劉雲傑、司徒劍僑、許景琛、梁瑋豪…全新港產綜合漫畫誌—「ONE COMICS」

前幾日行行街見到Ｅ本書，劉雲傑畫既封面（同樓主發既唔同）吸引我停低望多兩眼，再見到有其他主筆，心諗似乎買得過。

睇完之後，如果只係一期完既話，本書都ok，不過咁多個故仔都無一個吸引到我去期待下一期。

以前無睇過劉雲傑作品，今次畫風我就認為及格，彩頁打波都畫得幾有動感，只係13頁底格開波既動作就唔自然；而故事未有太大過人之處，開端都好有趣，道出一個失落人既心情，但完既時候扮到生死之間好緊張咁，但又知會無事，故帶不出等待下回期望。

劍僑既風格好似轉左好多，唔知同黑白稿有無關係，以前係彩色，作畫方法都唔同。仲有既係個作品名：太極Z，擺明用返超神Z既吸引力，咁就低手啦！

梁瑋豪作品都不太差，畫很好；故事爛gag太多，不知有心定無意。頭幾頁似乎係撞網，睇到眼花。

童亦名既故事最吸引，內容新鮮感強，畫功不俗，其中帶有日本書風格。

許景琛既畫最吸引，主要光暗用返筆觸線條去表達，好少用網做（似乎得一兩幅圖用網），值得一讚。不過個故事令我馬上想到20世紀少年......

雖然我似乎彈多過讚，不過都會買下期，希望佢地會愈做愈好！