人妻告白11
有好多時候，我都懷疑自己係咩人，點解眼見其他媽媽好似咁幸福，對住自己嘅仔女就可以放棄自己嘅所有嘢，包括工作，興趣，金錢同~性。定係耳聽三分假，眼見未為真呢？
Alex 好似人間蒸發咁，我亦乖乖離開咗xocat。記得同Alex 一齊去睇過套戲叫喜愛夜浦2，入面話有個apps 可以識到喺附近嘅人。咦，好玩喎。上apps store 搵到skout，咁就大鑊喇！
我唔知你地有幾多人玩過skout，有幾多人喺skout 搵過食，但係唔知點解條條仔都話skout 冇女溝。而我，喺skout 真係乜人都識到，有錢佬，建築師，ibank 友，幫家族投資生意，二世祖，黑社會大佬，古董店老闆(呢個勁呀，我會講詳細啲。)，警察，消防員(佢地超得閒。)，banker，仲有車行老闆。總之，skout 係我呢一世人識得最多有錢人嘅地方。(你地唔駛搵喇，個skout account 我deleted 好耐。) 最重要係，我喺skout 識到好多靚車嘅主人。我咁鍾意車，簡直係我嘅天堂，我坐過嘅車有(唔知港女又識得幾多部呢？) BMW M5 (F10)，320i (F30)，335 (E90)，VW Sirocco，Audi A6，Q5，TT，R8，Benz SL55，SLS，S500，GL，Maserati GTS，Ferrai California，F430，FF，F12，458 Spider，Posche 997，Lamboghini LP700，LP570。車！好多超級跑車！
我承認有啲車主有上過床，但係好多車都係同一個車主擁有。當然，仲有啲車係啲死佬借人地啲車出嚟溝女啦。係喎，我仲坐過架爛九Civic Type R 㗎(頂，爛九Civic Type R 都要廿幾三十個㗎，咪咁港女啦!)
skout 呢個天堂，令到我由朝到晚不停開住個電話，玩到條頸痛都要玩。一個禮拜可以約到四條仔見面，差啲冇心機返工。嘩！車喎，除咗Zonda，Appolo，Bugatti，同Anston Martin 未坐過之外，乜都有得坐喎。而第一個食嘅，係一部Benz E240
35歲 ABC 高大 網球教練 家住跑馬地
第一次見喺尖沙咀酒吧飲嘢，大家都好規矩，未飲醉嘛。超可愛，啲皮膚好似BB 仔咁，又成日笑。飲到咁上下大家越坐越埋，之後仲偷望對方個嘴，望咗成分鐘，我特登扮咬吓啲唇皮，佢終於忍唔住，嘴咗過嚟。我一路個心都搏搏跳，好緊張，當佢嘴埋嚟嘅時候仲feel 到佢好熱，feel 到佢心跳好快，個感覺好似啱啱拍拖咁。不過我經過xocat 之後，明白咗如果第一次見就上床，咁段關係就好似One nite stand 咁，條仔好快唔見人。嗰晚佢搭的士送我返屋企，我地喺的士不停嘴，嘴到架的士到咗我地都唔知，走嘅時候佢落車攬實我，之後上返車，一路開車一路揮手。我，冧爆。原來吊佢癮先至係溝仔嘅重點。
相關搜索目錄: 投資 建築
