引用:

原帖由 ntoreg 於 2008-5-20 23:53 發表
從教波角度雲加確係一流，但始終無咩運，
入「廠」第一年贏到聯賽，但之後就一直被紅魔壓住，獎項唔多，
跟住贏多兩屆英超，歐聯又無咩突破，最好果屆都不過攞亞軍，
其他就早早出局，
家下聯賽一度排榜 ...

哩D野好難講「運」嘅 - 至少兵工廠贏錦標多過車仔丫.
好多人對雲格賣走亨利嘅決定有微詞, 但係我覺得佢其實做得冇錯. 係! 佢仍然係一流選手, 但係佢嘅狀態已經開始走下坡. 加埋人地已經心思思想走. 留住個「身在漢營心在曹」嘅人, 倒不如好好地培訓D青年軍?

最傷嘅係賣走韋拉. 冇錯佢都係想走, 但係我諗雲格從來冇好好諗清楚搵邊個代替佢. 四大天王中, 三隊有穩健嘅中場人物 (謝拉特, 林伯, 堅尼/加歷克/夏加利斯). 呢個人應該係基拔圖施華, 但係雲格從來都對佢冇信心.

兵工廠條後防線更加唔駛講啦, 走左四條鐵漢 (或老餅, 視你幫邊一隊為定), 一個的都補唔番. Toure 稍有大將之風, 直到上年買左加拿斯才似D樣.

[ 本帖最後由 mynameishoi 於 2008-5-21 17:02 編輯 ]

引用:

原帖由 OrangeFai 於 2008-5-21 01:47 發表

只能夠講的就係, 輸一年可以係無運, 輸兩年都勉強可以, 輸咁多年仲講運氣之故?

恐怕就算當事人講完都好難唔面黃

可能兵工廠嘅「最強」同曼聯/車仔嘅「最強」係冇得比呢?

引用:

原帖由 周五一次郎 於 2008-5-21 18:56 發表
如果从这几年捧杯次数来讲，云加得确不是太成功。
但从商业角度来看，云加可能是英超最成功的领队！

何解呢?
我無正式數據證明, 但曼聯不是現時價值最高的球隊嗎?

引用:

原帖由 claudeyue 於 2008-5-21 21:56 發表


佢指增值率je~
用平價既球員踢出可觀既球賽,
球員升價之後又高價賣返出去, 商業上成功~

我都估可能佢講緊增值率. 雲格接手以來, 不止重整軍威, 而且球隊嘅形象亦比格拉咸年代進步左好多.

不過如果以「已有資源」來計, 保頓可能先至係最成功嘅隊伍.
佢地最初上英超時, 冇大將, 冇威勢, 係人都當佢地係降班馬.
結果以一班烏合之眾打入歐聯.
Sam Allardyce 功不可抹...不過衰收尾, 去錯左紐卡素姐

引用:

原帖由 claudeyue 於 2008-5-21 21:51 發表

阿仙奴贏得多過車仔係因為車仔之前係中上游球隊je, 油王都係黎咗5年之嘛... 唔可以咁比既...

所以我咪就係話阿仙奴呢幾年贏得少唔係因為「唔夠運」囉

引用:

原帖由 claudeyue 於 2008-5-21 21:51 發表

阿仙奴既後防其實無乜辦法既, 改朝換代都總要一斷磨合既時候, 到順利接手, 羅倫就麻麻啦, 蘇金寶托尼幾好丫, 艾殊利高爾當時更加被傳為最佳左後衛之一tim, 到依家伊保爾/沙格拿我覺得好穩陣, 托尼+加拿斯都一樣咁穩陣, 基治都好好丫..

我都同意後防改朝換代係要時間; 但係始終終都係有D蜀中無大將嘅感覺. 唔係我念舊, 蘇金寶, 加拿斯等人嘅威望絕不比亞當斯差; 但係喺佢地身邊嘅人始終都覺得差DD咁

引用:

原帖由 ajizanmai 於 2008-5-22 12:29 發表
設工資上限無可厚非，始終這個不是雲加一人決定的。

但雲加堅持要培訓新人，可以顯出他的理想，但理想是要付代價的。除了球會的壓力外，fans也有給予一定壓力。而且新人表現時好時壞，好起上黎人人會大讚，但唔好時會一沉百踩。

老實說，阿仙奴這幾年雖沒有得到什麼冠軍，但成績其實唔太差，我們做球迷的也要懂得欣賞這一點。

我諗大家都唔使多諗工資上限啦, G14雖然正式嚟講已經散band, 但係佢地影響力仍在; 呢班財主永遠唔會贊成柩搞工資上限架

就算G14唔嘈, 歐聯都會嘈. 工資一限制左, D球星唔仲撲倒咁去第二D國家D聯賽度打? J-League 又好, MLS 又好...

我亦都贊成你講, 阿仙奴呢5-6年都有真正咁挑戰聯賽同足總盃. 歐聯就麻麻嘞, 但係舊年都入到決賽丫. 真係好難諗到邊個教頭可以帶佢地更上一層樓...

引用:

原帖由 OrangeFai 於 2008-5-22 16:12 發表

乜G14散左喇咩?

根據Wikipedia係咁講.
http://zh.wikipedia.org/wiki/G-14

引用:

原帖由 claudeyue 於 2008-5-23 02:58 發表

呢幾年既升班馬之中連續幾年都係兩支跌返落去一支留得低, 留低個支例如雷丁韋根咁都係10名左右, 算係幾好野, 不過要好似保頓咁又真係難d... 大sam係幾好野既, 不過紐卡素多年黎既內部問題始終唔係一個外人攪得 ...

紐卡素頂多咪都係中上游球會, 但係管理層野心太大, 差唔多當自己係四大天王一部份.
以佢地而家嘅實力同資源, 有歐聯打應該已經好高興啦.

樸茨茅夫有機會成為保頓第二, 領隊列納非泛泛之輩, 以蘇金寶, 占士, 迪科爾等人為中心, 佢地呢幾年之內大可挑戰歐聯席位.

引用:

原帖由 OrangeFai 於 2008-5-25 01:03 發表

紐卡素你計成績當然唔係大球會, 但如果計規模、財力, 佢地都勉強算係大會黎架.

學阿Claude 兄話齋, 我對佢地嘅財力都唔係咁樂觀.

無錯, 佢地規模大, 但係我覺得喺果年比曼聯以12分之差後來居上贏冠軍之後, 紐卡素算係一蹶不振.

至少佢地堅持唔搵舒亞拿做領隊, 咁就真係大鑊囉!

引用:

原帖由 OrangeFai 於 2008-5-29 01:22 發表
另外, 阿仙奴的不敗紀錄, 無記錯的話應該係俾當時仲響拖肥糖的神童朗尼一腳射破左的  

果場我喺人地屋企飲到頭昏果陣睇現場嘅!
高興到極點!!

引用:

原帖由 claudeyue 於 2008-5-29 01:13 發表
咁紐記拿第五算唔算贏丫? 我諗對球迷同佢地苛刻既球會高層黎講唔算... 所以紐記贏既機會一d都唔大, 或者一年裡面贏/和到四大兩三次都己經超過佢地既預期喇...

紐記D擁躉其實應該諗清楚, 佢地現有嘅財力同隊伍並唔係top 4嘅料子.
羅第五應該算贏啦, 實力同佢地有得比嘅球隊比比皆是.

引用:

原帖由 OrangeFai 於 2008-5-30 14:45 發表

但聽講話佢過利物浦喎.

唉, 我就唔多明利記買佢做乜鬼野喇....
佢的功能....其實沙比阿朗素幾乎做到晒....如果講傳d波....我覺得沙比傳的更加毒添.

我諗阿Claude兄咪就係咁講 - 巴利離開維拉會好傷奧尼爾嘅大計囉.

但係英超操作制度就係咁, 強者愈強, 弱者愈弱. 細隊如韋斯咸對大隊嘅唯一價值就係做青訓工廠.

如果林伯, 里奧, 祖高爾, 卡歷克, Defoe, Reo-Coker 全部留隊, 班鐵槌佬會建立點樣嘅王朝?

引用:

原帖由 OrangeFai 於 2008-5-30 16:49 發表

我知, 我只係發表下謬論

槌仔幫果度....咁又唔可以咁講的.
林柏真係大放異彩的係來左車路士之後、卡域克真正成名係熱刺、里奧唔去列斯/曼聯, 見識下歐聯果d大場面, 有無而家咁強真係未知之數 :reading ...

我都明白, 呢D大牌球員唔離開韋斯咸, 都出唔到名啦.

我有時都諗如果朗尼留喺愛華頓, 我地可否喺佢身上建立王朝? 抑或佢會變成典型利物浦爛仔呢?

引用:

原帖由 OrangeFai 於 2008-5-30 17:03 發表

成日都諗呢d問題好易頭爆 ...

一早已經爆左啦...90年代尾, 年年等降班, 血壓都高過人...