各位前輩的討論之深入全面,只做CD-ROM已有得著, 請支持小弟的新POST"我的雜架灘",
近期城中大孖沙的行徑甚為出位,他們真的覺得自己可以做香港的土皇帝,與香港群眾為敵? 大陸只要是有錢人,也有一日成為階下囚之可能, 只要看看中共建政後的歷史,實想不到大孖沙有何能耐作中共之對手, 政權精放拉一批打一批.大孖沙今時今日的地位也是英國人默許造成, 以英國人文明而偽善的手段, 要對付大孖沙實不費吹灰之力, 如果今日還是英國旗下, 九十年代樓市達癲價之情況一定不會出現.  往後發展,真不容輕視

阿爺最唔鐘意兩樣野。
(1) 聚眾
(2) 坐大

伊家香港兩樣有齊，穩定壓倒一切。仲有冇八萬蚊一呎樓？大家誌諗？

八萬蚊一呎樓, 當日天匯開售時, 說半山有一楝八十八樓既豪宅,  真係嚇一跳, 八十八樓既高度就可以高過國金2期及太平山. 但數字叔旗下漁村樓盤十室九空, 看不到大宅門應有之貴氣. 但他己年事甚高,實在沒有什麼好怕,要怕還是他的子孫了

引用:

原帖由 liao_marco 於 2010-8-13 15:20 發表
八萬蚊一呎樓, 當日天匯開售時, 說半山有一楝八十八樓既豪宅,  真係嚇一跳, 八十八樓既高度就可以高過國金2期及太平山. 但數字叔旗下漁村樓盤十室九空, 看不到大宅門應有之貴氣. 但他己年事甚高,實在沒有什麼好怕, ...

曾經和富豪第 2 代，4 叔 及鄭先生上京。所見所聞：有財有勢，點解唔 "帝力於我何干然" ？

話是話，家姐 / 亞嫂，近來都哦我，點解早幾年唔買樓 ？香港人又試覺得買樓必賺!!!

政府昨日的所謂打壓炒樓政策，只是虛槍一晃，根本無一點決心。也難怪，D高官退休後的財路，邊個想斷架。唔通呢次又要亞爺出手，打跛埋權權隻腳先收到科。

引用:

原帖由 36D 於 2010-8-14 09:31 發表
政府昨日的所謂打壓炒樓政策，只是虛槍一晃，根本無一點決心。也難怪，D高官退休後的財路，邊個想斷架。唔通呢次又要亞爺出手，打跛埋權權隻腳先收到科。

NE 句100% 錯, 錯, 錯！

應該咁講, 係香港有樓ge中產階層最反對打壓炒樓, 高官亦中產, 才所以如此！
更加不要說政府及資助機構近30人等住地產權貴出糧了, 你諗下,上次樓市一倒, 庫房日日缩水, 退休無著,
最大煲係成棚人屬冇競爭力的, 過慣搬FILE生活, 點算 ！出來同中小企爭食, 死硬！
比著係我, 地產權貴要我跪低, 我即刻跪！

讀一讀老毛1925年時寫下的「中國社會各階级分析」, 代入香港社會, 100%中晒。
所以老何話香港中產麻木不仁係咁解。

暫時離題, 請問前輩香港仲有邊度可以食到麻蓉包,我細個時八十年代,仲有麻蓉包食,個人認為比蓮蓉包仲好食

引用:

原帖由 liao_marco 於 2010-8-14 11:02 發表

暫時離題, 請問前輩香港仲有邊度可以食到麻蓉包,我細個時八十年代,仲有麻蓉包食,個人認為比蓮蓉包仲好食

時代NG同, 口味不同, 老何標準已屬前塵, 況且現今材料失真, 做工失實, 處事失責, 冇啖好食。
我都想知BIN處有包可食。據聞劉健威天后間鋪請左西營盤德記老師父出山, 試下去撞彩。

引用:

原帖由 老何 於 2010-8-14 10:53 發表


NE 句100% 錯, 錯, 錯！

應該咁講, 係香港有樓ge中產階層最反對打壓炒樓, 高官亦中產, 才所以如此！
更加不要說政府及資助機構近30人等住地產權貴出糧了, 你諗下,上次樓市一倒, 庫房日日缩水, 退休無著 ...

都係老何前輩好嘢，後生受教

回歸中国十幾年老共老左對香港管理不善,地產商大孖沙同呀爺関係良好,位位都是愛國人士,政府無佢付,特首由地產商大孖沙選出來,香港人想普選被呀爺制止,肥彭偽善下比香港人一人一票立法局選議員,呀爺同老左委任佢個D大孖沙入局,十幾年管唔惦就賴英國人,咁即係話大陸管得好惦啦!
呀爺自己周身都唔得閒!  (香港地產商起屏風樓,好似舟曲咁個樣)

引用:

原帖由 36D 於 2010-8-14 09:31 發表
政府昨日的所謂打壓炒樓政策，只是虛槍一晃，根本無一點決心。也難怪，D高官退休後的財路，邊個想斷架。唔通呢次又要亞爺出手，打跛埋權權隻腳先收到科。

to certain extent, true!!!

佢地是有樓階級，投資偏及各國。淨係香港 d 樓跌，都有得套戥。

引用:

原帖由 comm 於 2010-8-14 14:16 發表
回歸中国十幾年老共老左對香港管理不善,地產商大孖沙同呀爺関係良好,位位都是愛國人士,政府無佢付,特首由地產商大孖沙選出來,香港人想普選被呀爺制止,肥彭偽善下比香港人一人一票立法局選議員,呀爺同老左 ...

管治藝術，我地真是唔夠英國鬼。

唔好理，紅毛鬼係人都知佢偽善，但搞到有聲有色。回歸後就熄燈個熄。

其實，樓上講到尾都係懷勉英國管治的日子，小的認為，未免有所過於于腐。

為什麼不站出來？「五區公投」的時候，大家又站在何處？
有些「中產」在指責中產，呢個係香港人特色，五十步笑百步，但敢問在座各位，你地有幾多個唔係中產？？
大家在指責年青人們只管搞事，但相比針唔刺中肉既所謂「中產」，會否很無恥？

香港人不單賤，而且過份自私，今日種下的惡果，唔好以為唔關大家事，想改變命運者只有靠自己，如果大家繼續于腐，又打出一副「細路仔你識乜野」既態度，咁肯定會到最後「一無所有」。

香港導遊呀真講全部對現!

引用:

原帖由 bobbystar2100 於 2010-8-16 21:32 發表
其實，樓上講到尾都係懷勉英國管治的日子，小的認為，未免有所過於于腐。

為什麼不站出來？「五區公投」的時候，大家又站在何處？
有些「中產」在指責中產，呢個係香港人特色，五十步笑百步，但敢問在座各位，你地有幾多個唔係中產？？
大家在指責年青人們只管搞事，但相比針唔刺中肉既所謂「中產」，會否很無恥？

香港人不單賤，而且過份自私，今日種下的惡果，唔好以為唔關大家事，想改變命運者只有靠自己，如果大家繼續于腐，又打出一副「細路仔你識乜野」既態度，咁肯定會到最後「一無所有」。
...

1000% 同意!!!!

請勿介意，為何 1 定要敵我茅盾，壁壘分明？年輕人常覺得「中產」針唔刺中肉，其實 在 M 型社會，中產的日子毫不好過。(身家縮水，子女的出路 / 置業，退休後的生活等等)。

中產 / 中年人覺得年輕 1 輩偏激，其實亦是很正常的事 - 豈有豪情似舊時 ？



個人覺得不是人人都要站出來，企在前線 。孫中山先生革命成功，亦靠 1 批在背後支持的老華僑。(「五區公投」當日，我搬了家，專登轉 3 次車去 投票)

「中產」在指責中產 - 我覺得難能可貴，好像鄧小平等人，其實出身地主 / 富農，能看到自己階層的不足。非凡夫所為。

本人都覺得英國人是偽君子，但人家真是做得好，就應該稱讚。他山之石，可以為師。




[ 本帖最後由 suewong 於 2010-8-16 23:52 編輯 ]

sue姐姐，我其實並非指你話英國人既優點就是于腐，其實我一係感到悲憤，二我係覺得點解要「港人治港」都做唔到？

我想大家明白，即使大家對共產黨管治下的人民共和國好有意見，但平心而論，我即使痛恨一黨專政，但無可否認，一些中央壓下來的政策，省巿即使只係出於形象管理也好，執行之官員賞罰制度都要比香港好而快；
而香港特區自稱「先進」，但單單政府問責方面竟能做到有責不付、甚至群龍無首，食飯人多做野人少，你會睇到，特區政府既矛盾根源…

而我最痛恨中產的地方，就係呢班人都識得批評，但睇番自己，何曾又不是股、樓合一，協助地產商…

引用:

原帖由 bobbystar2100 於 2010-8-17 01:31 發表 sue姐姐，我其實並非指你話英國人既優點就是于腐，其實我一係感到悲憤，二我係覺得點解要「港人治港」都做唔到？我想大家明白，即使大家對共產黨管治下的人民共和國好有意見，但平心而論，我即使痛恨一黨專政，但 ...

小朋友 :

我地班老柴上完網發牙痕拎轉背就努力工作
用我地既血汗賺錢買樓買股,
如果你好似我地咁勤力, 三十年後你比我地更豐足

至於X區公頭呢D野今日講多無謂
三十年後如果你重記得
你一定有新體會

P.S.
入咗紙申請公屋未 ?  
惗吾惗示威要政府喺尖咀同金鐘起公屋
千尺單位月租 $900

引用:

原帖由 bobbystar2100 於 2010-8-17 01:31 發表
sue姐姐，我其實並非指你話英國人既優點就是于腐，其實我一係感到悲憤，二我係覺得點解要「港人治港」都做唔到？

我想大家明白，即使大家對共產黨管治下的人民共和國好有意見，但平心而論，我即使痛恨一黨專政，但無可否認，一些中央壓下來的政策，省巿即使只係出於形象管理也好，執行之官員賞罰制度都要比香港好而快；
而香港特區自稱「先進」，但單單政府問責方面竟能做到有責不付、甚至群龍無首，食飯人多做野人少，你會睇到，特區政府既矛盾根源…

而我最痛恨中產的地方，就係呢班人都識得批評，但睇番自己，何曾又不是股、樓合一，協助地產商…
...

我同樣對香港 / 國內 的 1 些現象，感到悲憤。

不敢問 / 想，害怕答案是陶才子所言，(因為覺得言之成理)。

人性+能力 - 回歸前的政務官，其實只是政策執行，制定政策，全出於英國人。現在的 局長 / 署長，根本缺乏國際視野。勇冠三軍的葉劉，如今安在；低調的李先生，無驚無險。其他繼任為官，選擇會如何 ？

我只有股 (藍籌，但無 1 隻返家鄉)，無樓。

平心而論，他人用正當的方法，積累財富，合乎情理 ，而且亦有風險。我反而對地產商的不良手法 (發水樓 / 售價不透明, 反感更大。






[ 本帖最後由 suewong 於 2010-8-17 19:24 編輯 ]

老何何以說............中產麻木不仁！

形成中產階級, 得來不易: 中產階级應珍惜形成的條件.
這些條件, 說的已多, 研究的亦多, 港人個中體會到的更多；不能反省的,當然例外。

形成的這段時間, 老何身處海外, 未能有這主要過程的步伐體會, 自92年回港至今快20年了,對香江之有今日,
實有深思, 從中國歷史看, 這地方的人們可說是中華民族中最為幸運的一小撮, 不論奮鬥期如何艱苦,
始終有所得, 但世界並非如此, 這是港人之所以幸運的地方, 更形成中產階級。

97之後, 另一變局。發展至今,中產階級變得麻木不仁。
不仁的地方不在於守護, 增長已有的財富, 而在於殘伐下一代。
老何本想以善忘來概括中產階級的行為, 但從日常生活, 社會活動看, 中產階級對形成他們的條件已不再關心。
變局在發展, 下一代在成長, 現今中產留下些什麼給他/她們？
硬件, 軟件留下了, 但心件Soul Ware呢？
老毛最大之惡...........是毒害人的心靈。

在香江距異化還需一兩代人的時間, 借....李大釗......的一句說話 :
我以為世間最可貴的就是“今”，最易喪失得也是“今”。因为它最容易喪失，所以更覺得它寶貴。

引用:

原帖由 老何 於 2010-8-17 19:17 發表
實有深思, 從中國歷史看, 這地方的人們可說是中華民族中最為幸運的一小撮, 不論奮鬥期如何艱苦,
始終有所得, 但世界並非如此, 這是港人之所以幸運的地方, 更形成中產階級。
...

couldn't agree any more.

引用:

原帖由 ces 於 2010-8-17 01:57 發表


小朋友 :
我地班老柴上完網發牙痕拎轉背就努力工作
用我地既血汗賺錢買樓買股,
如果你好似我地咁勤力, 三十年後你比我地更豐足
至於X區公頭呢D野今日講多無謂
三十年後如果你重記得
你一定有新體會
P.S.
入咗紙申請公屋未 ?  
惗吾惗示威要政府喺尖咀同金鐘起公屋
千尺單位月租 $900

我唔係乜野老柴，或者學你話事頭，i'm just a kid，
但唔好意思，我並非你眼中果堆番工等放工，放工等放假等出糧、漫無目的既年青人。
我從小到大，讀書又試過學壞，後來重拾書本畢業後，又做過好多不同工作，
直至現在，才算稍作有點成績，我無打算申請公屋，因為我既人工已經超過上限。
唔一定要學閣下咁上網之後要掉轉埋頭苦幹先叫「勤力」，
我都有勤力的一套，我都要捱更抵夜，年青人唔係個個都係你既想像中「垃圾」。

我唔知道亦唔肯定，閣下年青時候否曾於內心中有過一團「火」，但唔緊要，who cares？
不過就以閣下的話，實在讓小弟有所啟發，
就係我三十年後必然有所警惕，唔希望，亦盡量避免自己會變成一個自私、麻木不仁的中國人，
上一代深受其害不要緊，反正長江後浪總會推前浪，
誠如我之前曾經講過：「可你總是笑我，一無所有。」

p.s：乜有話過金鐘、尖沙咀係唔可以起公屋？
如果真係唔得既話，咁我自然會聯想到，窮人應該要被趕入新界的，既然係咁，倒不如學學日軍侵華時，強制港民回鄉？到時倒可以將共產黨納粹化，我樂觀其成（因為到時一定有好多高喊打倒特區政府）
相信金鐘可以不用變公屋之餘，更可以讓地產商們大量興建豪宅，到時炒樓果陣，閣下可以不彷霸定個位。

[ 本帖最後由 bobbystar2100 於 2010-8-18 22:10 編輯 ]

朋友 :

聽你講你都算係一個實幹既年青人,  但為什你卻支持社會的一些公眾資源要無條件地由一些不勞而鑊的人佔用呢 ?

無論點樣, 我地大家都己經發表咗自己既意見, 這是自由社會的寶貴處. 唔好走住, 傾多幾次先

前輩，敢問何等程度是為「支持社會一些公眾資源無條件支持不勞而獲的人」？

到底現今香港社會上，不勞而獲的人佔大多數？還是岐視和自保的人佔大多數？
可以咁講，人天生就係有「不勞而獲」的陋性，其實相比羅一二千蚊綜援係「懶人」，咁其實炒樓炒股既人，都可以係叫不務正業，所以正式黎講，而家香港應該叫「不務正業」，而唔係仲講乜野「不勞而獲」，這已過時。

點解香港好靈靈，會有人羅綜援，最後甚至乜都唔做，我相信前輩對呢種人既講法係叫「不勞而獲」。但敢問前輩可曾想過，點解？

點解香港好靈靈，會有人羅綜援，最後甚至乜都唔做，我相信前輩對呢種人既講法係叫「不勞而獲」。但敢問前輩可曾想過，點解？

願聞其詳 .........