首先要知道，個女同你的關係是怎樣的？！係好ｆｒｉｅｎｄ，還是平時冇咩點溝通？！
如果係好ｆｒｉｅｎｄ既，問題不大，維持返平時生活模式就好，不過要注意，唔好太偏幫仔仔！
（即係唔好話，細佬仲細，要就下佢！）＜－因為大的會覺得你好偏心，尤其佢一直都係自己擁有全部！

ＢＢ仔去到邊都人人讚，咁就要注意下個女有冇妒忌，因為如果個女冇人讚，ＢＢ就咁多人讚，
個女真係會好憎細佬！個女的心態會係"細佬叻晒啦!冇人錫我架啦!"

都係俾個女接觸多ｄ細佬啦！建立良好的姐弟關係，所有問題就會迎刃而解！

仲有呢，試下俾個女同細佬同一時間沖涼，佢就會慢慢學識自己沖！
試下俾個女陪細佬訓覺啦！不過呢．．．我相信個女大大下就唔想同媽咪一齊訓覺架啦！
幫佢穿鞋？！佢係唔識，定係一直都依賴？冇你地幫佢，佢識唔識先？！如果佢識穿鞋，
咁就叫你老婆試下狠心一點，俾佢自己穿，如果唔係．．．唔好出去啦！
（最重要係唔好俾個女知道係你講，如果唔係．．．憎死你！）

點都好啦！親子關係一定要ｋｅｅｐ住係良好既，尤其個女都就快到發育期，好快就會踏入反叛期！
真係會亂諗！

補充返Ｄ野！

既然仔仔同女女都係同一個阿媽生，真係冇野好擔心！因為同一個阿媽生，真係好親的，都係流一樣的血！

得罪講一句，令人擔心的反而係你，因為始終個女唔係你親生，而個仔先係你親生的，如果你唔會偏心就一定係假！如果你一直偏心的話，只怕將來你個女面對的問題會更多，例如仔仔學行時跌倒有損傷，又或者姐姐帶細佬去街街，細佬唔小心有損傷，你都可能會罵個女的，即使係你個仔既錯！

點都好啦，溝通多Ｄ，俾佢知道你都錫佢，咁就得架啦！
總之．．．細路仔既問題，佢地自己會解決，有咩事都好，如果真係要插手去解決的，由你太太去解決吧！始終佢先係２個小朋友的親生媽媽，２個小朋友的習性，佢最清楚，亦唔會偏心！

再說，個女知唔知你唔係佢親生爸爸先？！如果知道的話，都幾可憐，因為細佬的親生父母都在身邊，而自己只有媽媽係親生的！所以如果佢知道的話，你更加要錫佢多Ｄ，俾佢一種大家都係一家人的感覺！