owen517 兄：

你一入嚟就馬上寫出幾篇精彩文章，低加你分！

歡迎你新加入！

引用:

原帖由 owen517 於 2006-9-9 01:21 AM 發表
舊著中,通天教元始門廣法堂一脈相承,三大組織的絕學源自道經這套武功,後來因事分裂成三大勢力,但以廣法堂實力最弱,通天教最勁。有次白骨捉了廣法堂少堂主白俊,搵鬼醫洗腦,供出廣法堂竇口,當時廣法堂派人協助黑龍從 ...

係呀,到老祖宗出場都係故事最高潮所在!之後因為老祖宗實在太X勁而令故事變得無聊....要到蚩尤打鳳奪天先好一D。舊著無論幾時都好, 招式搭救呢個BULL SHIT理論跟本係唔存在!! 邪神自已偷學無相神功係因為知道自已功力不及聖上......邊會話練多幾套外功搭救架!!

引用:

原帖由 owen517 於 2006-9-8 05:49 PM 發表
小虎可謂禍不單行,龍虎群英俾白骨全部捉晒,仲要脅小虎幫佢造反。白骨一早知陳傲雲養唔熟,於是做場戲,等佢以為小虎痴咗,黑龍被燒死。白骨聯同四龍作反,二郎神親手弑弟,而文殊俾小虎黑龍聯手打到一卜一 ...

以前0既劇情梗係好好多.
宜家哥個"胡家x"編劇肯定有問題.
換人做做看啦.......

龍虎門是我第一套接觸的港產漫畫,當時劇情講緊泰國通天教,十分精彩,令到我開始成為龍虎門長期讀者。仲記得睇果期書名叫古來征戰幾人回(671期),由於蚩尤會派人搵黑龍,但條件是要求小虎做特使,接收通天教,戒仔、黑仔傑、龍貫天同元始門去到通天教總壇,老天尊點會咁順攤,又要打餐飽,小虎、龍貫天及火狐被困金庫,要面對二郎神、陳傲雲、卓不凡、雷勁(老天尊手下)及老天尊等高手,龍貫天陣前袖手旁觀,火狐俾陳傲雲用黑煞奇毒殺死,得返小虎一個孤軍作戰,但小虎冇有怕,仲用裂頭腳殺死二郎神,老天尊看見個仔被人殺,當然唔放過小虎,好彩小虎都頂得住,之後螳螂捕蟬,黃雀在後,蚩尤殺到,仲同老天尊開片,另一方面,小虎任務完成,要搵陳傲雲祭旗,一招電光毒龍鑽,將陳傲雲手臂及丹田動創,一身功力無晒,而小虎俾佢噴的毒霧整傷對眼,俾佢從秘道走甩,至於蚩尤憑着無窮戰意,竟然同老天尊打成平手,最後為免玉石俱焚,老天尊俾蚩尤等人走。

陳傲雲知道武功盡失,自行請辭通天教丞相一職,諗住搵閉關的文殊幫手,叫知被拒,仲俾卓不凡捉去,打斷手手腳腳,棄置荒山野嶺,陳傲雲諗住死得啦,點知被神秘人救走,而神秘人就是天下無敵老祖宗,仲收陳傲雲為徒,要佢成為天下第四(當時另一賣座書的醉拳,仲係以小劍仙擔正,魔童逆天唯我都未成氣候,加上醉拳最初劇情背景是民初時期,所以好多人認為老祖宗就是小劍仙,天下第二指王靈,第三就是魔童)

黑龍返到去金佛寺,幫小虎辟毒,醫番隻眼,而蚩尤希望小虎同廣法堂一齊合作,消滅通天教,仲話白俊是廣法堂覆滅的元凶,信譽已經破產,無人會投靠佢,加上龍貫天被老天尊封為通天教丞相,一朝得志的模樣,令白俊好痛心,勸唔到師父放棄榮華富貴,白俊於是寫下遺書,自刎收場。

廣法堂管家愁眉睇完封遺書,向龍貫天大興問罪之師,俾龍貫天殺死,點知俾四眼仔見到,慘遭殺人滅口(四眼明死咗好唔開心),小虎黑龍眼白白俾龍貫天走甩咗。金佛寺絕不容許有死人事件發生,雖然不關小虎事,但小虎自動自覺將玉佛令交番俾住持雲鶴大師,成班兄弟暫避黑狗村,點知小虎等人俾易一飛出賣，攪到黑仔傑落入通天教都靈上人（卓不凡師父）手上，仲硬硬生俾都靈切咗個頭落黎，小虎非常悲憤，同都靈打到日月無光，但用了霹靂狂龍都打唔死對方，俾佢負傷逃走。當時短短六期，龍虎群英已死咗兩件，對劇情非常震撼，張萬有寫得好有感染力，對比而家，三百多期，正派一件都冇死到真係有分別。始終一些角色與其做閒角，不如俾佢死得壯烈，令劇情有張力之餘，亦更加懷念有關角色。（當時讀者覺得四小將死剩光頭星，希望主編唔好做瓜佢，結果光頭星從此獲得免死金牌。）

老祖宗諗住飛昇做神仙，但首先要返老還童，於是陳傲雲叫老祖宗去通天教，可能有收獲，去到後，見老天尊返老還童，變成四十歲模樣，而老天尊一心諗住利用老祖宗，願意教佢如何返老還童。後來，老祖宗見到美姬（即係文殊女朋友，小虎對佢又有意思），覺得佢似醉拳女主角醉娃，對美姬有好感。
另外，文殊重掌通天教，封陳傲雲及龍貫天為左右丞相。金佛寺舉行佛誕，雲鶴邀請通天教、元始門及龍虎門到聖地，各路人馬聚集。銀鈴撞番黑龍，話佢有咗，叫黑龍依附元始門被拒，令銀鈴好傷心，偷聽佢地對話的蚩尤出現，黑龍以為是蚩尤做的好事，點叫被蚩尤鬧番轉頭，唔會利用細妹，叫黑龍好自為之。此時，鐵令公出現，黑龍知道佢係通天教老天尊，即時準備散去一關金鐘罩功力，費時領佢情（對比新著，東方無敵問小虎攞番九陽神功，小虎唔制，仲問番老豆筆帳點計，真係看得好冇耐，破壞小虎形象，令人覺得好小家，其實編劇只須幫小虎度句對白：還未還，好稀罕白蓮教九陽神功！跟住無敵話：傻啦，你係雪蓮的未婚夫，當係入門嫁妝啦，咁就攪掂）

鐵令公話當日傳功只是興之所致，冇諗過要攞番著數，仲諗住取消當日承諾，點知黑龍小人之心度君子之腹，令到鐵令公好唔開心，仲話許下諾言的是黑龍，唔係佢，承諾永遠有效，兩件事令到黑龍好煩惱。跟住劇情講戒仔幫老祖宗超渡神兵，兩人一見如故，做了朋友，後來老祖宗對戒仔多番手下留情。

不過，老祖宗見小虎同美姬好ｃｌｏｓｅ，呷哂醋，老祖宗決戰王小虎成為700期的故事內容，當然小虎唔夠打，但小虎堅毅不屆的眼神，同某個人（應該指醉拳王無忌）好相似。

舊著600至700期的一百期劇情情節豐富，人物眾多，

我今期發覺最攪笑係鐵心同老天尊講全個刑部都知,
乜唔係兵部咩, 果度全部觀眾都應該係兵部既人

舊著600至700期的一百期劇情，情節豐富，人物眾多，劇力緊湊，打得精彩，角色鮮明，應死的角色就應該去死，不會苟延殘喘，封面期期邱福龍手筆，靚到俾，情節主要圍住小虎黑龍發展，旁引其他邪派角色 ，不似得新著過去一百期，剩係講白蓮教叛變、邪神身世，偶而加插幾場無聊打鬥戲俾二．三線發揮，劇情進展極度緩慢．仲要龍虎三皇無什麼戲份，閒閒企企，唔知做什麼，外國人未睇過龍虎門，仲以為是東方無敵及火雲邪神做主角添！

新著去到３００幾期，仲未整場龍虎三皇大戰火雲邪神、東方無敵，作為讀者，好希望看到這些經典場面，好可惜，到現在沒什麼跡象會出現，唔通諗住可以寫長ｄ？反而對火雲邪神及東方無敵幾厚待，火雲邪神同蚩尤及聖上打過，聖上又同邪神兩父子打過，遲些火雲邪神又可以大戰文殊兩父子，文殊又同蚩尤隻抽隻，甚至白蓮聖上與文殊及蚩尤來一場友誼波又得，唔好語記得還有老祖宗啊，所以話編龍虎門好容易，手執咁多經典角色，只要細心鋪排，一年整番幾場世紀大戰（好似英超咁，車仔對利記，曼聯對阿仙奴），肯定期期升書，兼夾有話題，唔似現在劇情死氣沉沉，話羅刹教準備大反擊，拖到咁耐仲未有聲氣，老細已經落左order,果班外援好似金如來、烈火祖師、星宿仲未郁，話明大反擊，就係要食住個勢出動啦!

引用:

原帖由 micphone1979 於 2006-9-9 12:09 PM 發表
我今期發覺最攪笑係鐵心同老天尊講全個刑部都知,
乜唔係兵部咩, 果度全部觀眾都應該係兵部既人

以前看龍虎門,都唔會捉小微小節,諗住玉皇朝咁具規模,咁多人參與製作,應該唔會錯啦,點知今期竟然出現咁既無可原諒的錯誤,其實這些問題存在已久,龍虎門話晒是黃玉郎盛名作,當年話過無得畫好無奈,後來攞到版權重新編著,諗住失而復得,應該好重視,搵最勁班底省靚招牌,點知愈畫愈每況愈下,幕後主筆起稿又唔掂,分鏡累贅,畫面又大大格,打鬥打幾下就算,一期書話咁快看完,再這樣下去,又會重現98,99年玉皇朝低朝時期,流氓天子及龍虎五世w銷情慘淡,被迫摺書的情況.

好事傳仟哩

逍遙風與陸鳩兒：

其實點解你們不回去你們那條【新著龍虎門】相關討論 裡面發帖，要常常走過來這邊「踩過界」呢？
弄到其他網友怨聲載道！

現在決定給你們兩個選擇：
1)如果你們選擇在這邊發帖，小弟將會以「重複主題」刪除你們那條【新著龍虎門】相關討論 。你們
  以後也可進來這邊發帖；但你們可能會受到其他網友攻擊！

2)如果你們想保留你們那條【新著龍虎門】相關討論 ，就請你們以後不要再進來這邊發帖。
   小弟可以向你們保證，其他網友不會進來你們那邊攻擊你們！

希望你們能盡快回覆！

引用:

原帖由 冰河 於 2006-9-9 06:52 PM 發表
逍遙風與陸鳩兒：

其實點解你們不回去你們那條【新著龍虎門】相關討論 裡面發帖，要常常走過來這邊「踩過界」呢？
弄到其他網友怨聲載道！

現在決定給你們兩個選擇：
1)如果你們選擇在這邊 ...

冰河兄.......台仔唔止得2個Account呀!!

老實講，老黃成日話《龍虎門》劇情要慢慢煲先有戲味，咁要煲到幾時先
果場〝白蓮教政變〞煲左成年都無台戲似樣:bird:，跟住仲話玩〝五大世家〞、〝通天百年大典〞...唔該寫好Ｄ故仔先講啦

引用:

原帖由 金屬狂人-Ⅱ 於 2006-9-9 11:22 PM 發表
老實講，老黃成日話《龍虎門》劇情要慢慢煲先有戲味，咁要煲到幾時先
果場〝白蓮教政變〞煲左成年都無台戲似樣:bird:，跟住仲話玩〝五大世家〞、〝通天百年大典〞...唔該寫好Ｄ故仔先講啦

d編劇仲記唔記得通天教有百年大典都成問題...

引用:

原帖由 owen517 於 2006-9-9 12:47 PM 發表

以前看龍虎門,都唔會捉小微小節,諗住玉皇朝咁具規模,咁多人參與製作,應該唔會錯啦,點知今期竟然出現咁既無可原諒的錯誤,其實這些問題存在已中悀l及龍虎五世w銷情慘淡,被迫摺書的情況.

而家既新龍除左靠"龍虎門"三個大字來維持三萬銷量之外,
其他方面都令香港讀者失望到極點........

我認為而家整體質素仲差過龍虎五世W!

新著210期《大挪移的秘密》,講日聖使輸給韋陀,日聖使心諗:若非不能再用陰陽大挪移,這小子必定死在我手上,只怪自己太大意...旁白話陰陽大挪移可沒限制,因何日聖使只用了一次便不能再施展?箇中必定存在著什麼秘密?大挪移破綻上的秘密?

該期出版日期為2004年6月4日,事隔兩年多,編劇及黃生似乎仲未有意思解答這條問題?唔通唔記得左?

引用:

原帖由 冰河 於 2006-9-9 06:52 PM 發表
逍遙風與陸鳩兒：

其實點解你們不回去你們那條【新著龍虎門】相關討論 裡面發帖，要常常走過來這邊「踩過界」呢？
弄到其他網友怨聲載道！

現在決定給你們兩個選擇：
1)如果你們選擇在這邊 ...

好版主難做,被對方一再挑釁仍然要與對方客氣理論,冰兄實在係能人所不能;
我曾與在別谷與此獠周旋多次,牠對於大家提出之任何意見都不予理會及改善,
所以除了其分身之外,在任何地方都無人願意與牠理性討論,冰兄註定對牛彈琴了......

記得未展開澳門羅白大戰,編劇話通天教百年大典還有半年舉行,到新著273期《五大世家盟主劍》,p10講盟主之戰尚有8個月,希望編劇攪好時序,如果唔係又成為另一笑話。
仲有,唔好唔記得要安排一段劇情,講羅刹教要幫南宮一指料理西門狗賊.因為南宮一指答應老邪神醫棍妖的條件。

引用:

原帖由 owen517 於 2006-9-10 02:10 PM 發表
新著210期《大挪移的秘密》,講日聖使輸給韋陀,日聖使心諗:若非不能再用陰陽大挪移,這小子必定死在我手上,只怪自己太大意...旁白話陰陽大挪移可沒限制,因何日聖使只用了一次便不能再施展?箇中必定存在著什麼秘密?大 ...

果期的確冇講過《大挪移的秘密》,但之後老王系月聖使同雙聖打果時借月聖使把口講話如果有左傷口之後再出大挪移就會流血不止!!

引用:

原帖由 金屬狂人-Ⅱ 於 2006-9-9 11:22 PM 發表
老實講，老黃成日話《龍虎門》劇情要慢慢煲先有戲味，咁要煲到幾時先
果場〝白蓮教政變〞煲左成年都無台戲似樣:bird:，跟住仲話玩〝五大世家〞、〝通天百年大典〞...唔該寫好Ｄ故仔先講啦

都唔係第一日識老黃
佢個心諗住呢隻係鮑魚，於是係咁煲係咁煲
結果出黎就食都唔駛食，聞都知係其實係垃圾

最接近而簡單既例子就係白蓮大典...做咩o者
煲成百幾期出黎，
所謂既智計就係三歲都睇得出既無聊
所謂既打戲唔係一招灰飛煙滅就係一招收手
所謂既功力高低就係體型決勝負
所謂既文戲就係白痴既三姑六婆式口頭爭執
所謂既最有影響力角色就係執雞出兩場又再隱形既角色
買黎托咩~~