引用:

原帖由 rfong50/50 於 2012-7-9 10:41 發表


無辦法喇, D英國運動員的心理質素和EQ越來越差,....大賽就隱形, 一有壓力就爆煲. 希望奧運唔好又係咁, 主場反而係心理包袱. 希望 英國奧運單車隊不要因 以上心理包袱而失準, 奪取多金而回. 不要令國民失望:.

正如上次講, 希望 英國奧運單車隊不要因 今次環法的勝利而加重心理包袱而失準 奪取多金而回, 事實上佢地無論 男,女子公路或埸道賽都係世界前列, 上屆北京奧運單在單車項目已經羸左 8 金 4 銀 2 銅, 呢次連環法都羸埋, 真係氣勢如虹,希望今次千祈唔好失準, 創造歷史呀. 而香港女將 李慧詩則在今年年初, 在倫敦舉行的一場 凱林賽 嬴過英國上屆埸地賽金牌得主 英國 單車天后 Victoria Pendelton 希望佢地拍扡返黎 邊個冠軍, 亞軍都冇所謂喇.

環法冠軍兼北京奧運 個人埸地爭先賽 金牌得主 : Bradley Wiggins

引用:

原帖由 mtpen 於 2012-7-25 10:39 發表


老兄之低密度豪宅可安好嗎? ...

報告 筆保長, 風係大一點, 破壤力有限, 而且大部份倒塌的樹木, 本身的狀態是有問題的, 因抵受不住風力測試而倒下來. 而那些幾十年樹齡的老樹卻依然屹立不倒呢!

引用:

原帖由 chungyong 於 2012-7-25 14:24 發表


方兄謝謝賜教 ，兄台所言甚是！

小弟愚見，外匯世界好多時是睇"相對"的，冇錯歐羅係弱，但當中有富親戚諸如德荷奧等，佢地絕對有資格救窮親戚，出手與否，政治決定也；而日本似�L ...

多謝 中庸兄提點, 外匯呢家野短線好耐冇玩喇, 只不過 中庸兄提起才提出來討論一下. 至於 澳元交叉盤, 因見近年澳元多在 1.01 尾至 1.03中上落, 因此.每見適合價位( 1.01尾至1.02頭) 都交叉盤中線射英鎊或歐羅. 以套戥英鎊匯水的下跌. 財息兼收架.

引用:

原帖由 蕉園仔 於 2012-7-26 22:29 發表

九龍仔大坑東能出產一個香港體育界代表人物，也算榮幸。

方兄有睇開 NBA籃球，不知早年可有看看香港的甲一組籃球比賽呢？均安，南華，警察等球隊當年也在港威過一段時間。

作為一個於七十年代成長的年青人, 當年香港籃球捧的是均安, NBA 就是 波士頓 塞爾特人. 足球隊就是 星島和列斯聯. 其實, 九龍仔街坊還有一個較出名的足球員, 也曾數次入選香港隊. 此乃曾經效力 東方, 市政, 駒騰等球隊, 人稱 牛屎仔 的 梁傑堂是也. 他是 念新村 和 石梨貝 街坊, 不過就很少在 石梨貝 踢波. 反而因認識小弟的關係, 或因石蔭村當年足球水平較高( 後來出了幾個 香港腳 如 門神 肥仔榮 和 當過 聯賽神射手 南華的 王福榮 兩兄弟). 隅然亦有在石蔭村踢波. 傑仔後來於八十年代初已移民 美國, 現已失去聯絡矣.

[ 本帖最後由 rfong50/50 於 2012-7-27 12:49 編輯 ]

引用:

原帖由 mtpen 於 2012-7-27 20:14 發表


49兄所指是落石級前左面之山頂, 即沙池對上。因我非大同中學師生, 所以重未上過那邊, 行過沙地抬頭只見校舍一樣之單層建築物而已。

那49兄或各位街坊可曾有經此路往返? 是甚麼樣的山路? :wonde ...

咁就由我呢個九龍仔街童話俾 筆保長知, 其實在沙地吊環玩體操的地方, 可向前直去落斜經 天下為公 牌樓去火車軌, 若向右邊上斜就是沙地足球埸. 左邊上斜走由人行出來的黃泥山路小徑上小山崗. 通常我地在山崗上捉金絲貓 摘山捻, 然後再向前(北面)行十多分鐘落斜至一小山谷. 那裹有一條比較闊的引水渠(約三,四呎闊, 兩三呎深), 通常有人在一段引水渠中截住去水方向, 使引水渠積水約有兩呎多深. 而我們便在引水渠內戲水和捉魚. 若再沿引水渠向上游走去, 穿過一個小樹林, 就是猛鬼湖. 我們亦試過在猛鬼湖游水. 但知道那裹危險, 都衹在淺水石邊嘻戲而矣. 回程多沿引水渠向下游走至芽菜坑火車軌附近過火車軌到 哥和老街公園捉 金鳳. 那裹夏天人就冇, 金鳳就多到捉都捉唔晒喇.

引用:

原帖由 mtpen 於 2012-7-27 22:39 發表



多謝方兄之詳細描述!

金鳯個名好熟,但忘記了是甚麼,金色臭屁辣?

非也, 就是早前 筆保長與眾街坊在此談論的那種可用繩綁住, 讓牠飛來飛去的那種昆蟲. 你們叫牠金龜子那種. 但金鳳的名字應較普及和本地化.

引用:

原帖由 mtpen 於 2012-7-28 09:25 發表

我住在大同中學腳下大大話話有成五年咁長, 大同係我後花園兼遊樂場, 亦是成長根據地。反 ...

筆保長有所不知, 之所以小弟對  大同中學 甚至 九龍仔附近地區甚為熟識, 實因正小弟乃街童一名, 每天大概有四,五小時都是在街山流連也.
究其原因, 正如其它街坊一樣, 年少家貧兄弟姊妹繁多. 家母須拿些外發加工回家工作, 由初時的 繡花, 油公仔, 串膠花 至最後的 車鞋面都做過. 其中最後的車鞋面就最穩定而賺錢較多, 亦因如此, 我家所住的斗室, 就變成了廠房, 小小 8' x 8' 斗室, 除放了一張雙人床外, 就多放了兩台電衣車. 再加上加工的半製成品, 基本上插針都插唔落. 而 家母基本上由朝到晚都在家中車鞋面, 家中的家頭細務就由我們幾個大的去分擔了. 小弟由 讀四年班下學期開始(當年1 0 歲半左右), 每天放學及午飯後, 都要負責照顧當時衹有幾個月大的妹妹, 由於家中環境躋迫及嘈吵, 通常都是揹著幾個月大的妹妹周圍去, 大同中學, 雞公山山頂大石, 朱牯仔, 石硤尾, 大角咀等地, 天天不同. 一直至下午六時左右就去13, 14 座擔水, 飯後才開始做功課. 這種模式直至六年級下學期, 全家搬至 石蔭村後才改變. 因此, 小弟對九龍仔附近環境可以說是十分熟識的.

引用:

原帖由 蕉園仔 於 2012-7-28 15:38 發表

看來方兄年少時都是一個精力旺盛的街坊，捉金絲貓 摘山捻，到猛鬼湖游泳等等都是九龍仔大坑東街坊男孩子的玩樂節目。

其實小弟幼時多病, 身體很差. 試過家母帶我去中環向某名中醫求診, 由於路途遙遠兼藥費昂貴, 有一次沒有在他那裹配藥, 而被他罵到狗血淋頭. 話個仔死左唔好返黎搵佢. 最後惟有改為返黎大坑東 5 座政府診所醫喇. 點知就俾 2 號房 孫醫生醫番好. 都唔知係果個中醫喳定夾醫緣. 總之, 多謝孫醫生當年救番小弟一命刺. 自此, 小弟就開始多做運動, 而身體就變得健康, 五歲後已經二, 三年才睇一幾醫主喇.
其實當年還有很多玩意都很流行. 打波子, 拍公仔紙, 放紙鳶, 斜斜, 摺煙包等等, 有時為了撈鳶, 走幾條街最後都撈唔到. 又或者由九龍仔行去大角咀, 旺角等區隨街執煙包來摺. 除了用來擲煙包外, 亦作為我們孩童時的貨幣的一種. 另一種貨幣為公仔紙, 新的是一毫子一張60連張, 舊的是1毫子100張, 當年我們已用公仔紙來玩沙蟹架喇.

[ 本帖最後由 rfong50/50 於 2012-7-30 13:01 編輯 ]

引用:

原帖由 mtpen 於 2012-7-28 20:21 發表


唉, 無謂望過去, 盞心都碎。大家生於咁�奰藿�, 居然都唔瓜得, 此乃萬幸。活到今天仍有飯食有屋住, 此乃二萬幸。Can’t complain 喇!

方兄自貶為街童, 其實係極之無奈之用詞, 亦可反影當年父母缺 ...

筆保長請勿誤會, 小弟自詡街童, 是乃因小弟好動整天周圍走, 家中擠迫但家門附近是有地方供小朋友玩耍的, 衹不過小弟喜歡周街走而矣. 至於晚上才開始做功課亦不影嚮學業, 小弟的升中試成績絕對見得人的. 反而覺得當年是一種磨練, 細細個就養成獨立處事的能力. 試想當年十歲的我, 已經可以有時代家母由九龍仔去荃灣交貨喇, 現在有地鐵D 父母都唔放心喇, 何況當年我要揹住袋布鞋面, 由九龍仔行去 南昌街 元洲街交界果個公廁門囗, 搭五毫子貨車入去 荃灣 沙咀道 交貨. 有次, 隔籬屋個老友 阿成冇錢又話要跟住去, 結果兩個細佬用一元搭貨車入去, 返離就由 荃灣 行路兩個幾鐘頭去 荔園, 才夠錢搭巴士番屋企. 當時 葵涌道都未起好, 要行舊路青山道上落斜才經 九華徑落 荔園. 現在想來, 雖苦亦甜. 聽聞現時有年青人見工都要有家長陪同, 比起當年我們這一代, 都唔知邊一代人幸福D 喇.

講開現時呢代人, 唔知 筆保長對於十號風球 東鐵壞車服務癱瘓事件有乜意見呢.

引用:

原帖由 mtpen 於 2012-7-28 22:31 發表


有乜意見? 呵呵! 我大督筆講�炱q來都咁涼薄��!

我乃君子, 所以求諸己。只有小人才求諸人。  

夜麻麻已知打大風都冇�囍M機感, 仲四圍去?

返工? 乜�洃u ...

絕對同意, 八號風球都掛左 五, 六小時啦., 仲未返屋企, 意外壞車冇服務怪得誰, 開放個站俾你避雨仁至義盡, 再鬧下次八號風球縣掛後 三小時停止服務你都冇野講呀. 仲累埋街坊呀. 依家 D 傳媒巳經變成不同黨派的打手. 水準質素每況愈下喇.

英國出到 5 大天王又點, 甚麼世界冠軍, 環法冠軍又如可, 結果又係三甲不入, 見佢地過 Putney 的時候重輸俾帶頭過兩個傻佬成條街, 就知冇得追啦, 大佬前面平路呢架, 唔炒車好難追架.

引用:

原帖由 理魯竇 於 2012-7-29 00:22 發表
市民有家歸不得，有點燥火係可以理解的，
但最衰就係有些塘邊鶴事後孔明抽水怪魔過氣議員，
攪攪陣無幫襯，
成事不足，敗事有餘。

單車公路賽我都有睇，最好笑就係個後生仔被個老人家走甩��
都唔知，真 ...

果個 哥倫比亞 單車手諗極都唔明, 點解就黎衝線果 D 大牌近都唔近下. 就在分心想望一望後面時, 比果個 哈薩克 單車手乘機發力拋離衝羸. 輸在經驗囉. 其實使乜理人衝唔衝上黎呀. 自己衝左線先算啦. 根本自己都冇諗過會羸, 冇得好講.

引用:

原帖由 蕉園仔 於 2012-7-29 11:45 發表
終於有方兄這位街坊記得起有擲煙包這個遊戲啦，興玩這個遊戲時真係想在地上執個吉煙包都好難架，我記得不同牌子的煙包所代表的價值都不一樣，例如某牌子煙包就值100，另某牌子煙包就只值80，如此類推，蕉仔不抽煙，所 ...

其實 摺/ 擲煙包 這玩意和現時的收藏閃卡差不多, 衹不過是現在的商人利用閃卡圖利, 而吾等當年貧窮兒童就廢物利用而矣. 記得當年最低值的是 紅人, 好彩等只值 10, 紅雙喜 值 100, 有一些見都未見過的煙如 富士等就過萬, 但最貴的 雪山 我就見過, 值 20萬. 擲煙包其中一個玩法就如擲仙, 將某一等值的煙包套在一起, 在地上劃一條線, 然後就將套在一起的那疊煙包向那條線拋去, 誰人的那疊煙包最接近那條線就羸. 而摺煙包亦如公仔紙一樣, 乃小朋友的一種貨幣. 可在小朋友間兌換.

引用:

原帖由 rfong50/50 於 2012-7-29 02:35 發表


果個 哥倫比亞 單車手諗極都唔明, 點解就黎衝線果 D 大牌近都唔近下. 就在分心想望一望後面時, 比果個 哈薩克 單車手乘機發力拋離衝羸. 輸在經驗囉. 其實使乜理人衝唔衝上黎呀. 自己衝左線先算啦. 根本自己都冇諗 ...

恭賀 黃金寶 在奧運男子公路賽得 37名, 輸俾果個賽前大熱門, 卡雲迪斯, ( 29名 ) 幾個位而矣, 而又比環法冠軍 韋堅斯 (103 名) 好得多.

英國今曰的 金牌希望乃 女子400米目由式上屆金牌得主 Rebecca Adlington 睇下中國有乜秘密武器喇.
Rebecca Adlington

引用:

原帖由 mtpen 於 2012-7-29 17:43 發表


方兄, 你所提到在你悲慘歲月時等貨車入荃灣果個元州街公廁係咪呢個?

我跟49兄從小便�鄔O度相遇過。

�鄐j督筆人生中, 此公廁亦佔有非常重要的一席位。加上此公廁有�茖� ...

報告 筆保長, 圖中果個乃 欽洲街 和 元洲街交界的公廁, 和小弟當年等車的 南昌街 和 元洲街 交界公廁外形是相似, 應是同期建築物, 但相差三個街囗. 小弟約在 68 至 69年間有五, 六次在那裹等下面那種噸半有篷的貨車去荃灣的. 記起 筆保長曾經擇居 深水��. 未知曾否幫襯過 南昌街 龍慶大酒樓. 小弟曾於 中一暑假期間於該酒樓做過賣黠心暑假工呢.

Leyland 噸半貸車:

引用:

原帖由 mtpen 於 2012-7-29 19:34 發表


咦, 奧運單車比賽經過Putney, 咁�豊V度跟足攝製隊全程咪沿途可讓方兄緬懷當年根據地Richmond & Kew Gardens 一帶之風光?  

老兄那些年做學生時又或未有四個轆時有否在附近踩�鼣璅晏� ...

簡直在小弟老巢內左穿右插喇! 沿途經的 Esher, Hampton Court Park, Kingston Town Centre, Richmond Park, Sheen, Putney 至New King's Road 都是小弟當年 / 近年留下唔少腳毛的地方. 估唔到在空中望落去, Richmond Park 又幾靚喎.
  

英國終於 靠 Armitstead 奪得女子單車公路賽 銀牌, 上屆金牌得主 Cooke 又三甲不入, 金牌又少一面. 今晚半夜女子400米自由式金牌靠晒 Rebecca Adlington 喇.

引用:

原帖由 蕉園仔 於 2012-7-30 08:17 發表

方兄除了記得遊戲的玩法外還記得煙包的價值，的確利害。請問方兄有否寫日記的習慣？小弟還記得有隻叫駱駝牌子的煙，好像價值不太高的，對嗎？

人老了, 新的記不下, 舊的洗唔去. 曾經想寫曰記, 最長果次唔寫多過三曰. 咪玩喇.

駱駝記得, 好似 20, 唔肯定. 其實想當年資訊嚴重缺乏的年代. 這種遊戲的玩法, 各種煙包的等值都能被所有參與者接受和認同. 都相當難得. 特別係煙包等值, 根本冇平台去評估, 因完全是靠人傳人而達成的. 當年能流行全港十分難得.

引用:

原帖由 flowingwater 於 2012-7-29 13:54 發表
唉……
大氣候上, 香港已到第三、四代。
慢慢被國內8, 90 後拋離。
因工作關係;常跟國內80 90 合作;
真係好勤力;無投訴。

特別係果D 80後, 如果冇背景很難冒出頭架. 記得約十年前, 請了一個剛大學畢業出生於農村的青年, 才知道以他那種冇背景的貧窮農村戶, 要在 村,鄉 和 鎮 的考試中耍考前幾名, 才有資格去省市考聯招, 比起我地的下一代在溫室成長, 競爭力和練歷自然強得多.

引用:

原帖由 rfong50/50 於 2012-7-29 23:02 發表


英國終於 靠 Armitstead 奪得女子單車公路賽 銀牌, 上屆金牌得主 Cooke 又三甲不入, 金牌又少一面. 今晚半夜女子400米自由式金牌靠晒 Rebecca Adlington 喇.

做左烏鴉咀, 已經唔見左三面金牌喇! 唔再預測及打氣啦, 否則連最穩陣........

引用:

原帖由 mtpen 於 2012-7-30 22:11 發表


否記得那些年東京街與青山道鈒角位果間戲院叫乜名? 而東京街與東沙島街一段青山道有間「平價百貨」樓上間茶樓又叫乜名呢? 老喇, 記極都記唔番呀!

報告 筆保長, 青山道 東京街交界果間戲院叫 新舞台戲院. 由於由荃灣 葵涌出九龍的小巴有很多人在這裹叫落車的, 所以有印像. 至於 平價百貨 樓上間茶樓叫乜名, 就要各位學長, 街坊幫忙喇.

引用:

原帖由 mtpen 於 2012-7-30 18:32 發表


洗腦? Don’t you worry! 大家過慮啦, 方兄你話係冇?

點洗呀? 用漂白/漂紅水呀?  

呢個話題, 小弟本來覺得唔關我事本來唔太關心. 不過, 事情發展到如今, 又遊行, 又話罷課, 就真的有D 問題喇.

首先, 理論上, 邊個人最大責任去教導自己的孩子呢? 邊個人對自己年幼的孩子最有影晌力呢?  

而事實上, 整個國民教育科之提出及公開聽取意見始於10 年 10月, 而去年八月有一個 8.21 撒回 德育及國民教育 大遊行, 共有 200人參予. 教育局於本年四月公佈指引修訂版後確定今年九月推行為期三年的試行期. 當時社會反應平淡. 直到今年7 月新政府上台後, 而其中一本由左派愛國團體編製的 中國模式-國情專題教學手冊 就被傳媒開始批評內容偏頗, 有洗腦之嫌. 繼而發展到今日的要推倒整個德育及國民教育科, 否則要推動全港罷課云云.

首先, 該本 國情專題教學手冊 是專為教師而設的教學手冊, 而非學生的指定課本, 被洗腦的是教該科的教師, 而非那些被父母遺棄, 管教責任全部倚靠老師的學生. 而新任教育局長亦承認, 該教學手冊有問題, 由於該教學手冊只是老師的參考書,學校有權不予取用. 而德育及國民教育科由於有三年試行期, 學校可以選擇今年 不參與, 但由於有人是想 借題發揮,  不是針對教學手冊的問題, 更非針對課本內容的問題. 而是要推倒整個德育及國民教育科, 令新政府難堪及失去威信和民望.

試想整個德育及國民教育科之提出及推行, 反對聲音都未有如今的強烈, 去年八月舉行 的 8.21 撒回 德育及國民教育 大遊行只有可憐的 200人參加. 為向今年特首選舉後, 同一個要求 撒回 德育及國民教育 大遊行 竟然大幅增加至 9萬人呢. 去年的黃毛小子, 攪了過失敗的 8.21 撒回 德育及國民教育 大遊行. 今年的同一班人, 卻可以變成能言善道, 將那些全無準備的老師比下去, 亦發動了一個創下香港歷史的羊媽羊仔大遊行. 當真士別三曰刮目相看嗎?

都係問果句 邊個人最大責任去教導自己的孩子呢? 邊個人對自己年幼的孩子最有影晌力呢?

[ 本帖最後由 rfong50/50 於 2012-7-31 08:13 編輯 ]

引用:

原帖由 mtpen 於 2012-7-31 10:42 發表


方兄, we speak the same language!

「邊個人最大責任去教導自己的孩子呢? 邊個人對自己年幼的孩子最有影晌力呢? 」& 「而非那些被父母遺棄, 管教責任作全部倚靠老師的學生」。   
...

希望果D相關人仕諗清楚, 罷課唔同遊行, 行完就算. 除非下台階式的罷課一兩曰, 否則後患無窮, 對整個社會的衝擊就很大啦.

引用:

原帖由 1149 於 2012-7-31 15:36 發表
香港基礎建設不錯,十號風球,除了倒幾顆樹,沒有傷亡,
台灣現時颱風還未到.只下點小雨,就災情慘重了.

台灣每年受颱風吹侵的次數比 香港多很多, 唔知點解咁容易又山泥傾瀉, 道路塌荒呢.

引用:

原帖由 mtpen 於 2012-7-31 10:42 發表


�攭瓵蚺鬙�, 跟幾十年前�齯H一樣, 仍舊拋出金牌護身符: 「我要搵食�黺�!」去為不負責任、不識負責任、不想負責任做藉口, 以為有錢大哂乜都使人做, 連教育子女之天職亦復如是,

其實小弟雖自詡街童, 其實係指生活方式而矣. 家庭教育和全家�霰擛※�, 絕對不缺. 由於家父於船廠工作, 工作地點經常輪流於 牛池灣, 荔枝角 和 大嶼山 陰塢 等地, 故休息曰子不定時. 但每逢他休息的話, 都會有一些家庭活動, 少則去美麗宮睇戲, 二三張戲飛, 六七個人入埸 (記得當年美麗宮早期是播西片的. 633敢死隊, 霸海奪金鐘, 火車大逃亡, 木馬屠城記等名片仍然歷歷在目), 大則 夏天一家大細去荔園游水, 其樂融融.
所以唔好賴 「我要搵食�黺�! 」, 要搵時間一定搵到. 辛苦安排找出來的聚會, 更加令家人難忘
49兄講開 中秋節, 就令小弟想起當年每逢中秋節 家父都會將天台佈置一番, 並用竹桿將幾個燈籠高高 掛起 十幾呎高, 當晚上點�荇�(初時用蠟燭, 後來用電), 遠遠都可以看見.

引用:

原帖由 rfong50/50 於 2012-7-30 14:52 發表


做左烏鴉咀, 已經唔見左三面金牌喇! 唔再預測及打氣啦, 否則連最穩陣........

今曰的奧運公路計時賽, 就在小第主場, Kingston 和 Richmond 之間的 Hampton Court Palace 做起點和終點, 賽道就環繞於 Kingston 和 Richmond 之間(不經市中心及Richmond  Park), 而其中 Esher 和 Walton 更是 小弟的心頭好, 希望憑蓍地利, 可以摘.......

引用:

原帖由 mtpen 於 2012-8-1 22:24 發表


照計乘主場之利,應該有國歌奏嘛,天祐女皇…�齯l民!  

全靠 筆保長打氣, 英國男子單車隊終於憑 韋堅斯羸得 奧運公路計時賽金牌.