人人都是一樣，肚餓時去找食物，吃飽後去找廁所，日日如是年年如是。人人家中有個厨房有個廁所，要入又要出矛盾嗎？

在下都講一個古仔俾大家，話說有個得道嘅老和尚，收咗個徒弟仔，開始教佢一句;  (收心火成正果) 個徒弟問老和尚; (你頭先講乜嘢？)和尚再講 ; (收心火成正果)  個徒弟又問; (你講乜嘢？) 師父講一次徒弟問一次，講咗幾次之後徒弟又再問師父你講乜......？老和尚唔等佢問完就一巴掌冚過去，跟住話; (都話收心火成正果咯！) 徒弟回話 ; (師父你都未曾收心火，點可以成正果？) 師父.........講唔出聲。

衰仔，老和尚都玩。

世事好多都係講一套做一套，要言行合一，講吓就得。

有D事知易行難，有D知難行易，總之各有各難。
(明天外遊，要請假幾日，板主唔洗掛住我。)

知易或知難對閣下來說都是一樣。謹祝一帆風順旅途愉快

有人去環遊世界, 手信一定多籮籮

引用:

原帖由 beautiful 於 2015-3-28 18:38 發表
有人去環遊世界, 手信一定多籮籮

見者有份，聽者有份，知者有份，大家都有份！

我見到有人環遊世界完返黎啦......應該有好多手信

手信---即是在外地可以 (信手拈來買到嘅) 外地產物。

物離鄉貴，貴價嘢唔係我杯茶。

物以稀為貴，好似農產品噉失收就貴，都係講供求。我哋有句諺語;人離鄉賤物離鄉貴。

供少或求多就會漲價，好似大陸北水南調，香港股票升到嘭嘭聲。希望我啲倉底貨可以翻生。

咸魚都會番生，呢次閣下一定盆滿缽滿

師兄想必早已上岸，金盤洗手了。

金盆就冇喇，不過重未洗手收山，衹係用番句行內語句; (持盈保泰)。在下認為凡事都有兩面性，俗話講;有辣有唔辣，有好有醜，有利有害。叻人----歷屆諾貝尓經濟學得獎者，冇個係富豪，人嘅一生;，一命、二運、三風水、四積陰德、五讀書。在下最喜歡食嘅意大利甜品師兄，閣下之高見？

今次北水南調, 好多人都賺左錢

[quote]原帖由 beautiful 於 2015-4-18 00:53 發表
今次北水南調, 好多人都賺左錢 [/q

承閣下貴言，  好多人都賺咗錢

富人目的為賺錢，諾獎得主志不在$$$，志向更清高，我覺得與一命二運無關。

係嘅！我哋有句老土話; 一種米養百樣人，其實點止養百樣人吖！有人視錢財如命，亦有人視錢財如糞土。在下亦聽過一句; 君子愛財取之有道。樂曲都有好多唔同嘅演奏方式，同一首樂曲，另一位會用變奏曲嘅形式演出。

在下才疏學淺，沒有能力去分辨一些事物，尤其是人性或與哲學有關之事，惟有相信街坊流言; 一命、二運、.............五讀書。由于在下想，我國歷經83個王朝，全部帝王559人，不知各位可否告知在下，那一位帝王不是從命運而得來？

從秦說起，秦始皇毋親先與呂不韋相好，懷下始皇，復和秦國子楚(莊襄王)有染，莊襄王死後傳位於嬴政，順理成章的坐上皇位。

漢高祖劉邦47歲時尚一事無成，後和西楚覇王項羽爭天下，論出身文才武略均不及項羽。百思不得其解竟有三位高人簫何、張良、韓信相助登上帝位。

還有宋太祖一夜之間黃袍加身，事前他半點也不知情。

朝鮮三代相傳不亦是靠命運？

中國歷來的皇帝, 不嬲都係有軍權, 夠狠毒去大逃殺子民....就可以上位做皇帝!!

今時今日既中國都一樣.......

中國在歷史上就從來沒有行過民主政制，在下直到現從未試過投票去選國家領袖，從來不知領袖從何而來，誰給他行使無限之權力。

有智慧不如趁勢，與其改變中國，倒不如加入現有政制。請問點先可以加入共產黨？

閣下問如何加入共產黨？在下只能回答一句; (問和尚借梳)，找錯了。

和尚有好多種，有D和尚佢老婆有大把梳。