引用:

原帖由 Rubber 於 2006-11-17 10:21 AM 發表
Macau = Tourisim and Gaming (Gambling)
Hong Kong = Logistics, Tourisim, Manufacturing, Financial services

Hong Kong = Stupid, lazy, oversized and greedy governance.

See how effecient they pa ...

老兄所言,小弟今次就些意見,澳門賭業昔日被何鴻燊壟斷哂,去澳門根本就係去大檔賭錢,但今日引入外資,走拉斯維加斯模式,個餅做大了,收入自然增加(但中國人就同時更悲哀,因為大陸D貪官同時也可以有更多選擇大賭特賭呀!)

真正的民主,也要有一群高質素的選民,人地英美國家,選民質素高,自己可以當家作主,懂得分辨何謂對錯,正如星期日陶傑在蘋果專欄所講,戴卓爾夫人掌政,cut福利,減津貼,民意責罵她,但選舉時大家明白高福利必定拖垮英國經濟,所以戴卓爾夫人仍做了十多年首相。
反觀我地香港,,做學生的,讀書無心機,工作態度差劣,畢業科科u,仲要安排佢地參加甚麼展翅、毅進計劃,結果公帑浪費左;做大人的,無所事事,(今日報紙先至有個30歲的未婚媽媽,30歲人未婚大肚已經無腦,仲係報紙講到自己點慘,有手有腳有阿媽,居然要去申請綜援),只識攤大手板問政府救濟,政府一減福利,就出來講自己點慘,好似人地老奉欠佢咁,成個社會都係只顧自己私利,寧願打劫人地辛勤成果的人。唔好聽講句,連自己素質都未搞清楚,就「一步登天」話要學人地高質素國家實行民主(同人權),如果真係今日實行民主,對所有勤懇的香港人簡直是災難呀!(先至聲明,小弟不是老左,也很討厭民建聯,對現在這個政府也十分不滿,但不滿還不滿,民主唔係仙丹靈藥,在現在這種分配社會資源的制度下,若明天實行普選小小弟可以斷言,必定是災難呀!,)

講開民主人權,忍唔住想講多一句,住公屋,高空亂拋垃圾,扣滿分後要勒令遷出天經地義(好似前一排個位拿綜援的垃圾蟲袁堅文),但為了保障他們的人權,逼令他們遷出前又要俾佢上訴,搞左一大輪,跟住又要安排佢到臨屋居住(呢段期間仲要納稅人繼續以公帑繼續照顧佢),如果唔係佢欠租被房署取消佢重新申請公屋,兩或三個月之後又可以重新上樓,呢位仁兄人權就真係夠哂啦,但又沒有人會考慮個d可能俾袁生(如果袁生唔係欠租,順利於三個月後重新獲編公屋單位)將來再次高空擲物扔死的無辜巿民呢?納稅人付出公帑,養著一班無所事事,專搞破壞的大食懶(自己反而要死慳死抵過活),現在香港的社會制度,講就好似好有制度及人權,但實際上卻是「弱勢社群」擁有特權(一句弱勢社群就可以大哂),這樣又對勤懇的香港巿民真正公道,他們的人權又是否有人關心一下呢?

[ 本帖最後由 無聊居士 於 2006-11-21 10:15 PM 編輯 ]