二十六歲第一次離開香港去一遍未知既土地
心情既緊張又興奮
拋開香港既一切煩囂
全情嚐盡生命中既第一次．．．

香港起行

新機場未開幕既時候黎過一次
今次黎到望住個航班顯示板
心裡面既感覺係．．今次終於做乘客了∼∼



以前未有冇人駕駛列車就要搭接駁巴士
依家方便得多lu...
香港國際機場的確係個先進既國際級機場

Final Call了....快d入閘先...



參觀左個洗手間...真係麻雀雖小五藏俱全呀~~

因為係夜機既關係..到達既時候已好夜lu...
所以就直接返酒店...咁就完成左第一日既行程勒...(係咪有D搵笨呢... )



酒店好近機場,所以好快就到...間酒店大堂都幾好啦...



之後編左去住行政樓層...領隊真好人...

第二日晨早就要彈起身,早餐過後就搭旅巴去文殊坊 (原本係直接去機場架...但因為航班關係有時間去多個地方..所以變左將第六日要去既地方移左去第一日,跟住造就左我既大熊貓勒... lucky~~~ )

呢張相個個都未訓醒既...但係個導遊就不停咁吱吱喳喳...成個行程佢把口真係未停過架....

文殊坊其實冇咩野行...得幾間舖開左...有d其實係仲未開業架...





不過發現有一間studio專幫人影民族服...攪到心思思去影..不過時間關係梗係去唔到啦~~

行完之後就去搭內陸機去九寨溝lu...
原本係飛12點架..不過因為黃龍機場有雪落,所以要清理跑道..dealy左一個鐘就上機勒



搭九個字左右既飛機好快就到黃龍九寨,成都個邊就天陰陰,原本擔心九寨呢邊都係一樣...但一落機就萬里晴空...心曠神怡,空氣都清新過人...

第二日應該係去九寨溝既...但因為delay左既關係我地就要甲蕃古城行下勒...借洗手間多..又係冇野行架...



落車後既第一個雪景...有雪玩真開心呀~~~

離開甲蕃古城仲要坐好耐車先到酒店..比九寨溝國家地質公園仲要入d..不過都幾近既...
呢間酒店係九寨裡面既五星級,設備應有盡有..不過住一晚高級房都要成2200蚊架..(酒店係冇標準房既,仲要唔包早餐)



今次我地響九寨會住上兩晚...當我踏入房擰轉頭既時候...我嘩左一聲.... 我入住行政套房呀~~~
領隊先生,多謝你....

一早起身,食完早晨之後就去九寨溝勒...我地入溝係2次...所以要影一張相,作第二次入溝之用...入閘後搭包車去每一個景點勒



第一個要去既地方係鏡海..按字說明..好似一塊鏡咁,照出倒影..係遍好安靜既海

之後我地到達箭竹海...我放棄唔影湖面,因為個個海都係波平如鏡...睇完說明之後就搵佢地值得影既地方....

呢個箭竹海,湖裡面有好多箭竹響度...感覺好似藏響裡面等成為石油咁....



跟住就去熊貓海...熊貓海冇野影架....一個湖,一塊薄冰...但呢度好耐以前有熊貓出沒 ,因而得名

珍珠灘瀑布

如果同樹正瀑布比起黎,珍珠灘就比較柔情一d...中午陽光照射落瀑布,瀑布就如同珍珠一樣一顆顆閃閃落下..好靚架... (好彩唔係叫鑽石瀑布o者 )



珍珠灘下游

長海....海拔3101米...我上到去凍到十隻手指腳指麻痺....不過呢個海我比較有感覺...唔知點解覺得有d威嚴....好沉默咁



黎到五彩池...高處望落去有d似去水族館睇大魚咁...個池好深架....響呢度仲有雪玩添...大家拎d雪擲黎擲去...都大唔透既...

咦...我漏左五彩池播...
五彩池...咁岩我地去個陣陽光正出現,湖面照出5種顏色,好靚...坐響度沉思下都幾好架...

諾日朗瀑布

之前呢度有位網友影左呢張相,我依家去瀑布已經唔再結冰勒...不過仲有一d大冰未溶化



磨坊

海拔2280米,磨坊建於水上,以水為動力來源將水輪帶動石磨轉動,將小麥,青稞製成粉

行完晒之後...差唔多4點幾,到左閂門時間
我地就再搭車去探訪藏羌族...老老實實...呢兩樣碗野好難飲...一碗係酒,另一碗味道好似芝麻既野...呢餐小食,肚好唔舒服...



訪完藏羌族後就返酒店...仲要食晚餐...攞命... 之後o拍粒腸胃藥食少少野就繼續行程...去酒店隔離睇歌舞表演

藏羌族分別顯示出佢地豪情同柔情,係個唔錯既歌舞表演...

第二次入溝,去得一個景點就係盆景灘....

海拔2167米,水深只得0.8米,d泥石流響泥度形成地台,長期既鈣化作用沉積形成一個個稍高於水面既盆堤....

我覺得自己好似讀緊地質....去做考察多d....

之後飛番去成都...唔知係咪離開左九寨溝既關係呢...個人冇咩心機咁...唔係咁願影相..天氣又唔好,冇晒晴天白雲..所以草草影下樂山大佛....



一早起身上峨眉山...係咪以前睇得電視太多...我對峨眉既印象只停留響武俠片度...會唔會有d咩師姑走出黎既呢??

峨眉既景致係白茫茫一片....你只會感受到冰凍,周圍結晒冰...行車要用鐵錬防滑...





上到金頂係零下唔知幾多度....有落冰雹...冰雹...令我諗起慧嫻首飄雪...



凍到落山時要買熱野食架...一人一個茶葉蛋...係團中既婆婆請我食既...

lunch響間食店影到既....

來來來..學野勒...

錦里一條街





呢張好似黎左台灣多d...


呢度既招聘廣告...包食包住....

成都原來係叫錦官城???

原來古時既成都係稱為錦官城亦可叫錦城,係指成都既西城
由於呢度係縫製天子錦衣之地,因此稱為錦官城

響杜甫既《蜀相》同《春夜喜雨》中,有咁提及呢個地方

丞相祠堂何處尋？錦官城外柏森林。
映階碧草自春色，隔葉黃鸝空好音。
三顧頻煩天下計，兩朝開濟老臣心。
出師未捷身先死，長使英雄淚滿襟。

好雨知時節，當春乃發生。
隨風潛入夜，潤物細無聲。
野徑雲俱黑，江船火獨明。
曉看紅濕處，花重錦官城。

哎呀~~~我變左文人呀 ....
都係唔扮野做自己好d...

[ 本帖最後由 AW8899 於 2007-3-14 13:37 編輯 ]

引用:

原帖由 AW8899 於 2007-3-14 13:34 發表
成都原來係叫錦官城???

原來古時既成都係稱為錦官城亦可叫錦城,係指成都既西城
由於呢度係縫製天子錦衣之地,因此稱為錦官城

響杜甫既《蜀相》同《春夜喜雨》中,有咁提及呢個地方

丞相祠堂何 ...

奀豬, 好玩嗎????
d相好靚, 不過你影夜景係咪手震呀? 唔得喎

引用:

原帖由 芝華士女朋友kay 於 2007-3-14 16:16 發表

奀豬, 好玩嗎????
d相好靚, 不過你影夜景係咪手震呀? 唔得喎

好玩...
夜晚個度好凍架....

引用:

原帖由 AW8899 於 2007-3-14 17:12 發表

好玩...
夜晚個度好凍架....

d酒店房入面無影相呀???
d食物得唔得???

引用:

原帖由 芝華士女朋友kay 於 2007-3-14 21:10 發表

d酒店房入面無影相呀???
d食物得唔得???

你叫到,我梗有影啦~~~ 不過唔upload上黎勒...攪set尺寸好煩呀...部電腦又神神地....月底出黎再俾你睇啦...

不過可以賣個關子...我住喜來登酒店間房係超正既...4,000一晚既行玫套房...(我睇價目表既)...真係正爆...要多謝我地個領隊先生編個咁好既房俾我住兩日....好似渡假咁...

食物就...酒店就一般啦~~~黎黎去去都係自助餐...但返到成都之後個幾日食既野又唔差喎...係某幾間既飯唔多岩我胃口o者....但到行程last個兩餐最正...藥膳好好味...好多湯飲...好多野食....d飯都唔錯...食到肥左...

不過領隊講得岩架...佢第一晚已經同我地講,你此行既目的係咩?? 九寨溝麻...所以住同食唔好同其他地方比較...因為山區地方,唔會話有好多野食...

不過對我黎講..係驚喜囉...真係冇諗過行程可以安排得咁好....雖然係比較趕同早起身,但領隊好好人,知我想見牦牛,同導遊安排我地去影,去摸..仲有騎...
變臉同熊貓都能如願以償,又可以響九寨溝影到靚相,我真係覺得好開心架!

總括黎講...第一次既旅行真係好開心...同值得紀念...遇上咁盡責既領隊同導遊...我既小費就俾多d勒...

引用:

原帖由 AW8899 於 2007-3-14 22:02 發表

你叫到,我梗有影啦~~~ 不過唔upload上黎勒...攪set尺寸好煩呀...部電腦又神神地....月底出黎再俾你睇啦...

不過可以賣個關子...我住喜來登酒店間房係超正既...4,000一晚既行玫套房...(我睇價目表既). ...

OK 等你d相)))))
我o岩o岩去完一個網睇人地既野,
好搞笑既網站, 我再睇下先post出黎....

o岩o岩入紙申請去旅行既假期....
唔一定會去美國, 因為有d原因, 而家仲掙扎中...
想轉去另一個地方, 不過拎o左假再算