引用:

原帖由 pceworld 於 2008-8-2 01:13 發表


即係東大街馬會(唔知現在還在嗎？)對面座唐樓

  馬會 就  冇左       系  明華 酒樓隔離     ...      對面  唐樓  叫乜 名       ....................

  我 小時侯  朱 伯  帶 我們去飲       小牛記得嗎.........................

   電車 總站  那間  酒樓  .. 現在是百佳  超屎

引用:

原帖由 西南風 於 2008-8-5 12:18 發表
講講50's~70's的"電車頭"吧；當年金華街 "電車頭"左近共有五間食肆，蘭香園(茶餐室、亦是最早的一間也消失得最早~塊地係霸佔官地得來的)，新新酒家(今日嘅公厠側，檔次較高，其三樓有廂房、點曲的)，洞天 ...

多謝西南風兄提供,你唔講真係唔知呢個地方原來有個咁可愛既名"電車頭"
亦唔知道原來呢個位置,出現過咁多酒樓茶居,小弟出生得遲,只係去過"洞天酒樓".
想問問西南風兄,50-70年代筲箕灣係咪漁民居多呢?
當年亞公岩係石礦場,你居住時期仲有冇人進行採石呢?

引用:

原帖由 財記士多 於 2008-8-5 16:27 發表
  我 小時侯  朱 伯  帶 我們去飲       小牛記得嗎.........................

有d印象,但好似唔係"洞天"喎.....

東大街行入一點便是東華三院No.2小學的後門.

引用:

原帖由 瞭望台 於 2008-8-6 09:41 發表
東大街行入一點便是東華三院No.2小學的後門.

係咪即係學校操場果度大鐵門？

是的!我還記得二樓是教員室.
小食部在地下,隔離是音樂室.
提起小食部，那時有一個"容姐"和"馬蹓"，你記得嗎?

引用:

原帖由 瞭望台 於 2008-8-7 21:24 發表
是的!我還記得二樓是教員室.
小食部在地下,隔離是音樂室.
提起小食部，那時有一個"容姐"和"馬蹓"，你記得嗎?

你講既教員室同音樂室位置完全記得,但小食部d人名就真係唔記得了.

你記得學校入面周圍都好多果d黑白相嗎?果陣時好鬼驚呢d相,好似墳場d相咁,
要留堂冇同學仔陪,如果行呢d位置會過唔敢望同即刻快步走過,好驚佢會走出黎

記得呢三位嗎?

我不懂他們，相信他們都是在我畢業後才教的。可否給我們看全張相其他的人嗎?

禮堂的黑白相，很有同感，都是在講台的另一邊。公訓堂時也很怕!

右手邊係副校長梁滿寛，你認唔出呢？
下面呢張就係全照

我知為何我不知了！因為你是讀下午校，而我是上午校，上下午校教師校長是不同的!

哦,係喎,難怪你唔知道啦
以前好想讀上午校,因為成日覺得下午可以有時間同d朋友仔去玩,
但屋企人唔比,原因係下午屋企冇大人睇住我地,驚我地會作反
所以,趁住星期六長短週呢個機會,就可以搞"自由活動"了

相信你上課前也間中光顧"周強記"吧!戰績如何?

引用:

原帖由 瞭望台 於 2008-8-12 23:43 發表
相信你上課前也間中光顧"周強記"吧!戰績如何?

你一定有份去呢間"大檔"啦
我當年有聽老師講,唔好玩佢d"潛"紙仔,所以冇乜損失,
但佢有部彈波波機,我就玩過好多次,真係呃人架呢
以前返學零用錢得2蚊,通常都用係小食部,或者用左去幫趁姓蔡果位街坊賣既"涼粉橙"

當然輸多啦!早餐錢也試過輸掉!
姓蔡果位街坊賣既"涼粉橙"好好味，冬天是賣夾餅的!
有沒有到永華看戲呀?

記得姓蔡果位街坊賣涼粉既位置有好多美味街頭美食．
炸豬大腸，好大塊，呢家買既冇咁巨型
魚蛋佬，佢ｄ魚蛋超正，果種味道呢家搵唔返
牛什佬，以前只係食佢ｄ羅白
威利民餅家好似就係呢個位置
永華印象中去過幾次，但睇咩戲已經冇印象了，但有一套好印象深刻，
就係李修賢做既”中國超人”，你有冇睇過呢？

牛什佬姓黃，也是住淺水碼頭村。
威利民餅家原址在歡喜酒樓對面。
魚蛋佬應是姓伍,是我同學的父親。
永華看戲太多，不能盡錄, 如所有李小龍的戲,姜大衛、狄龍的戲，無數的早場，台灣國語片.......

歡喜酒樓呢個名有ｄ印象，是否在西灣河呢？

對。
那你記得萬邦酒樓嗎?在金星戲院的舊址!

I think almost all Tung Wah schools has the same thing!

I was from No 1 College, Oxford Rd, Kowloon Tong

引用:

原帖由 瞭望台 於 2008-8-17 10:18 發表
對。
那你記得萬邦酒樓嗎?在金星戲院的舊址!

記得,萬邦就係依家工聯會位置,當年酒樓門口有個魚池,好多小朋友喜歡去睇魚,
但佢有一排好尖既圍欄,好多大人細路都比佢刺傷流血,當然我都唔例外中過招啦.
金星戲院就真係唔知啊,會否在萬邦酒樓附近?記得佢隔離有間叫"金星藥房"啊.

對！
金星藥房現在還在呀!
對面的英昌電器，我家的第一部黑白機也是在那裡買的!
金星戲院之後便是萬邦,問問長輩便知!