引用:
原帖由 我也是香港人 於 2006-12-22 10:46 PM 發表
1.依家問題係連某一個時限都冇，係拖住講時限連十劃都未有一撇，更談不上急或緩進，因為政府根本就完全想避開呢個問題，再者，冇開步，永遠冇下一步，你只考筆試，未上過路，政府亦唔會比車牌你
2. 中產其實不知幾贊成(香港反而冇真正好草根的民主派)，真正阻力係來自最上層o者! 北京本來設計就係 ‘資產階級專政" ，由工商界獨攬治港權力，唔係阿董實在唔似樣，呢條路線亦肯定唔會放棄
3. 你認為現在立法會就冇"大多數人蝦少數人"嗎?任何一個議會都會有多或少數啦，我未見過一個個個黨剛剛同一分數的議會，最重要反而係他日少數人通過選舉變成多數的機會。民建聯肯接受呢個游戲規則，相信佢地勝算唔會細
老兄的問題,小弟有這樣看法:
1.如果現在要講時限,首先就要具備普選的條件,但正如小弟以前所講,現在香港人的素質,要訂下時限,情況就可以改善嗎?如果你問小弟,以香港人的素質(唔好忘記,現在香港每天重有150個大陸新移民輸入香港,而且重未計日日落來生仔的大陸大肚婆,再加上土生土長而自私自利的港人),在政棍們的推波助瀾下,如果現在說要訂下時限(訂得遠,到時只會讓他們說政府有心拖延,訂得近,又係死),又會發生甚麼事呢?(今天報紙就有兩單新聞,一單係社區組織協會又策動一班細路上街,要求增加綜援同津貼,另一單則是蘋果社論,嶺大有件「學者」,連原富論都重未搞清楚,就貿然攻擊佛利民,如果在這種民粹主義情況下就學人講普選,會出現甚麼混亂?)
民主,人人都識講,小弟心入面都支持,但望見今日香港,巿民素質低劣,輸打贏要,只講權利而不講義務,開口埋口講人權(但只講有利自己的人權而不理別人的人權),正如小弟之前所言,貿然訂下時限,到時死的又會是誰呢?
2.中產其實不知幾贊成?(香港反而冇真正好草根的民主派?)
中產(小弟係基層窮鬼無得享受福利,,但要納稅,不敢代表中產,僅能代表自己,小弟自己就不希望現在有民主)贊成民主,但唔係贊成今日呢班只懂譁眾取寵(只懂講福利,只懂講扶貧)的民主派(香港無真正好草根的民主派,但香港有好多聲聲「為民請命」,但又不顧實際,不理現實情況的所謂民主派)。
3.現今立法會的確係唔理想(但如實行普選,情況肯定更衰),但唔好以為普選就可以解決一切問題,如果民粹主義當道,(就算民建聯,小弟都好討厭民建聯,且討厭程度更在民主派之上)當選,到時正如早前阿飛毛腿兄所講,到時爭取普選成功,無左selling point後, 只剩下開倉派米成為口號,到時香港會發生甚麼情況呢?
[
本帖最後由 無聊居士 於 2006-12-23 09:27 AM 編輯 ]
