每逢6,7,8月,當各大聯賽收爐後,賭波版都少了估估下遊戲,上年豆豆都延續左個讓球盤至四大聯賽開爐前至收皮,若果我或搵個德高望重的網友攪多個賭波遊戲,我想其實我不適合攪估估下,我每次做主持的遊戲人均出席率都很低,出下屎橋還可以,咁啦,廢話不多說,我就講下個遊戲大概!

石頭王估估下遊戲

每次選四場比賽,當中取一場玩主客和加大細,賠率是多少分數便是多少,例如:

卡坦尼亞 0:2 AC米蘭 客1.5 細2.0 = 總分 3.5 出現三個分數,1個月內或會出現2次特別高分比賽,如半全場,總入球,波膽!當然計算者,鐵定由豆姐做埋!

比賽期會是四大聯賽完結至下季開鑼前!


石頭王
如果還記得達明9哥有隻歌叫石頭記,裡面歌詞大約是,絲絲點點計算,偏偏相差大遠,XX轉轉,化左段段塵緣,紛紛擾擾作假.......石頭一般都幾硬下,分數又是硬掘方式,名稱石頭王就係咁黎!
金巴攪果個降班遊戲,鬼佬都支持比D獎金,如果呢個遊戲都有番D安慰獎,我諗參加者出席率或會有所增長都未定!


有好意見請踴躍提出,有不足之處便提點一下!

你都睇到我有幾多身家,誰有興趣個雞碎咁多!

(B) 簡單規條：　
(1) 只會開所有 2008/09年度英超聯賽球賽，一共 38 次賽事。
(2) 每次賽事計算：會以每周一組球賽計，周中如有賽事會照開，但不會開補賽或得一兩場賽事，每次截止時間為每場球賽開賽前 5 分鐘。
(3) 賠率會用 (i) 照跟會員貼圖當時賠率 (希望大家自律，唔好有欺騙，假圖成份，如有發現，即時取消資格)
            (ii) 唔貼圖者，主持人會用馬會最後賠率計分。
(4) 會員第 1 次開賽前，會有 38,000 分，如果係第 3 次賽事開始前，會有 36,000 分，如此類推，所以，如果會員係第 38 次賽事開始前報名，只會有 1,000分，當報左名後，唔得閒玩可以授權第個會員代買，冇玩就會扣 1,000 底分同時會影響出席率。
(5) 每次賽事會有 1,000 分買，單場最少買 100 分，過關就最少 10 分，買淨分數不可以累積下一次賽事買。
(6) 彩池同過關方式：會跟足馬會足智彩，因唔想咁多限制，希望各會員手下留情，唔係真金就唔好買 7x127, 8x255 之類　 ，因本人未必計得掂，多謝合作。　
(7) 加注問題：如會員所得真實積分係正數 (主持人會另計一行係真實分數) 歡迎加注，金額冇限，但要寫明金額幾多，唔希望只寫一個晒字 ，同埋如果發現超額投注，如買單項就會被更改到最多可以投注金額，多項投注，就會按先後投注。
(8) 每次只可以貼在同一帖子內，同時不可以編輯，方便計分員。
(9) 每次賽事唔貼圖會員，最好寫清楚投注方式，彩池，不接受只寫球賽編號，方便計分員。
(10) 每次賽事後，主持人會在下一次賽前盡快更新積分表。
(11) 每次新賽事張貼時，會公佈各會員可以投注上限分數。
(12) 每月一小結，一季一大結，有時間就再做每月分析表之類，讚下高分人事，踩下低分人事，希望大家唔好介意。
(13) 2008/09 年英超聯賽期間，歡迎各會員中途加入，但要到報名區報名先，等主持人知道新參賽有睇到規條。
(14) 主持人有權隨時截止報名，原因係太多人，計分計唔切，又有權取消會員資格，原因係多次冇參賽，以上希望唔會發生啦。
(15) 報名時，請自選一個 3 位數字幸運號碼，同埋名字稱呼，如冇提供，主持人就會用你地既網名，幸運號碼一欄就會留。   (例如：網友 HJ2127_ATR1 報名時可以叫金巴，幸運號碼係 127)
(16) 如有錯漏，規條會隨時修正。
(17) 所有爭論，最終會由主持人作最後決定。
(18) 溫馨提示：2008/09 年英超聯賽球賽會由 2008 年 8 月 16 日星期六開始。


呢D叫簡單規條,咁我米要打張極度簡單規條? 十項之內都應該算係喇掛!

引用:

原帖由 紅豆沙 於 2009-5-5 20:26 發表

你攪遊戲就一定支持　

至於你講既死鬼佬比Ｄ獎金，會令出席率有所增加，我又唔認同　

若果係要設安慰獎，點解你唔同ｂｕｔｔ斟斟呢？ ( 點解要捨近取遠？)  

米住先,我無咒佢死,你的意見不代表我既立場!

butt?季初我叫佢比個今季德甲出賽表比我,現在都未出現,諗住唔煩貴人了!

引用:

原帖由 HJ2127_ATR1 於 2009-5-4 10:03 發表
有遊戲玩，應該唔少賭波粉絲支持！　

至於你話鬼佬用獎金支持遊戲，相信冇問題，不過要你提議，同引導鬼佬佢留言支持先得。　

我又唔係扮豬,鬼佬點會理我呢D小人物!

我就諗每參與10次20次就會有獎分或獎金,但係無筆值,我都唔知點出條例!

石頭王戰記遊戲賽例

1)  每次主持選四場比賽,當中自選一場玩主客和加大細,賠率是多少分數便是多少,例如:
卡坦尼亞 0:2 AC米蘭 客1.5 細2.0 = 總分 3.5

2)  賽期內會出現五次高分比賽,如半全場,總入球,波膽! 將會以附加分數形式出現,分數不計入總分,主要用來於賽事完結後如有同分便以附加分數決勝!

3) 比賽期會是英,西,意,德聯賽完結後至下季英超社區盾盃賽前三日!

4) 請每次出貼前打編號於頂,沒有編號將以網名代替!歡迎各會員中途加入!

5) 比賽獎勵分12次參加獎,百份百參加獎,附加分數最高獎,石頭王冠軍獎!(獎乜野稍後公告)

6) 不能編輯,如要更改請用引用功能,多謝合作!

7) 選擇場次賽前二分鐘截止受理!以馬會公佈時間為準!

8) 賠率分數將以版主貼圖賠率為準!公佈賽事後,請等待有賠率貼圖才發貼參與!

預估遊戲獎勵!!(要等版主作實)

12次參加獎   + 威望 80

百份百參加獎   + 威望 180 + xocat 金錢 1000

附加分數最高獎  + 威望 250 + xocat 金錢 3000

石頭王冠軍獎  +  威望  330 + xocat 金錢 6800

更改遊戲獎勵!!(要等版主作實)

12次參加獎   + 威望 0 + xocat 金錢 100

百份百參加獎   + 威望 0 + xocat 金錢 200

附加分數最高獎  + 威望 0 + xocat 金錢 300

石頭王冠軍獎  +  威望  0 + xocat 金錢 400

我估佢話你咁多錢,分d出泥當獎金掛!

再更改遊戲獎勵!!(要等鬼佬作實)

12次參加獎   + 威望 10 + xocat 金錢 150

百份百參加獎   + 威望 20 + xocat 金錢 500

附加分數最高獎  + 威望 30 + xocat 金錢 800

石頭王冠軍獎  +  威望  60 + xocat 金錢 2000

又再更改遊戲獎勵!!(要等鬼佬作實)

15次參加獎   + 威望 10 + 體力 10 + xocat 金錢 200

附加分數最高獎  + 威望 20 + xocat 金錢 500

石頭王冠軍獎  +  威望  50 +體力 50 + xocat 金錢 2000

引用:

原帖由 HJ2127_ATR1 於 2009-5-15 14:00 發表


等足球賭波版版主作實冇問題，等............

獎賞計劃已我所知只有管理員 xocatII 可以加咁多金錢，威望，體力，建議到時 onno1 開題有埋簡單規條時，再 link 比 xocatII ，確認回帖。　

攪個試辦比賽等鬼佬入泥睇下,佢作實就無問題吧!

引用:

原帖由 OrangeFai 於 2009-5-26 19:12 發表
其實邊個係鬼佬?

banman你知道是誰嗎?