我記得上官玉的滅絶師太只作普通女俠打扮, 反而李香琴的滅絶師太才是著這個道姑裝的

以前看過江漢演的[七彩奪魂鏢] 及高遠 朱虹演的[金鷹] 老大們有沒有些少零碎 給偶點回憶！

引用:

原帖由 Newnam 於 2008-8-20 22:40 發表


江雪的彩色粵片還有一部，叫《浪子》，謝賢做男主角，女角有尹芳玲、苗嘉麗、江雪。曾江做謝賢的弟弟。

小弟對粵語長片的認識就止於記得對他/她們的面孔名字而已，俱屬人云亦云、胡亂吹水而已！其它的就所知不多喇 … 真的多謝 newnam 兄的留言，資料非常詳盡，著實使本主題生色不少也 ，又加上名版友的捧場，嘩 … 「收視率」直線上升呵！！

哎喲，日後如見到【浪子】這隻 DVD 影碟，一定要買呵！

[ 本帖最後由 tangkennis 於 2008-8-23 22:19 編輯 ]

引用:

原帖由 ericykchan 於 2008-8-21 20:36 發表
我記得上官玉的滅絶師太只作普通女俠打扮, 反而李香琴的滅絶師太才是著這個道姑裝的

ericykchan 兄，哦！

鄭少秋版和梁朝偉版【倚天屠龍記】 DVD 小弟都冇，一切只憑記憶，記錯了 ... ，見笑、見笑！ 阿琴姐李香琴好似有兩套戲服，前段戲是穿阿仙姐個種「道袍」，後段講到佢「落難」，就如梁淑卿般戴上道帽了 … 又不知記憶無誤與否呢 … 講講下原來驚覺已經是廿多年前的劇集了 ！！

[ 本帖最後由 tangkennis 於 2008-8-23 22:24 編輯 ]

引用:

原帖由 大隻西 於 2008-8-21 22:55 發表
以前看過江漢演的[七彩奪魂鏢] 及高遠 朱虹演的[金鷹] 老大們有沒有些少零碎 給偶點回憶！

大隻西兄，你府上當年都有很多工會戲飛贈卷o架！這些戲我都沒有睇過呵，江漢做的，阿媽就帶過我去睇過【我來也】和【我又來也】，不錯，亦幾好笑o架，都好似係工會贈卷戲飛 ！！

[ 本帖最後由 tangkennis 於 2008-8-23 22:47 編輯 ]

引用:

原帖由 wai1960 於 2008-8-20 01:18 發表
應該是金雷、麥基、俞明。應該沒有記錯吧！

阿wai，三個之中估中一個阿基哥麥基咋，唔、唔、唔 … 莫非真的是剩下三成記憶不成 ？…畢竟小麒麟和關鍵都唔係話經常在粵語長片中有「常設」角色或演出嘅，尤其是小麒麟，他常做一些無名無姓的打手甲、飛仔乙、嘍囉丙 … 唉，雖云各有前因致每人的際遇亦各有不同，與當年和他在片場一齊碌大的李小龍日後變為功夫巨星，真的有天壤之別，亦使人不勝唏噓已 …

來看這張，會清楚一些吧！





我記得關鍵係做播音的，是商台吧，後來又在澳門綠邨電台做，唔知有冇記錯？當然後來他在大台作幕前演出喇。在粵語長片中，我都真係好少見到佢！

關鍵旅行社以前係彌敦道胡社生行道，我亦曾上過去報名參加旅行，見到關鍵哥係度打點一切，當然仲有上官玉係度坐陣喇！！個次阿「事頭婆」仲遞單張畀我同我講解行程添… 佢把聲真係十足十個陣時做「滅絕師太」咁非常高音震耳呵！！



在1970年電影【我永遠記得你】，上官玉還是做學生妹呵 ！！


[ 本帖最後由 tangkennis 於 2008-8-23 22:42 編輯 ]

再來一張江雪姐的 ！

晚安！！

引用:

原帖由 tangkennis 於 2008-8-23 22:30 發表



阿wai，三個之中估中一個阿基哥麥基咋，唔、唔、唔 … 莫非真的是剩下三成記憶不成 ？…畢竟小麒麟和關鍵都唔係話經常在粵語長片中有「常設」角色或演出嘅，尤其是小麒麟，他常做一些無名無姓的打手 ...

說真的，現在的記性真的很差，與以前比是差上十倍，就時會將兩件東西混在一起，我經常說可能吃得假蛋多！

引用:

原帖由 takli 於 2008-8-20 04:40 發表


應該是小其麟、麥基、 關健.......................

睇漏了眼添，多謝Takli 君上次提供正確答案，謝捧場！

[ 本帖最後由 tangkennis 於 2008-8-25 21:38 編輯 ]

今晚的一位肯定是我們的集體回憶！巨人簫錦！！通常他都穿虎皮，蓬頭垢面拿住枝狼牙棒，做深山大野人！！

不過今次他著民初裝，疏一個蛋撻頭，非常威武呵    ！！





聽講他後來去了台灣和一位非常登對的姑娘結婚，皆因兩位都神高神大呵，在當地成為一時美談呢！！

Good night !




[ 本帖最後由 tangkennis 於 2008-8-25 21:40 編輯 ]

是，也是一位高大的小姐，但可惜蕭錦已離世。
今次沒有認錯，麥基、蕭錦之外，另一個是吳桐。還有一個看不到，認不到。

引用:

原帖由 wai1960 於 2008-8-26 01:57 發表
是，也是一位高大的小姐，但可惜蕭錦已離世。
今次沒有認錯，麥基、蕭錦之外，另一個是吳桐。還有一個看不到，認不到。

好叻喎   ！！

阿吳桐叔戲路縱橫，古裝時裝、文藝言情、唱曲武打，通通都有份做，真係厲害！！係大台套【書劍恩仇錄】佢做無塵道人，大家都記得吧。




右下角落個位，得個少少側面，是好難辨認出來的… 不過都有例外嘅   ！！賭神幅背影相，係人都知係周潤發啦   ！！

上圖右下角的演員是此圖左首那位，你又認唔認到吖？

中間那位是林蛟叔，冇需多講！個陣時佢都唔係十八廿二，但在戲中他亦能做出蜈蚣彈，厲害！！唔怪得阿夏惠姨後生個陣時咁冧佢 ！！

右首那兩位年輕人都好面熟，但又想不出是誰 ... ...？

左首個位有少少側面，同認出「高進」一樣咁易認囉  ！！其餘三位，實在亦太易啦  ， 留番畀有興趣的版友寫出哩啦 ！！






[ 本帖最後由 tangkennis 於 2008-8-26 19:16 編輯 ]

唔好意思 ，又要貼一張江雪姐的   ！！


晚安 ！！

引用:

原帖由 tangkennis 於 2008-8-23 22:18 發表


大隻西兄，你府上當年都有很多工會戲飛贈卷o架！這些戲我都沒有睇過呵，江漢做的，阿媽就帶過我去睇過【我來也】和【我又來也】，不錯，亦幾好笑o架，都好似係工會贈卷戲飛 ！！

啊！我沒有用贈卷看過電影 是父親帶我買戲票看的 七彩套魂鏢在灣仔國泰看 金鷹在觀塘銀都看。

引用:

原帖由 tangkennis 於 2008-8-26 19:04 發表
上圖右下角的演員是此圖左首那位，你又認唔認到吖？

中間那位是林蛟叔，冇需多講！個陣時佢都唔係十八廿二，但在戲中他亦能做出蜈蚣彈，厲害！！唔怪得阿夏惠姨後生個陣時咁冧佢 ！！

右首那 ...

右面的兩個真的很熟，但說不出名字，後面的那位以前經常在亞視見到。

引用:

原帖由 tangkennis 於 2008-8-26 19:10 發表
左首個位有少少側面，同認出「高進」一樣咁易認囉  ！！其餘三位，實在亦太易啦  ， 留番畀有興趣的版友寫出哩啦 ！！



http://i20.photobucket.com/albums/b203/tangkennis/CantoneseMovie/B32 ...

是謝賢吧，向右是王愛明、黎雯，最右的這個忘記了名字。有時名字在口唇邊，就是說不出來。

[ 本帖最後由 wai1960 於 2008-8-27 01:15 編輯 ]

最右邊那個應該是藍天。

宗燦枝，係無記做過配音，艾朗西探長係佢把聲；
個後生仔好熟面口，似係O靚仔時期的 林偉圖；
左邊著制服個位，霎眼睇似 石天。

引用:

原帖由 wai1960 於 2008-8-27 01:14 發表


是謝賢吧，向右是王愛明、黎雯，最右的這個忘記了名字。有時名字在口唇邊，就是說不出來。

對吖，是黎雯和阿明明王愛明。(在戲中，黎雯是盲眼的)

不知而家王愛明的近況是如何呢？好耐之前聽講她和騎師鄭康業拍拖十多年，最後仍然分手告終，聽聞之後她仍然待字閨中，未再遇上第二段姻緣呢
… 現時就不得而知了。

又對，是謝賢吖 ！

好時真係覺得幾好笑 …

十幾年前，當阿謝檸檬初初出道，我吔就話佢咪係呵謝賢個仔囉 … 今時今日，當我吔又見到個紮馬尾、又戴頸鍊手鍊、又著背心皮褲嘅「阿伯」，我吔就會話佢咪係謝檸檬個老豆囉 … ...！！

引用:

原帖由 tykkwong 於 2008-8-27 01:26 發表
最右邊那個應該是藍天。

tykkong君, 對吖，是藍天。初初在粵語長片中小弟亦常見他演出一些小角色，都幾英偉，屬青靚白淨o架！！後來他在大台做配音，跟住復出螢光幕前拍劇集喇，唉 … 大家都知 … 好可惜他其後在沙田獅子山隧道口遇上交通意外，就此離去 …

小弟仲記得佢去之前仲拍緊一套處境喜劇【閉門一家親】，我有 D 姨媽姑爹反應「甚激」，話大台「有冇攪錯，人啱啱 X 咗仲係度播佢個部劇 ，迫人地睇 X人做戲」，當時小弟心中大不以為然，但又唔可以駁佢吔嘴 。我阿媽就只係講，係個鏡頭前仲生勾勾，原來已經去咗，唉，做人就真係化學囉…

引用:

原帖由 ali 於 2008-8-27 03:30 發表
宗燦枝，係無記做過配音，艾朗西探長係佢把聲；
個後生仔好熟面口，似係O靚仔時期的 林偉圖；
左邊著制服個位，霎眼睇似 石天。

宗燦枝？ … 唔、 唔、唔，小弟覺得佢係凌風，再睇多一張，未知君同意否？

凌風佢係麗記有線年代已經拍劇集，在粵語長片中更多做董事長、或道長高僧呢。

相中多人已介紹過，好像還有三人未提，各位版友夠唔夠眼力睇得出呢   ！！



[ 本帖最後由 tangkennis 於 2008-8-27 20:02 編輯 ]