 發表


真係對那些如麻的被殺之人咁有憐憫之心

咪玩啦

你跳到攰未？

係喎，你唔好只係懷疑我的動機/心態，而唔就我的論點提出反駁呀，否則，就係人身.....咩好哩，又未算攻擊，咁就叫...人身搔癢啦....

[ 本帖最後由 sheepstreet 於 2007-1-3 02:44 AM 編輯 ]

引用:

原帖由 網絡大貴賓 於 2007-1-3 04:22 PM 發表
是否有一位創造萬物的上帝存在?
答案係 "是"

如果唔係,又點樣解釋大爆炸之前既宇宙

咁會唔會係為解釋而解釋呢？不如話，唔知/或然率

因為選擇咗上帝創造之後，人又在上帝這概念上加上其他屬性，人格....

於是，上帝創造表面上係簡單，但實際又引來更多社會問題。

但係都仲有最後一招：

創造萬物的上帝不一定等於基督教的上帝，創造萬物的上帝喜歡玩捉迷藏，而不是無處不在  

引用:

原帖由 花之慶次 於 2007-1-4 01:25 PM 發表


今次係認真
你認為有神論合理還是無神論合理?
要的是個人意見!!

無神，因為簡單。今日的神，隨著人的需要增加，屬性越來越多，亦越來越矛盾。

引用:

原帖由 花之慶次 於 2007-1-4 01:30 PM 發表



又如何理解生命, 生命是從何而來??

唔知。如果一定要答神，咁同答「x」無分別，因為神係咩？神的特性人言人殊，所以同「x」無咩分別。

引用:

原帖由 sheepstreet 於 2007-1-4 01:34 PM 發表


無神，因為簡單。今日的神，隨著人的需要增加，屬性越來越多，亦越來越矛盾。

我第一次聽關於「人造神」而唔係「神造人」，有趣地係由一位教會導師所講。
當然，佢的立場係，為提出「人造神」的理論找出破綻，並維護「神造人」的合理。當時我係較接受佢的講法，不過，大鑊，「人造神」哩粒種子反而入咗腦。

慢慢我就發現，因為我希望有神，所以我信有神，係人造神。