我係女，我都中咗花，今日睇完Dr Ho, 佢同我做咗冷凍，好痛呀...
我真係唔明點解咁不幸會中，三個月前，我前男友因為鐘意第二個而狠狠地拋棄我，對我來講都係一種幾大嘅傷害，點知而家先發現佢仲有花惹埋俾我，我當時完全冇意識到佢有啲咩問題，係曾經同我講過佢嗰度有啲粒粒，但好細粒，就咁睇都唔覺係啲咩，我仲以為係濕疹，因為佢有濕疹。今次真係雙重打擊，自問自己唔會出去玩，對佢都好專一，真係唔知佢背住我做咗啲咩，定之前嘅女朋友惹俾佢？我好唔開心，覺得自己冇哂價值，咁就一世，以後我應該點面對第時嘅另一半？就算好返，都仲係有可能即將病毒傳俾佢，我應該同佢坦白嗎？但係坦白就會被嫌棄...我得21歲咋，點樣面對？我又冇濫交，接受唔到自己咁都可以有性病...我嘅人生好似灰哂咁...

多數你哋...
我想問做冷凍治療多數做幾多次先消除哂病灶？
冷凍治療同電灼邊樣好啲？上次唔記得問醫生...
我做完冷凍治療後，經常有啲膿性液體流出，我要每隔一至兩個鐘換護墊，係咪正常呢？

但係醫生話如果感染咗先打就冇乜效了，我都諗緊好唔好打來博下，你打咗幾多錢？

引用:

原帖由 catzy 於 2012-1-3 21:17 發表 6次甘多?甘咪用左好多錢=.=?

咁你而家打咗幾多次？

引用:

原帖由 stanleysex 於 2012-1-4 02:20 發表 [url=http://forum.timway.com/f/redirect.php?goto=findpost& pid=16131843&ptid=431][/url]6次唔算多了, 當然女仔係比男仔好得快

但係六次已經要用好多錢 仲未計復發。我家姐叫我電灼

引用:

原帖由 stanleysex 於 2012-1-4 02:26 發表 放心啦之前好多女既同男既兄弟姊妹都完全唔見哂了, 所以你話會唔會好翻哂呢, 好到連記都唔記得, 你一年後正常一樣都會係度消失既, 只要你堅持唔好食煙飲酒就ok, 黎依度講多d野relax下就會好好多了, 我當時都係,  ...

多謝你，我平時都唔煙唔酒架，不過有時係夜瞓啲，咁我想問洗唔洗戒口架？我會努力醫好，但怕在復發...

係因為兩個月後我沖涼摸到啲粒粒，我冇意識到係性病，因為我當時從來冇諗到前男友會有，直到我去婦產科醫生度覆診(因為一直都有為月經及卵巢問題睇醫生)，我問醫生有兩粒嘢起下面唔知咩來，佢一睇就同我講係椰菜花,我當場呆咗同接受唔到

另外，咁第時有另一半好唔好話俾佢知好？俾著你哋，知道自己另一半曾經有會有乜嘢感覺同反應？

[ 本帖最後由 JessicaS 於 2012-1-4 23:15 編輯 ]

引用:

原帖由 Jonny1996 於 2012-1-4 04:38 發表 真係心灰已冷。想死好到99%睇佐6個dr  包皮又發炎又變返半年前咁都好唔返咁唉真係想死佐去

睇咗六個？？咁有冇睇Dr Ho? 你係花定疱疹定咩？

其實係因為我嗰次同家姐一齊去婦科醫生度覆診同檢查，先俾佢知道呢件事，而且我完全冇諗過自己會有花，雖然我家姐鬧咗我一輪，但係最後佢同媽咪都支持我。我另外都同咗其中三個信任嘅好朋友講咗，我最初都怕佢哋點睇，但佢哋完全冇接受唔到，好鼓勵我同擔心我，再加上有呢度同大家分享，令我心理壓力冇咁大...如果唔係我真係會顛
我前幾日起婦科醫生做咗電灼了，局部麻醉，醫生話之前做過冷凍，再做電冇衝突，兩星期後再覆診，我諗我兩邊都會去。醫生話暫時唔好食蝦蟹等海鮮，我諗BBQ都應該唔太大問題。
我都好驚生到入去，到時點消滅到？

[ 本帖最後由 JessicaS 於 2012-1-9 22:48 編輯 ]

引用:

原帖由 stanleysex 於 2012-1-6 23:35 發表 我都話啦各位兄弟你地叫黑, 我都話我前後要跳十次數都唔得啦, 醫6年先好成為依版為一一個由開post到而家, 其他1-2年後已經唔見哂人, 而家連我老婆都話比我傳到d唔知咩菌, 我真係想死左佢算q數, 點解個天要玩我玩到咁 ...

師兄你都係花定係咩？
我哋每一個人最後都一定會好返

引用:

原帖由 Nomoodgirl 於 2012-1-8 16:11 發表 我個醫生話打在都有幫助，唔會出得咁犀利。不過無番發之後做左抹片檢查，因為花所以子宮裡面既細胞有變化，最終要做leep，宜家飲酒都無出。新年前要番去檢查同打最後一支針。

我中咗花之後都有去驗身，但佢話我子宮抺片正常，咁係咪即係啲細胞未病變？
咩叫leep ?

引用:

原帖由 strange 於 2012-1-18 20:06 發表 如果係耶菜花, 就算用套都會傳染, 如果係高危形HPV 就生在入面, 低危形HPV 就生在外面, 當然高危形HPV會手尾長D. 妳快去找個好醫生檢查一下吧!  不用太擔心images/smilies/default/handshake.gif

咁其實好返後帶套都會傳染嗎？

我後日覆診了，希望真係清哂啲病灶啦...

引用:

原帖由 swc971422 於 2012-1-25 13:05 發表 師兄門~我好驚呀~我中左花仔一年幾~初初生左十幾粒花~做左冷凍之後其他位置既花都甩左~就係包皮係帶果兩粒吾識甩~我係dr.ho度做左好多次冷凍都無用~每次都加重濟量都吾甩~dr.ho都話吾知點解~答我吾到~我而家好絕望呀 ...

我起Dr Ho度做咗一次冷凍，起婦科醫生度做咗一次電灼治療，最頑固嗰粒都冇咗了，前派我去婦科醫生度覆診，佢幫我check過話冇哂啲病灶啦，都叫好返，來緊呢一年要觀察下，如果冇復發就冇事，希望安然渡過啦。
所以師兄你可以試下電灼，雖然多數皮膚科醫生會選擇冷凍，我亦唔知男仔做唔做得呢個方式，但你可以問下你嘅主診醫生。可以去醫院做，但好貴

電灼係一次過可以電死哂啲病灶，較徹底

引用:

原帖由 swc971422 於 2012-1-28 15:39 發表 請問師姐一般做要幾多錢左右呢?

我起Dr Ho度做冷凍$1,000+$500診金，婦科醫生嗰度原本話電灼要入院做，如果入院嘅話貴到o咀，逐樣計total起碼七八千蚊，好在報告返來證實我係中花時醫生好好話即時起診所做埋佢算，所以淨係$1,000埋單，即係我成個治療用咗$2,500

已PM俾你~~~~~~~