粵海國際花園
地方靜
間格正
我以前都租過半年
業主係澳門人
行路就可以過關,夠方便
租金方面,2000元一個月
管理費$105左右
水､電､數字電視就自己攪掂
花園有保安,可以泊車
近關口商場
近公交車站,可以去珠海市任何地方
花園內本身都有超市仔
你可以考慮下
搵地產中介,一般會收30%,粵海國際花園內有一間地產中介
最合理就唔應該收睇樓費
一般講白話既中介都信得過
同埋租房後,唔好周街唱你係租客
因為國家規定,租房子要打稅,要暫住證明……一般租戶雙方在中介下簽約,而唔會上報政府,否則攪到要打稅,要租客畀

以前住
粵海國際
包傢具
2房2廳2廁所
1500元依家連夏灣都租唔到
我建議租前山
不過前山既樓一般都沒有電梯
而且少香港人/澳門人出入
唔係太好

引用:

原帖由 david6212hk 於 2007-5-5 01:24 發表


前山到關口車程大概幾多呢???ching

都有段車程
特別係公交車
一般珠海各地區租金水平︰
灣仔︰1500-1700,選擇不多,主要是鴻景花園,但樓齡較大,所以呢個價錢可以搵到3間房2個廳2個廁所
前山︰1000-1500,都是珠海重要地區,但香港/澳門/鬼佬較少,而且樓宇多數較矮,一般沒有電梯
拱北夏灣︰2500-3000,2房2廳價.新樓多,業主一般都係中產､公務員.
拱北關口︰2000-2500,呢個粵海國際花園價錢,都係2房2廳,七十多平方既價
珠海租屋一般都包傢私､電視
拱北街道︰2500-3500,呢個價錢高,而且地方太近街道,唔寧靜,晚晚十二點都可以好雜。但勝在近關口。
水､電,管理､數字電視,一般自付,其實有好處﹐因為唔會被濫收費用,自己用自己畀,清清楚楚,覺得煩,可以申請銀行托收.
珠海市內打的,一般車程15-20分鐘,都可以去到好遠至九洲港､香洲､上沖
,唐家就較遠喇.
另外,拱北有好多單身公寓,都係一房連廳.
想安全唔會亂被人開門,最好到珠海後就整番張暫住證.

春澤名苑幾方便,不過租客太多,自住較少,而且樓下附近就係街市,屋企怕治安唔好,於是改住粵海。
租屋要注意的事項(上文都提及唔少,但都係個人意見)
1.要簽約,白字黑字,仲要寫明屋企包埋傢具,大家既身份證資料,收據.仲有水､電､煤既電錶,及數字電視既單據,對上已經清繳既單據,確保上一手/業主在交屋前已經攪清楚.以及大家聯絡方法,有事可以直接聯絡.
2.一定要上門睇過間屋先,試埋水､電等是否正常.
3.中介公司會抽幾多,珠海市一般抽30%
4.外面好多地產中介,所以最好選擇唔駛畀睇樓費既公司,不過就算要畀,一般都係$50
5.水､電､中央煤,有部份屋苑是由管理處一併收費,這個好處在於自己唔駛煩,但會導致管理處收多､濫收費用,結果反而成為租屋一大負擔。最好是自己直接向銀行､供水所､供電所支付,唔駛畀濫收,而且有單據睇到自己用左幾多.係比較煩,但較實在。
6.自己係香港人,最好搵番香港/澳門業主,同聲同氣,知道大家需要
7.一般都係兩按一租,即是簽約後,係先交兩個月租做按金,同時再交一個月租.呢方面如果版友牙力夠,可以爭取一按一租,視乎口才與運氣。
8.搵租時,講明係長租,最好冇細佬,係自己與老婆一齊住,業主一般會覺得租客素質好而容易傾成。
9.最好自己本身都有個銀行戶口,以便在租金等問題上可以用過戶方式,唔駛成日排銀行。
10.同埋租房後,唔好周街唱你係租客
因為國家規定,租房子要打稅,要暫住證明……一般租戶雙方在中介下簽約,而唔會上報政府,否則攪到要打稅,要租客畀.再講,被執法機構知道你/囡囡係租客,而未攪暫住手續,有機會隨時冇手令而上門屈你/你囡囡.曾經聽過深圳有港客租房,但個囡囡冇攪暫住,於是有不良公安扮執法,結果逼囡囡「紅杏出牆」。

引用:

原帖由 david6212hk 於 2007-5-6 14:55 發表

ching想問你現在那裡幾錢租??

2500-2800
春澤名苑
太貴喇
粵海都只係2000

當然可以講價喇
但前提係知道當地樓齡､一般樓價
然後挑剔家中毛病壓價
同埋講明長租,可唔可以減下