引用:

原帖由 金屬狂人-Ⅱ 於 2008-4-18 22:54 發表
有冇人睇咗呀？
我個人覺得都ok ge...

第一頁就有個『醉拳事件年表』...原來同《舊龍》都有Ｄ關係
不過可能我冇睇過《醉拳》及《舊龍》的關係...
始終唔明小劍仙Ｄ行為神神化化咁...

放心，當年除左一個老祖宗疑似小劍仙之外，兩本書完全冇關係，呢個年表只係為佢地強加d關係啫

買左黎睇，第二期應該唔會再買。
全本書只有封面好d ，內頁d公仔求很其。
構圖嚴重有問題，特別其中一頁講小劍仙扯火放飛劍，畫到把劍好似o係佢頭蓋頂生出黎咁。
錯字百出唔在講，連角色名都有問題果下死，令公係對德高望重o既老人家o既一個尊稱，老天尊o係龍虎門入面年紀大，叫佢做令公冇問題，但係小劍仙入面佢只有廿零歲，又點可以叫佢做鐵令公？難道佢老豆咁大整蠱特登改個咁名俾佢？

引用:

原帖由 金屬狂人-Ⅱ 於 2008-4-18 23:09 發表

咁《舊龍》有冇提過王無忌係咪王小虎叔公呀

冇，家陣d關係完全係強加上去，當笑話睇啦

引用:

原帖由 金屬狂人-Ⅱ 於 2008-4-18 23:11 發表

老祖宗的背景係點�謘H

冇背景，同石頭爆出黎冇分別
出場就話佢一百歲生日，老天送個練毒功o既陳傲雲俾佢做禮物。
之後發癲時話自己要飛昇會情人，情人個名叫娃娃。
後來遇到年青時宿敵，疑似王無忌o既石垣，娃娃就係俾石垣一刀劈瓜

引用:

原帖由 kinniku 於 2008-4-29 22:19 發表
話時話,呢幾年間已出現過兩套講明係新著咖醉拳!!
兩套都垃鴨到爆!!!

剛剛睇完小劍仙個年表..........
Sorry~真係好頭痛~~~
都係第日訓救精神先開始睇...............

其中一本仲要搵永仁、景東搞，淨係掛佢兩位個大名，已經可以收檔啦！家陣要一本死唔斷氣o既絕代雙嬌開飯，到底呢兩條友有冇檢討過自己o既問題o係邊？