建議你可以先做一個計劃書,詳列所有收支項目,最基本起碼有:
1)營運成本(即每月經常性開支,如人工,租金,入貨,水電管理費/冷氣費...等,視乎你做什麼生意)

2)創業成本(你set-up盤生意第一浸要出的資本,用來買生財工具,裝修(如適用)等)

3)收入來源(『寧願保守,唔好充大頭』,有時唔係咁快有生意,入不敷支會導致現金流不足,有生意收唔切錢是可以拖垮你盤生意的。

4)cash flow現金流預算

計算你有幾多錢可以投放在生意中,並先預算最壞情況下你d錢可以捱到幾耐(如果捱唔到一年以上,建議你儲多d彈藥先創業;或以part-time/freelance型式接job做)

當然要做下research你個idea/貨品有幾多potential客人,再plan下marketing常講個4個P (price,product,place,promotion).

最好搵d有經驗既人取經(當然係friend/信得過),因為生意人唔會輕易講d商業秘密比你知,你又會驚比人抄你條橋.

萬事俱備先去馬,現在做生意唔係咁易生存到,不過祝你成功

引用:

原帖由 Mr.Gado 於 2007-10-10 15:54 發表
=.=我岩岩比人炒左...佢話佢公司唯唔到皮wo...
而家我冇錢儲...冇得諗住... /.\

咁你有無客或特別技能（如設計／寫網頁／寫作／翻譯．．．等）？無錢都可以出賣你的時間／勞力，先建立你的客戶網絡作日後之用。