Miu Miu I like

第三張佢個樣好趣緻.....hahaha

繆美詩身材好fit啊~

I like her a lot

long time no see then..

轉貼
http://hk.apple.nextmedia.com/template/apple/art_main.php?iss_id=20101224&sec_id=4104&subsec_id=15333&art_id=14800177&cat_id=45&coln_id=20

愛一個人過了火，隨時惹到周身蟻。幾年前轉行做公關嘅亞視前新聞之花繆美詩（ Rachel），過去五年來俾一個癡男糾纏，經常等佢返工放工。癡男近排仲喺七個星期內向 Rachel發出咗 650幾個手機 SMS，內容雖然唔涉及性，但就非常肉麻。 Rachel頂唔順報警，噚日法院判佢電話滋擾罪成立，要自簽 2,000蚊擔保同守行為 12個月。

                                                                Rachel喺領匯做咗五年，舊年先起身離開，佢最難忘嘅未必係工作，而係一個喺屋邨商場開茶餐廳嘅癡男。 Rachel話，癡男喺 05年底就開始跟住佢，無論返工放工、出街食飯、做 gym，總之跟得就跟，仲越跟越開心，越開心就越出位。佢當時返工會將架車泊喺領匯近嘅停車場，點知有一次俾人用噴漆噴咗「我愛繆美詩」五個大字，擺明示愛。
俾人跟住嘅感覺唔慌會好， Rachel話最危險嘅，係呢位先生為咗跟貼啲，揸車嗰陣衝紅燈、 cut雙白線。 Rachel話報警超過 10次，不過警方話冇真憑實據，加埋跟蹤唔算犯法，所以想幫都冇得幫。
離開領匯之後， Rachel今年 7月自己開咗間公關公司，搬咗公司之餘又搬咗屋，點知癡男轉用 SMS攻勢，今年 9至 11月喺七個星期內仲無分日夜向佢發超過 650個 SMS，內容大致係想同你一生一世、好掛住你呀之類，搞到 Rachel冇覺好瞓。
                                                                                                                                「都仲係咁鍾意佢」Rachel終於再報警，癡男噚日出庭受審，結果觀塘裁判法院判癡男滋擾罪成。 46歲、報稱商人嘅癡男馬健亮獲准以自簽 2,000蚊擔保，守行為 12個月，並要承諾唔再滋擾事主。不過，法庭判決冇改變癡男嘅情感，佢喺庭外話：「見到佢（繆美詩）我腦海就一片空白……都仲係咁鍾意佢」。癡男離婚約七年，佢話以前喺電視新聞見到 Rachel已對佢有好感，欣賞佢嘅外形、笑容同口齒伶俐。他話 05年已對 Rachel一見鍾情，到𠵱家仍然冇變。
Rachel知道判決之後都未敢鬆一口氣，佢最驚係癡男 12個月之後又故態復萌，又再嚟過。


呢單野有幾多繆美詩新資訊

宇宙最強毒男

Thanks for sharing

都唔係好得此終亞記d anchor係低少少,睇見佢舊partner慧慈d舞台劇表情就想死

五年先報警？我覺得有d搞笑

this poor guy acutally need a doctor or psychologist , rather than going to gettinga girl fd or wife !

dd人最不知所謂，又話鐘意人…又唔知自己騷擾人好討厭

馬生都好大勇氣，將暗戀化為行动！

這種行動跟痴漢有什麼分別

俾人跟足五年...都幾恐怖

very good pic thanks for sharing

家宅男女：不再是主播　一周煮兩餐
不用拋胸，卻又可滿足上鏡慾望，還要有種專業的感覺，主播，是傳媒行業中難得令人羨慕的崗位，只是主播是不是就一定甜多過苦，看看電影《晨早兜巴星》中的劇情，又似乎不是！作為過來人，前亞視新聞之花繆美詩說：「記者生涯給我的回報最多。」







記者：蔡慧敏
攝影：伍慶泉


這個不要寫吧

繆美詩現時的作風很 PR。甫抵埗，便放下一打蛋撻，對攝影師說：「給兄弟們吃吧。」接下來約一小時的對談也極盡防備，「這個不要寫吧」是出現得最多的句子。畢竟轉戰公關界已 6年，只可說她在任何一個崗位都專業至上：「我算是個工作狂。工時超長，但每在長長的工作清單上剔走一項，都覺得很 relieved。」投入，是因為每一項工作都是她的所愛。記者固然是她初出茅廬時的不二之選，及後領匯成立，她被邀為開荒牛，由請人、整網頁、以至機構的制度都要一手一腳建立。辛苦，但挑戰性和滿足感肯定滿瀉。「每次轉工我都沒有掙扎、頭也不回。由記者變成管理層，是不可多得的機會。」她自言「領匯是她唯一認同的房屋政策」，能對自己的工作不存疑，大概比找個 100%的愛人更難吧！事隔五年自組公關公司，雖然回到開荒的起點，但客戶和工作都可以篩選，打工仔只能眼紅。況且，正正是因為轉行，不用再朝 9晚 10，所以每周才可頂多為老公煮兩餐飯，但她說：「我老公算好幸福了！」

成效是漫長的等待

記者習慣以快打慢，對繆美詩而言，轉行大概是由熱油快炒變為文火燜燉：「做記者的滿足感很即時，自己的新聞能否上頭條，出街後有沒有行家跟進，都令人很有動力去衝。但做企業公關，單是內部溝通、與管理層取得共識，都要『妹』足 3個月先可以出街！到睇到成效，就更漫長了。」例如小巴商會欲增加座位，雖然今年 2月已被政府否決，但繆美詩說這件事「仍未收爐」：「鐵路不斷發展，政府自然不想小巴坐大；的士也是個很惡的團體。但游說的工作仍然繼續。」小巴商會提出以凍結票價、提供老人優惠和更換環保小巴作為條件。不同飲茶搭枱加張凳，何時才儲夠加位的共識，實屬未知之數。大家都忘了當年由 14變 16座的路有多長。然而 PR對外之餘，更重要是對內：「無論是步步進逼、還是韜光養晦，都要得到內部的支持。我們審時度勢，提出 A、 B、 C的可行方案，但如果客戶堅持要的，公關基本上已沒有角色可言了。」世上最無奈的，大概是香港政府的公關大員。「政治化妝，上了粉疤痕仍在。」會否接這種知其不可為而為之的工作？「梗係會！咁有挑戰性。冇嘢係一定贏的，但走得多遠便多遠吧。」

傳媒工作提升敏感度

繆美詩坦言記者生活壓力也不小，但是：「記者生涯對我來說是最 rewarding的 7年。人脈、見識在其他行業你都會得到，但敏感度是傳媒工作獨有的訓練，也是我現時做判斷的籌碼。」講起當年揭露了房屋署以高於市價購買電力裝置、導致兩年後陳裘大被捕，除了因為現時與房屋署有來往而稍作躊躇，她仍是有點神往的。偏偏很多小記者都不視這為終身職業：「若入行時已視記者為踏腳石，諗住有人脈可以跳去做些甚麼，個心根本唔喺度，亦不會做得好。」如果你對傳媒工作也有興趣，不妨先看看戲再想多一想吧。

佢係領匯都係被人upgrade PR而走的.其實ATV d 主播從來都唔係領導者la.

繆美詩訪問片段：
http://cablenews.i-cable.com/webapps/program_video/index.php?video_id=1007199

我係度諗佢會唔會有日俾個痴情男打動

引用:

原帖由 juddtrump 於 2012-1-16 11:04 發表
我係度諗佢會唔會有日俾個痴情男打動

打佢一鑊金就有份.