警告！今日親身經歷本人被屈錢黨屈錢！呼籲各位人兄大陸坐大巴要小心！

小弟覺得，呢 D 事都經常發生，祇係大家防護意識唔夠強，比 D 屈錢 PK 有機可乘。

第一 就算可以打電話報公安，公安問你案發地點，你估有幾多人會識得同公安講?

第二 人地人多，你就單拖，就算單對單，人地有架生，你一定無著數。

所以都係講，去到大陸地方，除非你唔怕死，如果唔係，事前一定要有準備。

以下有少少心得，用得著的話，不妨參考一下：

一，可以叫你要去既廠或者公司，叫人到車站等你，除非個間公司無人，如果唔係，一般佢地都會樂意搵人接你，咁就減少左單拖既機會。

二，假使間真係事前搵唔到人黎接你，你就要做定 D 功課，對要去既目的地沿途，都要有 D 理解，萬一要報公安，都可以話比公安知你身在何處，等佢地快 D 黎救你。

三，如果真係乜都唔知，就唔好逞強喇，打的啦，仲有上車前打比對方話比佢知你上左車黎緊，等佢地都有個知字。

以上係小弟少少心得，希望幫到大家，祝旅途愉快！！