引用:

原帖由 理魯竇 於 2013-5-22 00:58 發表
不好意思，方兄是不是想講"釋懷"呢？

多謝 理兄提醒和糾正, 真係退步到慘不忍睹. 寫極都寫錯. 我係想寫 "釋懷" 但睇怕都好快 "主懷安息"啦!

引用:

原帖由 蕉園仔 於 2013-5-22 08:32 發表


原來方兄對於這次政府捐款一億的意見也跟小弟相同，這班禍港的建制派橡皮圖章議員今次真的看不到和聽不到民意嗎？用阿公的錢去捐款就大義凜然地搬出血濃於水，人道，救急扶危馬上要捐，如果投票贊成要捐款的這37 ...

冇辨法, 功能組別小圈子選舉選出來的立法會議員就是這種質素. 我曾經說過香港的生活質素越來越差這亦是其中一個原因.

還記得我地後生時開 party 其中一首至愛 Hey Jude 嗎?  其中有一句歌詞 Don't carry the world upon your shoulders 就是小弟現時做人處世的金科玉律. 唔係叫自己唔好去關心社會公義, 爭取人權自由. 衹不過在現時烏雲密佈, 強國內部的派系鬥爭已蔓延至特區的大氣候下. 我們唯一可以做的就衹有係好好對待自己認識和身邊附近的人, 須要援手的盡力施予協助, 可以令他們生活過得快樂寫意的想辦法去實行. 如果每人抱著這種態度, 相信香港人的生活質素和快樂指數可以慢慢回升. 至於其他遙不可及, 遠水不能救近火的問題, 最好仿效論壇其他兄弟一樣, 寓慈善濟世於風花雪月中則可.

And anytime you feel the pain, hey Jude,  refrain Don't carry the world upon  your shoulders
For well you know  that it's a fool who plays it cool.
By making his world a little colder, Na na na, na na na na, na na na na, ....................

引用:

原帖由 mtpen 於 2013-5-22 18:16 發表


多謝方兄賜教，惟我恐怕得物無所用矣！

老兄請看看我用緊部乜手機？

只可打出打入，但並無上網之Smart Phone功能，是數年前向HSBC申請Credit Card時送嘅！

筆主席 Window 8 主要是用來抗行 Android 和 IOS 與及爭回曰漸取代手提電腦的平板電腦市埸的. 雖然小弟不喜歡見到D人周街揸住部電話撥下撥下, 但smart phone 實在好用和方便, 值得升級.

引用:

原帖由 mtpen 於 2013-5-24 11:07 發表


方逸仙之笑傲江湖、遊戲人間心態，確令小弟羨慕不已！

講番入世俗事，即係咁，put yourself into their position，你十九萬幾仟里長征，死過翻生才打到個江山番嚟做咗皇帝。家陣南蠻有 ...

照現時 香港人正慢慢被 強國人的做人處事和價值觀同化融合之環境下, 真正的普及和平等的選舉, 相信在未來廿年都未能見到, 所以與其整天嚷箸改變世界, 成就理想主義, 在現今香港或 強國社會無疑係對牛彈琴, 徒勞無功. 因此, 小弟才有先關懷和愛護所認識的朋友和身邊的人的想法. 希望每人能多做一些為提升杳港人的質素而盡一點力.

今天晚上就和幾個年過六十以上的師兄去睇 港會國際七人足球賽, 一捧當年我們的偶像, 舒寧咸, 安達頓, 列馬倫和小弟偶像 比士利的風采. 平眼很少有機會出夜街的幾位師兄, 當堂似回到幾十年前一樣, 豪氣干雲, 囗沬橫飛. 當年紅魔紅軍的軼事, 重現眼前, 好一個娛己又娛人的晚上. 席間, 有師兄提出一個問題, 紅魔最近一次降班是 那一年, 而當年的領隊是那一位? 未知有冇街坊記得!

引用:

原帖由 理魯竇 於 2013-5-27 11:53 發表
網上資料......

1974/75年賽季曼聯在聯賽遭到沉重打擊。聯賽最後一輪曼聯與曼城的同城打吡，曼聯被舊將丹尼士·羅攻入致命一球導致落敗，慘遭降班，而導致老東家降班的丹尼士·羅亦隨即黯然退役。

多謝 理兄的資料, 不過由於資料與小弟記憶有些出入, 故小弟曾上 曼聯官方網頁求證, 證實 紅魔係於 73/74 年在英甲排尾二, 須聯同 諾域冶和 修咸頓一齊降班. 不過, 在原領隊 杜察堤領導下在 74/75年成英乙冠軍, 降班一年後回升甲組. 至於 丹尼士 羅的一腳致命入球, 確實令 曼聯提早一周宣佈護級失敗.
曼聯的降班, 主要是因 卜比 查爾頓於72/73年後宣佈退休而 丹尼士羅則於 73/74年開咧前獲自由 轉會 曼城. 不過最大的問題應該係青黃 不接 佐治 貝斯的記律問題和於 74牟初的離隊加上名大於實的 森美 麥覺萊和 盧 麥卡尼才是降斑的主要原因.

記得當年在家中是做廳長的, 每星期曰早上都會趟在尼龍床上睇 英國足球大賽. 當年最捧的是 列斯聯, 球星矼 隊長 布南拿, 重炮手 羅利馬, 阿倫 奇勒, 諾文 亨特和 祖 佐敦等等仍然記憶猶新呢!

引用:

原帖由 mtpen 於 2013-5-27 22:09 發表



講起窮人恩物，我家在九龍仔的日子，有段長時期冇錢買餸，老媽子有拿手好戲！

將花生連衣，用油鹽撈，齊米煲，飯熟搞勻，好好味呢！

苟杞滾豬潤湯, 西洋菜滾瘦肉和涼瓜煲排骨湯現時都經常飲. 在九龍仔年代則經常有煲 竽頭飯, 在凍肉舖買五香牛肉加上 洋蔥來煮薯仔又平又好食.

.

引用:

原帖由 蕉園仔 於 2013-5-29 00:42 發表


方兄講得對，看看強國最多的假食品終於來到香港啦，牛丸？原來完全不含牛肉，用豬肉做的，不過收牛肉價錢。

http://cablenews.i-cable.com/webapps/program/newslancet/videoPlay.php?video_id=12155063

蕉兄,

這就是老一輩的 香港人和現時的 強國人(包括部份新一代的 香港人)在道德價值觀的差異.

引用:

原帖由 蕉園仔 於 2013-5-29 00:51 發表


方兄，這個七人賽好像叫史丹利木盾七人賽，最初是在赤柱監獄給犯人比賽的，後來香港甲組球會在聯賽開鑼前辦這個賽事，每隊七個人在十一人大場踢，真係走餐死，最慘是無越位球，唔走唔得，都幾刺激架。

士丹利木盾或 會長盃七人賽早於七十年代尾和八十年代中分別停辦. 而這個由 香港會主辦的國際七人足球賽則已有約十年歷史, 賽例大致相同不過香港會球埸比政府大球埸細得多冇咁多空位, 同時, 前者供本地甲組球會競爭, 而後者多供外國球會或機構參與, 就算是 本地機構大多都邀請一些外國元老級或新進的年輕球員來代表出賽.

當年還有 夏令盃七人賽供地區球隊或乙丙組球會參與. 正如  蕉兄所言由於埸大兼冇越位, 入球機會大增, 同時角球數目亦係勝負的關係(若打和要計角球). 經常見到球員在角球旗附近鬥法, 甚為過癮. 其中 精工由於有快馬和好腳法兼睇得通的如 何新華, 胡國雄等助陣, 都羸過兩三屆冠軍呢!

引用:

原帖由 mtpen 於 2013-5-29 08:57 發表


多謝蕉兄提醒，既然強國乜春都假，各位愛往國內旅遊之港澳同胞會否害怕吃到假嘢入肚呢？

請問各位旅遊清兵是否全程自攜水糧於旅途上的呢？

If the answer is negative，then，乜唔 ...

筆主席,

上便娛樂事業競爭相當劇烈, 稍為姿色平庸的都很難立足, 加上好多人都好認真地挑選, 比驗屍仲要仔細, 出錯機會不大. 至於小弟較隨便, 多挑一些揀剩蔗, 因為主要作為陪飲, 攪氣份添酒之用, 唔須要咁揀擇呀!

,

引用:

原帖由 1149 於 2013-5-30 20:27 發表
環山11A,每天早上聽著東方紅,大海航行靠舵手,
難怪造就筆向紅同志,還與西環走那麼近,記得將來
習同志登陸寶島,筆同志要向習生美言49幾句,感激不盡.

說起大同足球場,小時候有人說,那是日本兵槍決人犯的
刑場,我 ...

大夫兄,

大同那個足球埸 鬼就一定冇, 麻鬼煩就真, 基本上係全沙地埸, 好易跣到直, 而且既在小山丘上又冇欄網, 周不時要落山執波.


.

引用:

原帖由 蕉園仔 於 2013-6-3 11:47 發表


方兄的確好記性，七人賽除咗計入玻外，還計角球的，所以角球在比賽中都好重要，想請問方兄現在的國際七人賽事中有沒有像當年的那像刺激，洋人懂得踢七人賽的技巧嗎？

也想問問方兄對當年有隊叫海峰的甲組球隊 ...

蕉兄,

近年的 港會國際七人足球賽的水準相當高, 有很多球員是準英超水準. 如冠軍的 李斯特城今年差一點就可以升上英超, 可惜在附加賽落敗. 而最當打的應該足 森美 艾美奧比, 他在紐卡素很多時有機會出埸的.

從前 海蜂的南韓外援中, 以 朴利天, 朴秉徹 和 崔鐘德在韓國最有名氣, 是國家隊的主力球員, 反而較受歡迎的 大細孖  金剛男和金成男就唔係主力, 可能係他們兩兄弟很早就來香港發展有關. 睇過咁多埸海蜂的波當中, 最有印像的是 文錦棠的義賽和 佐治貝斯來港客串海蜂三埸比賽的其中一埸, 雖然這個兒時偶像的身型和氣力已經大不如前, 難睹當年一個扭幾個的鏡頭, 但波底依然在, 隅然一兩腳靚波已經值回票價. 當年旺甪埸開波前兩粒鐘都爆棚啦, 可想而知 壞孩子幾多粉絲丫.


.

引用:

原帖由 蕉園仔 於 2013-6-3 12:03 發表


莫非方兄也曾在大同沙地球場留下不知多少腳毛？

隅然都有去果度踢下波, 不過當年年紀細又唔夠人, 最多都係在 救世軍對面花園仔個草地 度踢, 七,八個細佬就可以踢餐飽!



.

引用:

原帖由 mtpen 於 2013-6-3 20:31 發表



多謝49大夫解開我五十九年來之疑團，原來教室之制高點是全校之冠呢！

不知何解，我這個通山走之九龍仔街童，記憶上竟然沒有上過教室那邊，更遑論由此上歌和老街呢！

去 猛鬼湖都係可以走這條路架.


.

終於攪番掂個密碼, 肯定會多D上黎同各位問好.

引用:

原帖由 mtpen 於 2017-2-8 22:04 發表

多謝49大夫放上精彩之西班牙旅遊雜誌，現放上大夫故居萬山里一帶舊圖作答謝！(此圖由erichowc兄提供)

筆保長,

如果冇記錯, 49大夫故居好似係 楁光里啊!

引用:

原帖由 mtpen 於 2017-2-9 22:27 發表

方五十郎兄，我筆鐵筆死都拗番生，睇入啲咪楁光里囉！
Anyway，真係好高興能跟老兄這位前輩高人再次吹水，大佬，唔該你唔好又再無端端失蹤哦！

稟 筆保長,
小弟過去三年多來並非無故失蹤, 衹因當年岳母染重病, 走得匆忙未及詳細向各兄弟姊妹解釋, 請諒. 估不到這次匆匆一別轉眼就 3年多了.
小弟這次回英除了陪 岳母大人走她人生最後一程外, 亦有實踐當年和 筆保長及各兄弟所研究的計劃, 在London 樓價上升之初期 執了些平貨. 真多謝各兄弟的寶貴意見.
其實小弟於去年六月已回港, 但礙於忘記密碼所以攪到現在才可再上來向各兄弟姊妹問好. 幸好有 筆保長和 49大夫等兄弟等鼎力支持下, 這個 九龍仔街坊惨痛回憶 1954-07-22 日之火災 的 forum已成為 xocat
最長壽的 forum..

小弟現時由於有些生意上的事情比較忙, 須要經常往返東莞. 但定當盡量抽時間上黎跟各 兄弟姊妹吹水一番,

引用:

原帖由 rfong50/50 於 2012-7-4 08:14 發表


報告, 報告, 筆保長及各街坊學長,

Richmond 區內的各小區用 500千可以買到3房 Detached house 的機會, 衹限 Twickenham 和 Whitton 兩區, 除 Richmond Hill, Richmond Green, St. Margarets 和 Kew Gardens 外 ...

筆保長
當年的 800k-至 1球 依家要 1.8至2球喇! Esher and Walton on Thames 都有五, 六成升幅.

引用:

原帖由 mtpen 於 2017-2-11 15:53 發表

哇噻，發達喇，方五十郎兄！
咁很貴嘅？5 個 bedrooms 呀？

筆保長, 全都係家族基金物業, 以我現時風燭殘年的狀況應該唔會享用到乜成果.
由於是用作出租物業, 對像是一些跨國公司中, 高層行政人員. 所以要較高級地區及近機埸. 因此, Walton on Thames, Esher 和 Kew Gardens 是不二之選.

引用:

原帖由 1149 於 2017-2-24 09:20 發表
應該是協同中學旁的石級,
或是大坑東官立小學內的石級,

如果冇穿過學校先至落石級的話, 咁就應該係 協同中學旁的石級喇!