B1巴士好少人坐，座位又多，可以坐得好舒服，小弟試坐的時候，全車只得十幾個客。

落馬洲支線管制站範圍屬於禁區，巴士到達時，要待閘口打開後才能進入。

這些都是沿路的風景照片：

到了落馬洲支線管制站，這就是巴士、小巴的總站。

小弟到達總站，發覺回程無乜人等車，不論B1或75，都無乜客。

旁邊有的士站，有市區的士，又有新界的士，但都乏人問津。

要過關必須經此梯登上二樓。

這是登上二樓的風景，可以望到對面的福田口岸。

對面新建的高樓，就是漁農村。

一上二樓，超快過關，冷冷清清，唔駛1分鐘搞掂，但跟住要過橋，條橋都幾長。

用了大約3分鐘過橋，到達福田口岸，又係冷冷清清，唔駛排隊，超快速過關，好快就步出口岸大樓。

福田口岸旁有一大塊停車場，但只得幾架巴士。

這是福田口岸乘客乘車指引：

這是放大圖，給大家看清楚路線：

這是新開的91號巴士路線，有點多餘，去會展可以坐地鐵，兩個站就到，開條91號線做乜？真諗唔明。

這是203號線，如果要去華強北，可以坐到上海賓館東落車，如果要去萬象城，可以坐到地王大廈，票價僅¥2.5，平過坐地鐵。

從福田口岸旁的停車場看，過關條橋又真係幾長。

引用:

原帖由 sigma 於 2007-8-20 13:05 發表
68X和B1的站，都是一齊的。

如果想多慳1蚊，由旺角坐68X，直到水邊村才落車，這樣再上B1，八達通只會扣$5.5！

本來以為要補充呢樣添。。。

在水邊村上車除左有分段收費的好處外，仲可兜少個大圈，直上公路。

另外住屯門的朋友亦可以坐53/68A到元朗轉B1，不過因68A不入大馬路
，所以要在鳳池村落車，再步行十分鐘到元朗公園轉B1。

行去水圍不用10分鐘.....

多謝c兄 報告
d相影得好 靚啝
用吔嘢相機影咖

我星期六晚試用 坐75過關 都ok
但感覺行好守多路

[ 本帖最後由 紙老虎 於 2007-8-20 11:40 編輯 ]

引用:

原帖由 紙老虎 於 2007-8-20 19:34 發表
多謝c兄 報告
d相影得好 靚啝
用吔嘢相機影咖

我星期六晚試用 坐75過關 都ok
但感覺行好守多路

多謝欣賞！啲相係小弟用一部只值千幾蚊嘅二手傻瓜機影嘅，部機超低能，用到火滾，真係不值一提，想買部好啲嘅，但又覺得返大陸多，小弟又成日捐窿捐罅，隨時遇賊，都係無謂用靚機。

B1及75號我都坐過，時間差唔多，快慢主要睇你可唔可以掌握到係邊個站轉車出市區。75號雖然行埋啲細路，但其實都唔慢，小弟計過時，由落馬洲支線管制站開出，到元朗西鐵站只須19分鐘，如果唔落車，到元朗中心一帶至落，就要再多幾分鐘。

去過，靜英英，不如羅湖過

唔想比政虎迫坐狗鐵，唔想做羊牯-----
有冇車由港島去福田口岸?
而家坐開直巴由灣仔去皇崗都又平又快(行西隧-西九快速-三號幹線)，但皇崗冇深地鐵接駁唔方便

引用:

原帖由 roadpeople 於 2007-8-23 13:48 發表
唔想比政虎迫坐狗鐵，唔想做羊牯-----
有冇車由港島去福田口岸?
而家坐開直巴由灣仔去皇崗都又平又快(行西隧-西九快速-三號幹線)，但皇崗冇深地鐵接駁唔方便

無乜直接巴士可以去落馬洲支線管制站，如果從港島出發，建議先坐968巴士去元朗，票價$20.7，同樣是行西隧、西九快速、三號幹線，在港島銅鑼灣至中環上客後，便幾乎不停站直達元朗，所以都幾快。到元朗後，可轉坐75號小巴到落馬洲支線管制站，票價$6，全程合共$26.7。

灣仔至皇崗直巴票價$42，比起坐968號巴士轉75號小巴貴了57%！

唔該以上咁多位師兄，上次我唔記得坐 B1 添，走左去坐九鐡。

下次我會坐 68X 轉 B1 了。