第十八頁,呵呵 ~~~ 令女又來了!

上面講到叫 d 坦克仔要好好善用車頭 d 電油,今次就叫 d 細路記得要同副偈加水同防凍劑,咁做就好似同副車頭沖涼咁堅,肯定以後就聲威力猛爽到雪雪聲咁話喎.

留意公仔入便副偈頂上有兩個圓餅,呢個係生風入口既隔塵鼓,由兩隻鼓就可以知道呢隻係老虎後期車頭 L230 ,因為早期車頭 L210 係有三隻隔塵鼓既.

人地德國佬做野一直都係腳踏實地冇話會講多一句癈話,唔同我地 d 大陸同胞同港府高官咁,做 dd 野都要開個死人大會噴兩噸口水都唔見結論.即如上面叫人要留意幫副偈加水同防凍劑,下便第十九頁就即刻出埋個圖話你知點做,重教埋你响咩溫度落幾多份量.

你話如果以前有個阿 sir 肯咁樣捉住我 jj 隻手黎教既,睇怕我而家都會係咩咩 Professor + PhD + abc + kgb 啦卦.

第二十頁,如果你去滑雪前都會首先檢查一下你既滑雪裝備是否 ok ,所以記得上坦克之後在撻車之前,就一定要先睇睇果 d 開關掣是否已經埋好位,例如要空波至好撻車呀,如果唔係就會掃牙架細路!

第二十一頁,既然叫你班友仔要注意撻車前果 d 掣位應該响邊,好啦,而家送佛送到西又點話,直頭將所有手掣位置寫埋出黎,你地唔記得或者唔明既,總之開車前照本子對一次就 ok ,你班友仔唔會連咁都唔差識下話?咁又點去溝女啅俄羅斯妹呀?



[ 本帖最後由 jj2jr 於 2010-12-30 08:55 編輯 ]

第二十二頁,主要是討論用咩野方式去著車,即係用手指襟掣電撻抑或係出去車尾搵支弓黎用手攪撻車呢?結論係最好都係用手撻喎.

第二十三頁介紹老虎發動機冷卻系統的運作概況.圖中右上角是老虎尾,左右各有一個散熱水箱,左下角有個紅圈 "9" 的是一個水泵,把由散熱水箱出來的較低溫水推入老虎副偈帶走機械熱量,然後熱水就會分別流向車尾左右兩側的水箱,由風扇推動空氣將熱水降溫,如是者循環不斷為老虎偈提供正常的工作環境.所以其實打老虎不一定要打心口,打穿散熱水箱一樣可以令老虎立即企定定响度.

一睇e本手冊,就覺得有收藏價值!
我有本Leica相機嘅說明書,d編排用色紙質都好似佢。

引用:

原帖由 jj2jr 於 2010-12-30 08:16 發表


Well it said that if the Tiger crews could make good use in fuel for the Tiger tank, then it could make the tank like having a wonderful massage.

Brother J

那位 Glatter-Goety 先生果然想像力爆棚，如果生於和平時期一定會是一個很受歡迎的通俗作家。

而閣下亦莊諧並重，令此版塊生色不少，佩服、佩服   

在此再說聲 多謝   

祝健康快樂、新年進步

引用:

原帖由 YU? 於 2010-12-31 20:21 發表


Brother J

那位 Glatter-Goety 先生果然想像力爆棚，如果生於和平時期一定會是一個很受歡迎的通俗作家。

而閣下亦莊諧並重，令此版塊生色不少，佩服、佩服   

在此再說聲 多謝 : ...

大家咁話.

第二十四頁是教導坦克仔要明白機油對老虎車頭的重要性,等同防曬膏對保護人體皮膚的功效.




[ 本帖最後由 jj2jr 於 2011-1-1 16:17 編輯 ]

第二十五頁就為上面提及的機油作出一個更明細的指引,把老虎身上要經常更換和補充的 6 種機油份量一一列出.
( 1 )引擎
( 2 )波箱
( 3 )右軸
( 4 )左軸
( 5 )炮塔驅動泵
( 6 )散熱風扇

第二十六頁是向坦克仔解釋一下,老虎身上各種機油並不是由耶穌先生推動,而係由各種不同的油泵提供機油的循環動力.如果油泵失靈就好比在酒館內的啤酒桶沒有氣壓一樣,即係冇啤酒飲咁就眨時硬晒軚可以收皮勒.

第二十七頁再次強調 :
男人唔補好易冇,女人唔補好易老,老虎唔補好老土!

因此鄭重警告各位坦克仔,平日一定要好好打理好隻老虎,如果唔係就遲早大家一鑊熟.

o岩睇,真正,我都佩服你,再多D,唔該.

第二十八頁就叫 d 坦克仔記住 : 我地食塵會炆熷,老虎食塵重難忍!

即係叫班令仔得閒就要清下個生氣入口果個飛路打勒.

第二十九頁係為上一頁作出補充,講下果隻飛路打既結構,叫 d 令仔要每行 500km 就清下佢.

第三十頁就教 d 令仔,關於老虎果隻雙筒式化油器係點既.

引用:

原帖由 27man 於 2011-1-3 02:03 發表
o岩睇,真正,我都佩服你,再多D,唔該.

14 哥你太客氣勒,我都係搬字過紙,見果樣抄果樣出黎希望同大家分享一下,冇咩咁大不了,係人都做得到既,岩冇?

第三十一頁再深入 dd 講解下果隻老虎給必打既結構.

第三十二頁講到波箱,叫 d 細路一定要好好錫住佢,轉波輕輕力,如果唔係就會人仰馬翻.

第三十三頁就教老虎仔點樣去為波箱做日常維護工作,第一句就叫佢地要多檢查波箱油量同清油隔.

第三十四頁講到另一 part ,就係迫力既問題勒.首先指出大家要留意老虎煞車距離.一架老虎以時速 33km 行駛既話,如果想一下要剎停佢既話,唔該大家為前面預留 12 米至好.

多謝巴打無私奉獻!!!!

第三十五頁教 d 令仔點樣去 "鄧" 正條履帶既鬆緊度.
[/size}

第三十六頁是說明老虎腳仔上面每個轆既保養方法.