新人極度焦慮
各位大大好,
我係新人, 25歲, 我已經焦慮左大半個月, 訓又訓唔好, 亦諗過死, 但唔想離開我既媽媽, 唔想冇人照顧佢, 我先暫時打消左呢個念頭, 我的故事係咁既, 希望大家可以比少少意見我.....謝謝!
話說係十月中, 同一個男仔朋友去高雄玩, 本來頭幾日都冇乜野, 但去到最後一晚, 忽然間心思思想試, 最後試左, 有用套, 冇口交, 冇射, 但當時咀唇生左幾粒飛滋, 吻過小姐既耳, 頸, 胸等位置.....回來之後, 當時不以為然, 同一個想同佢復合既女朋友做左, 有套, 但口交....返黎之後兩周更出現過好嚴重既咽喉炎, 持續左個幾星期, 睇左中醫最後好返...
兩個月後, 唔知點解忽然間好驚, 係網上睇過好多資訊, medhelp, the body, 心之谷, 包括呢個網, 都睇過, 最終去左STD做HIV combo test, 結果係陰性, 不過係呢個post睇到有人質疑STD, 所以仍然好擔心, 上個星期開始, 又睇到有關HPV既資料, 令我更加驚, 更加想死, 呢個病毒可以冇聲冇色, 潛伏係你既身體, 可以不經不覺傳染比人, 可幸既係, 到今日我既JJ冇出現任何問題 (touch wood)....上星期六, 我忍唔住再去STD搵dr方, 同我做一個full package檢查, 包括HPV DNA test, 報告星期5先有....同埋佢話佢個hiv test係自己做, 用法國機, 因為出面搵人做水準好參差....
我驚既係....如果有HPV, 我好驚已經傳染比身邊既人, 有d網上資訊話, 手同口都可以有 (係指甲下), 都可以傳染, 公共地方好多都驗到....咁如果我掂完JJ, 再掂人, 咁係咪可以傳染比人? 當日我女朋友同我用口, 再錫我, 咁會唔會變成口腔既HPV, 再經口水傳比人 (同檯食飯)? 係屋企就傳染比我媽媽....好多好多呢d問題, 係網上搵唔到一致答案...有d話冇機會, 有d話冇....琴日一個親戚聚會, 我連掂人都唔敢, 連我最錫既表兒甥都唔敢抱, 我真係好驚, 喊左好多次....過埋年, 我有一份新工, 本來諗住所有野都重新黎過, 聖誕可以同女朋友復合, 而家覺得我既人生已經唔同左....我呢一世都要誠惶誠恐, 驚害左身邊既人....我唔可以有女朋友, 因為驚傳染比佢....最大問題係, 就算個test驗到冇, 都唔代表真係冇, 只係抽既地方冇....
我實在面對唔到自己做過呢件事....我好後悔, 亦唔知點同身體既人講, 我平時係一個乖乖仔, 唔煙唔酒, 拍過兩次拖, 讀埋master, 我唔想辜負我媽媽, 唔想對唔住佢, 不過我好驚害左佢...如果驗到有, 我真係唔知可以點....我從來未試過咁懦弱....
希望各位可以比少少意見我.....謝謝各位!