父 子 不 滿 車 行 經 紀 誤 導 遭 殺 定

唔係話幫返自己行家，公道D講

1. 車行衹係賣車，上唔上到會都好，收左客定金就唔再比其他人試部車，多數都收起佢等過戶，在於車行而言，呢個行為係保障準車主，唔比人掂，而相對亦都即係放棄其他買家，如果個客一直上唔到會，咁架車過多半個月又老一年，牌費又少左，到時個客話唔要架車的話損失一定係車行，所以殺定都好公道，否則個個貪過引黎試下部車放低幾皮，過一排又話唔要，要退訂咁點攪。

2. 經紀點會話到比客聽批唔批到會呀！最多咪話月薪一半或三份一夠供多數批，況且個客一直都唔敢講點解自己批唔到，所以中間一定有野隱瞞，而且每張合約都必定寫明，批唔到會有權殺定，有D重要求個客補差價Tim

3. 如果同樣事情發生在買樓個案，相信錯在邊個，答案同結果已經好清楚，自己諗諗係咪。

[ 本帖最後由 車行初哥賣車人 於 2007-12-13 02:16 編輯 ]